【AI潮玩科技體驗】2025數碼娛樂領袖論壇 必玩互動體驗+答問題免費獲得通行證
新假期讀者專享：有機會免費獲得【體驗通行證】
喺帶大家了解更多精彩活動之前，梗係要先為各位公布好消息啦！作為《新假期》讀者嘅你，只要回答簡單問題，即有機會免費獲得【體驗通行證】，名額有限，送完即止。快啲參加啦！
按此獲得免費通行證！
若果想更全方位投入於不同互動體驗及專業環節，使用以下優惠碼「delf25media」，即可以HK$200超低價購買「全票通行證」（原價HK$600），三日通行證等你玩盡所有精彩內容！
「探知島」尋寶之旅 探索數碼娛樂無限可能
今年嘅「2025數碼娛樂領袖論壇」活動內容超豐富，邀請超過70位來自不同領域嘅行業領袖，分享佢哋對數碼娛樂未來嘅見解及趨勢！現場更設有逾35項互動展示，活動內容涵蓋藝術、文化及旅遊、數碼娛樂、運動科技、智慧生活等；仲有超過25場專題工作坊同星級演出，為大家呈獻科技與藝術交織嘅盛宴！
星級陣容鼎盛！拆解未來產業趨勢
是次活動邀請咗超過70位星級講者，橫跨影視圈、數碼娛樂、文創、科技、遊戲、音樂、旅遊及體育等唔同領域，分享如何用創新數碼技術及AI推動產業升級！當中包括榮獲五次香港電影金像獎最佳美術指導提名嘅張蚊女士、《破·地獄》導演及編劇陳茂賢先生、憑多部動畫劇集獲艾美獎提名嘅Jack Liang先生，以及旗下AG電競隊在沙特阿拉伯電競盃的《王者榮耀》賽事勇奪冠軍嘅樂可登先生等，全面展望數碼娛樂產業嘅未來發展與機遇！
精選10大活動率先睇！
活動設有4大主題，提供充滿互動性及個性化嘅娛樂及智慧生活體驗；現在就精選當中必玩項目俾大家先睹為快！
《永恆聖母院》VR之旅：唔使飛去巴黎，都親身探索到世界文化遺產！採用革命性VR體驗，並由法國頂尖團隊製作，結合HTC最新實景娛樂技術，等各位可以同朋友一齊漫步喺巴黎聖母院嘅走廊同石道，突破傳統VR嘅孤獨感，能夠同朋友一齊置身於VR入面！體驗還原度極高，可以體現到其歷史厚度及文化深度，進一步了解偉大嘅世界文化遺產！
庭園之下：由本地媒體藝術家朱力行創作嘅松樹庭園體驗，能激發你嘅聽覺、視覺、嗅覺同觸覺。大家更可以隨意演奏獨特嘅鋼琴裝置，將音樂轉化為松樹圖案，感受自然香氣，展開一場獨一無二嘅感官旅程。
數碼塗鴉體驗：釋放你嘅藝術細胞！呢個全球領先嘅數碼塗鴉體驗，可以俾你用特製嘅噴罐喺大型數碼屏幕上盡情創作。無論係大人小朋友都可以輕鬆上手，為活動帶嚟獨特又精彩嘅娛樂效果！
虛擬實境盂蘭勝會導覽：想深入了解香港本地文化？由香港樹仁大學團隊製作，透過360度全景拍攝技術，重現疫情期間舉行嘅盂蘭勝會！大家可以透過VR裝置，彷彿身臨其境體驗傳統儀式及感受當中嘅社區精神！
MEET 48 呈獻-你的口袋偶像： 各位粉絲注意！呢個平台可以建立專屬於你嘅AI Agent，將舞台放入你嘅袋中，隨時隨地同喜愛嘅成員拉近距離，睇專屬影片、幕後花絮！仲可以參與問答同遊戲，創造獨一無二嘅偶像回憶㗎！
全球首款手辦級AI具身人形機器人：將你心愛嘅手辦角色、虛擬偶像變成真人？！呢款人形機器人搭載微骨架，可以呈現靈動多樣嘅姿勢；仲可以透過鏡頭辨識你嘅行為，同大家產生情緒共鳴，成為你嘅好夥伴！同時亦可以自由改裝外觀同定制專屬聲線，實現跨次元互動！
嘭噠雪道速滑互動運動娛樂機：將滑雪機與線上遊戲結合，成為可以多人互動嘅娛樂設施！玩家需要用真實嘅身體移動去控制遊戲角色，並於虛擬滑雪道上收集金幣及避開障礙，刺激又好玩！暫時已經喺內地吸引近八萬人次體驗，遊戲系統正不斷升級中，務求為大家帶來更新穎嘅體驗！
LIVE4WELL：結合健康及AI嘅運動獎賞平台，鼓勵大家「動起來」！透過科技實時追蹤健康數據並提供個人化建議，最有趣嘅係可以用「汗水賺獎賞」，唔使消費就可以換取禮品，鼓勵大家建立更健康嘅生活方式！
閃避球MR：將閃避球同混合實境（MR）結合嘅電子競技運動！透過激烈嘅比賽，將STEAM教育同娛樂完美融合，為大家帶嚟全新運動體驗方式！
嗅覺電影：睇戲唔再淨係得視覺同聽覺！嗅覺電影將影片內容同氣味結合，無論係廣告片定VR內容，都可以形成多維感官體驗，非常新奇！
「邊玩邊賺」贏大獎
入場仲可以賺獎品？記得參加「邊玩邊賺」活動！只要喺不同指定地點完成任務，即可賺取到積分；入場者亦可透過每日所賺取嘅積分，贏取豐富獎品，真正實現玩住賺！而且，獎品類型仲好豐富，包括：Dell 手提電腦、Acer 手提電腦、Lenovo Idea Tab等，啱晒鍾意科技嘅大家喇！
*獎品數量有限，先到先得。
2025數碼娛樂領袖論壇
日期：2025年9月12日至14日（星期五至日）
地點：數碼港
按此了解活動詳情：https://delf.cyberport.hk/tc/index
（Presented by 數碼港)
