【馬年開運必睇！】旅發局「國泰新春國際匯演之夜」12架花車全攻略！同場更有國際級精彩表演
12架特色花車率先睇！麥當勞、Labubu、林村許願樹首度登場
今年嘅花車巡遊陣容鼎盛，共有11個單位、12架靚靚花車登場！即刻為大家揭曉今年唔同花車嘅特色先！
1）旅發局 – 展現香港「盛事之都」活力
香港旅遊發展局今年好事成雙，有兩輛花車登場！主車以中式帆船領航，巨型LED船帆播放香港各項盛事焦點片段，寄語香港昂首啟航。花車上每隻百變馬仔吉祥物象徵香港多元豐富的各項藝文活動、體育盛事同節日慶典，包括賽馬、香港美酒佳餚巡禮、舞火龍等等；仲有迷你版啟德體育園主場館打頭陣，寓意新地標將引領香港盛事邁向新高度，與環球旅客同歡！
2）國泰 – 國泰同心飛躍八十年
連續第24年冠名贊助嘅國泰已植根香港80載，並以「國泰同心飛躍八十年」為主題，展示兩款經典客機；國泰經典「Betsy」DC-3客機由舊香港穿過金色時光隧道，蛻變成為「空中巴士A350」並飛躍於現代摩天高樓之上，彷彿帶各位穿梭時光隧道，展現與香港共同成長嘅歷程，一齊邁向更好嘅未來！
除咗主題花車，由80位國泰機組同埋地勤人員組成嘅巡遊團隊，將會帶嚟精彩嘅舞蹈演出，部分機組同地勤人員更會著上唔同年代嘅經典懷舊制服，由1950年代空軍藍長裙制服，去到由香港著名時裝設計師劉培基設計嘅現役制服，呈現國泰一路走來嘅品牌傳承與獨特風格。
3）香港賽馬會 – 同心同步同進 馳騁精彩馬年
適逢馬年，香港賽馬會都邀請咗三匹璀璨駿馬做主角，寓意大家馬年朝氣蓬勃、繁榮昌盛，今年都繼續與香港人一齊馳騁精彩新一年。
巡遊當日，馬會馬術隊騎手、亞洲錦標賽獎牌得主林立信同馬會見習騎師黃寶妮都會參與匯演，隨行亦有接近50位表演者，獻上精彩嘅醒獅同舞龍表演。代表慈善策略範疇嘅吉祥物「同進啦啦隊」亦會參與匯演。
而今年花車巡遊，香港賽馬會更會以「巡遊路線贊助機構」的身份參加活動，沿途設置多個富有節日氣氛嘅街道裝飾，到時大家記得打卡呀！
4）香港麥當勞 – 香港麥當勞50週年經典復刻火車
為慶祝品牌50週年，首次參與匯演嘅香港麥當勞，帶嚟以80年代沙田新城市分店為設計靈感嘅經典小火車裝置，配上麥當勞鮮豔嘅紅、黃色，充滿懷舊感；車身同車尾就分別以「M 」標誌及薯條裝飾，加埋經典燈泡點綴，展現童年時大家見到嘅歡樂印象！另外，多位麥當勞前綫員工、管理團隊以及一衆表演者會連同經典麥當勞樂園角色，包括麥當勞叔叔、滑嘟嘟、小飛飛、以及漢堡神偷，帶嚟精彩演出！
（圖片來源：HKTB）
5）香港品牌玩具協會 – 香港潮流玩具花車
潮流玩具迷注意！花車匯聚Labubu、Molly等12個人氣IP公仔，齊齊浸喺大型泡泡浴缸，並以夢幻粉色為主調，糅合精心設計嘅幻彩燈光同創意泡泡，象徵香港創意工作者喺繁囂都市中釋放無限想像，打造出一座流動嘅玩具藝術展館。
6）澳門特別行政區政府旅遊局 – 感受澳門
澳門特別行政區政府旅遊局花車以「感受澳門」為主題，將區花荷花同埋以多款賀年造型驚喜亮相嘅吉祥物「麥麥」融合一起。花車除咗展示荷花節、澳門格蘭披治大賽等等嘅澳門嘅節慶盛事，「麥麥」仲帶大家遊歷澳門地標、品嚐澳門美食。而車尾更有仿龍環葡韻建築配合投影，展現澳門獨特華麗魅力。隨行仲有戴上澳門葡撻等造型頭飾嘅兒童舞蹈員帶來爵士舞表演，呈現「麥麥」喺雲端穿梭飛翔嘅一面。
7）香港迪士尼樂園 – 香港迪士尼樂園－奇妙派對賀馬年
大人小朋友都鍾意！慶祝今年20周年嘅香港迪士尼樂園度假區，將由人氣角色米奇、米妮、Duffy同LinaBell坐上慶典主題花車，聯同30位舞者帶來一場喜慶派對～ 香港迪士尼亦於市內主要道路陸續推出全新「I Love Hong Kong Disneyland」主題路牌，由不同迪士尼朋友做主角，當中包括巡遊路線會途經嘅廣東道及彌敦道。
8）香港海洋公園 – 海洋公園「熊」運豐收迎馬年
香港海洋公園嘅大熊貓家族換上新春造型同大家拜年，祝願人人「熊」運當頭！花車集合海洋列車、纜車、摩天輪等標誌性元素，亦唔少得「威威與好友」、公園嘅演藝人員同威威村莊村民齊集啦！
9）優質旅遊服務協會 – 牡丹盛放迎新歲優質好客共繁榮
