Protected: 【2026萬聖節好去處】THE SOUTHSIDE 狂歡購物推介+玩轉6大打卡位！

就快到萬聖節啦！神秘氣氛都逐漸慢慢升溫～今年港島南生活文化地標THE SOUTHSIDE都為大家準備咗一連串嘅驚喜，成個商場都化身成為「SOUTHSIDE 玩懼節」集中地！無論係想shopping、打卡、品嚐限定美食，以上嘅願望全部都可以喺今個月實現到啦！即刻mark低啱你嘅心水活動啦！ 「嘩」鬼狂歡Shopping！4大必買推介 行街shopping最開心就係發掘到CP值高嘅好物，THE SOUTHSIDE 今次仲集合多達40間商戶推出獨家嘅主題特色產品。無論係時尚服飾、音樂娛樂設備、可愛公仔等；同時都可以將呢份「神秘」氛圍直接帶返屋企啦～即刻睇睇以下必定買推介啦： LOG-ON 可愛公仔加入扮「鬼」扮馬行列！ 注入怪誕又可愛嘅節日驚喜！全新迪士尼萬聖節主題盲盒隆重登場！一眾迪士尼角色紛紛換上萬聖節裝扮，有化身小惡魔、南瓜等造型，可以享受開箱嘅神秘樂趣，無論係擺喺office定屋企做都好有feel～ LuLu Pig Fans 要入手！30cm 萬聖節造型LuLu Pig 都身穿搞怪裝扮，見到已經覺得超治癒，快啲帶佢走，一齊過萬聖節啦！ 詭秘Item Get！BOSE 暗色系耳機 作為熱愛音樂嘅你，平時出門搭車少不了聽歌～為各位推介以下2款啱晒Halloween 氛圍嘅好物，等大家可以隨時隨地享受高品質音樂體驗～ Bose Ultra 開放式耳機 II 採用時尚金屬質感外殼設計，外型時髦又極具科技感；加入嘅全新「戲院模式」仲可以引領日常聆聽體驗進入全新境界！有齊黑色及櫻桃朱古力色俾你選擇，夠晒特別～ 想尋覓有線耳機塑造懷舊 Y2K vibe？另外一款Bose 有線降噪耳機就啱晒你！外型結合咗復古style亦具備高質音效，仲唔需要擔心突然無電嘅情況出現，隨時隨地為你嘅日常聆聽體驗升級，性價比極高！ 玩味十足！168cm 防摔手機殼 「機」不離手嘅你，又點可以唔搵返個match到萬聖節vibe嘅手機殼呢～168cm 推出全新萬聖節系列嘅手機殼，高清全透明手機殼，配上精緻蝴蝶及cool girl style嘅黑色心心，隨手拎住都已經自帶神秘嘅氣場，仲可以配合返你嘅萬聖節OOTD㗎！ SoYumi Bakery 超鬼馬甜品限定登場！ Trick-or-treat！邊個話萬聖節淨係得糖果㗎，當然唔少得食埋甜品啦～想為身邊嘅家人朋友分享節日喜悅？推介入手SoYumi Bakery 手工小禮盒，包含紅莓曲奇、可愛南瓜形狀嘅牛油曲奇同朱古力太妃糖，隨手打開都係滿滿嘅手作心意，仲有3款唔同顏色任你挑選！ 另外，仲有2款全手工製作嘅Dessert Cup，利用可愛嘅萬聖節裝飾及香濃滋味，為你特別打造出一個驚喜滿分嘅Halloween～當中香甜濃郁嘅藍莓芝士蛋糕味、大人小朋友都會喜愛嘅朱古力慕絲X清新香橙果蓉味；無論係party狂歡定為自己打造儀式感，都可以隨時隨地享受甜蜜又 Spooky 嘅味道！ 玩樂環節Start！一起走進巨型玩「懼」盒！ 「玩懼」角色直接出現喺你眼前！入侵THE SOUTHSIDE唔同角落，打造暗黑童趣嘅打卡場景！一入到中庭，就已經見到巨型雙色熊仔「眼啤啤」伏喺地下向大家微微招手，而「小笑丑」就喺雜亂玩具箱望住大家～出到LG戶外廣場仲有一個超過4米高巨型玩「懼」盒，配上霓虹燈帶及詭異裝飾，無論喺日頭定夜晚都營造到唔同嘅神秘氛圍！ 沉浸式感受萬聖節氣氛 Halloween 又點少得音樂同Party㗎！！今次就準備咗兩場主題完全唔同嘅狂歡派對俾大家，10月24日「廣東歌萬聖夜」，邀請咗The Flame樂隊現場表演，仲邀請咗人氣歌手Shiga連詩雅、Honey Punch、Cantomania即場現場廣東歌曲high包全場！ 而10月31日萬聖節正日就有壓軸「Asian Wave 萬聖夜」，特別邀請咗2位知名DJ黃志淙、DEANZ 為各位呈獻來自亞洲嘅熱門舞曲，等大家可以一齊跟隨節奏狂歡，渡過熱鬧嘅萬聖節 ～ 「玩懼」出沒注意！每個角色都將會輪流現身，同各位進行互動及合照！想集郵見晒咁多個角色？就要密切留意啦！ 盡情感受購物+玩樂喜悅！ 仲未get ready過萬聖節？快啲約埋朋友一齊嚟購物+打卡，今個萬聖節有儀式感地過啦～ SOUTHSIDE玩懼節 日期：即日起至2026年11月2日 地點： THE SOUTHSIDE各樓層及戶外廣場

Protected: 【2026萬聖節好去處】THE SOUTHSIDE 狂歡購物推介+玩轉6大打卡位！

人氣搜尋文章

最Hot飲食情報