【D2 Place年宵】香城2.0年宵市集最後5日最新安排一覽/網上拎籌詳情！本地插畫家/人氣YouTubers雲集爆買本地手作＋精品首飾

Feb 11 2021

【D2 Place年宵】D2 Place香城2.0年宵市集最後5日！農曆新年到啦，今年香城2.0年宵市集再開，而且仲開到年初四，新年唔怕無節目！今年香城年宵2.0雲集多個本地人氣插畫家及人氣Youtubers，包括熊仔頭、大麻成、Plastic Thing、DDED等，仲有超多檔不同種類的手作小店，一定有嘢買！為免過多人流聚集，大會安排了網上預先拎籌，唔使排咁耐，即睇最新安排！

撰文：GW ｜來源：D2 Place

新年好去處！D2 Place香城2.0年宵市集最後5日
最新安排一覽/網上拎籌詳情

去年舉辦的《白紙市集 – 香城年宵》反應熱烈，於是今年再度加開香城2.0年宵！市集位於荔枝角D2 Place，場地原先分為4個場區，分別為A區：D2 Place一期天台；B區：D2 Place一期2樓（The Space）；C區：D2 Place二期地下（The Garage）；D區：D2 Place 二期3樓（PowerPlay Arena），但因為天氣不穩定的緣故，一期天台花園A區的市集已宣布取消。

由於疫情關係以及令入場安排更暢順，大會今次推出憑票入場的安排，預先網上拎籌的人必定可在該時段優先進場，而walkin有機會要等1小時以上㗎！唔想排隊排到傻就記得要先以Telegram形式登記（Telegram: @ whitemarkethk），優先索取預先入場門票（快證），而持快證人士必須於快證時間半小時前作登記，以便大會作人流管制措施。