花車以徐徐舒展嘅新年揮春卷軸以及牡丹盛放為設計靈感，配上靈雀展翅高飛，寄寓新年富貴吉祥、平安喜樂嘅美好願景，彰顯香港零售、餐飲業及旅遊業百業興旺，來年發展更上一層樓。同時，花車亦與多個「優質旅遊服務」計劃認可商戶合組花車，完美展現香港「好客之都」形象！
10）林村許願廣場 – 彩馬迎春許願安康
村許願廣場將許願文化帶到市區！花車化身流動「發光許願樹」，配上香港特色地標建築同吉祥流光彩馬，以近乎無聲、低碳排放發電機，為香港未來注入源源不絕嘅光明同希望。到時見到記得許返個願啦！
11）亞洲旅遊交流中心 – 歡樂春節 萬馬奔騰
花車將國家文化和旅遊部「歡樂春節」全球品牌標識，融合「吉祥馬」及31個省市及港澳地區文旅宣傳形象，加上車頂向市民旅客拜年嘅祝賀標語同埋車身「你好中國」標識，祝願國家富強、民族振興繁華！
旅發局亦獨家揭秘花車製作幕後，大家可以睇吓花車係點樣一步步鍊成：
Facebook: https://www.facebook.com/share/r/1DDGuv2FCu/
Instagram: https://www.instagram.com/reel/DUnWl4lE6Of/?igsh=YTdsMHhtMHh1cDh3
不同花車亮點介紹：
Facebook: https://www.facebook.com/share/r/1FkCE3gNSs/
Instagram: https://www.instagram.com/reel/DUsPKg1EyF6/?igsh=MXZzendubm5kbmc0bw==
國際級表演雲集！春晚英歌舞、巨型恐龍空降尖沙咀
除咗花車之外，表演隊伍嘅精彩演出亦為匯演增色不少！今年有16隊來自中國內地及世界各地表演團隊及15隊本地隊伍，匯集世界各地嘅出色表演者聚首一堂！
焦點表演包括曾亮相春晚嘅中國普寧富美青年英歌隊，聯同被譽為「中國小小非遺傳承人」嘅6歲英歌小女孩莊恩琪，帶嚟國家級非物質遺產「中華戰舞」；意大利嘅奇幻恐龍（Cromosauro）操作高逾5米、身長7米嘅巨型恐龍，同本地嘅夜光龍上演一場「雙龍共舞」；而法國夢幻之馬（FierS à Cheval）就會化身超過3米高嘅巨型夜光白馬，與王仁曼芭蕾舞學校同台演出，場面超夢幻！此外，仲有美國嘅藍制服鼓樂隊（The Bluecoats）與香港珀珈斯樂團合作演出，而埃及傳統旋轉舞團（Tannoura Dance Group）亦會同SDM爵士芭蕾舞學院一同表演，保證令你目不暇給，超搶眼！
香港本地嘅15隊表演團隊都非常出色，當中仲有唔少冠軍級人馬！好似舞團Rookids，隊中一位年僅11歲嘅成員勇奪2025世界街舞大賽U18冠軍；GnB舞團亦係《World of Dance Hong Kong 2025》嘅冠軍。另外，喺全國殘特奧會勇奪三金三銀嘅中國香港輪椅體育舞蹈運動協會，將會帶來融合武術同輪椅舞蹈嘅表演，展現多元同共融嘅力量，為各位呈現獨一無二又特別嘅演出！
新春氣氛延續！花車展覽＋表演首度啟德亮相
由年初二（2月18日）至正月十五（3月3日），多架花車將會喺城中多個地點展出。今年更有8架特色花車會首次於啟德體育園亮相（展出至2月26日），年初二及年初三（2月18及19日）更會加設舞台，邀請多支參與匯演嘅中國內地同表演隊伍即場獻技！而其餘嘅花車亦會分別喺海洋公園、大埔林村、沙田馬場同維多利亞公園展出，表演團隊亦會去到多區商場同景點獻技，等大家可以近距離打卡！
（圖片來源：HKTB）花車展覽
地點：九龍啟德體育園
日期及時間：2026 年 2 月 18 日至 26 日 – 早上 9 時至晚上 10 時 (下午 5 時 30 分亮燈)
地點：沙田馬場
日期：2026 年 2 月 18日至19日
地點：香港海洋公園、維多利亞公園
日期：2026 年 2 月 18 日至 3 月 3 日
地點：林村
日期：2026 年 2 月 18 日至 3 月 4 日
加碼！仲有一連串新春節慶節目，為大家整合晒全城嘅賀歲活動同交通資訊，方便大家計劃行程。想知更多詳情，就快啲去旅發局網站睇下啦！
旅發局新春活動網頁：https://www.discoverhongkong.com/tc/what-s-new/events/chinese-new-year.html
(Presented by Hong Kong Tourism Board)
