2015 AIA VS 東華！聖誕嘉年華場內4大活動比拼

比拼一：表演活動－紫色牛牛劇場 VS 英國頂級雜技團Royalles British Thrill Circus

今次兩邊的嘉年華，除了玩機動遊戲和掟公仔，仲可以睇Show！當中的表演單位好多都是世界級，難得唔需要出國睇表演，就要把握今次嘉年華機會！

AIA歐陸嘉年華：

來自英國的Udderbelly Festival（紫色牛牛劇場），入面會上演超過200場表演。
當中表演者有來世界各地的音樂人、魔術師、舞者等；亦有本地單位，卓韻芝、林二汶、泰臣做Talk show。
吸引度：★★★★☆

東華慈善嘉年華：

英國頂級雜技團，Royalles British Thrill Circus
25位來自英格蘭、蘇格蘭、哥倫比亞、肯亞、墨西哥和摩洛哥的國際級表演者
其中精彩表演包括：
－Marco Polo：驚險度爆登！高空踩鋼線（來自墨西哥的表演團隊。離地113米高空表演，表演者又會蒙頭走踩線，作為觀眾，看時都覺得過程驚心動魄。）
－The Gerlings：技巧靈活！死亡之輪（來自哥倫比亞的表演團隊。看著表演者在兩個大環中旋轉地走，驚險又厲害，不過會睇到有點頭暈。）
－Chico Rico Morales：氣氛神手！間場小丑表演（來自墨西哥的表演團隊。間場時會與觀眾互動，氣氛完全比他炒熱，厲害！）
吸引度：★★★★☆

總評：兩邊的表演都相當出色，都有來自世界級的表現團隊作演出。AIA就相對地多表演選擇，可以就著自己喜歡的選自表演。東華的雜技表演都相當出色，而且價錢都合理，喜歡看雜技的朋友都可以去欣賞。

英國頂級雜技團Royalles British Thrill Circus詳情：
日期：23/12/2015-28/2/2016(星期一休息)
價錢：VIP $480 / A區 $290 / B區 $240 / C區 $180
購票網站：www.ticketflap.com

比拼二：攤位遊戲禮物－Minions VS Insideout

去得嘉年華就當然要掟公仔啦！攤位遊戲的公仔吸引度非常重要，決定了你將要在場內用幾多錢。如果，公仔夠吸引，就算比多少少錢去掟公仔都願意。兩邊嘉年華都推出了不同公仔，當中有Minions，仲有今年無人不曉的Insideout阿愁、阿燥和阿樂，真係聽見都即刻想去瘋狂掟公仔啊！

東華_嘉年華_insideout — 東華場內攤位遊戲：Insideout阿樂、阿燥、阿愁。

AIA歐陸嘉年華：

攤位數量：25個
公仔款式：約10款（Minions、怪獸公司、ToyStory、小飛象、小熊維尼、BigHero6-Baymax、聖誕熊仔等）
公仔質素：怪獸公司、小飛象、Baymax等都幾特別；不過Minions公仔當中，有啲好靚好可愛，有啲一般，要識得揀攤位來贏公仔
吸引度：★★★★★

東華慈善嘉年華：

攤位數量：20個
公仔款式：20款，每個攤位都有自己款式的公仔！（Inside Out、米奇米妮、小鴨、小熊維尼、熊貓、Donut等）
公仔質素：整體來說平均
吸引度：★★★★☆

總評：款式來說，AIA除了有Minions，都有小飛象、Baymax等不是大路款的公仔；東華以Inside Out較為出眾，的確能吸引人因為它而去玩。至於公仔品質方面，東華比較平均，而AIA要識揀攤位來贏公仔。不過，都要睇返本身喜歡邊款公仔，如果喜歡Minions，當然要朝著AIA進發，他們有3-4個攤位都有得掟Minions，可以多個嬴公仔機會。如果你喜歡Insideout，就去東華啦！

比拼三：機動遊戲

機動遊戲是嘉年華的重點項目，兩邊都有來自不同地方的機動遊戲，有玩到頭都暈的刺激機動遊戲，亦有溫馨親子類別的遊戲。先前記者已經試玩了AIA的機動遊戲（試玩報告），當中有啲機動遊戲都已經令記者尖叫無極限，今次試玩完東華的機動遊戲（試玩報告），就來個試玩後比拼。

搶先直擊！東華嘉年華2015機動＋攤位遊戲！陀飛輪試玩片！搶先直擊！東華嘉年華2015機動＋攤位遊戲！陀飛輪試玩片！詳情：www.weekendhk.com/?p=141811東華慈善嘉年華2015今日終於開幕喇！大家最期待既機動遊戲「陀飛輪」就經已啟動！我哋既記者仲率先試玩咗「陀飛輪」！去片！仲有呀愁同呀怒！咩話，家庭仲可以免費玩機動遊戲？！＝＝＝＝＝＝＝＝＝＝＝＝＝＝＝＝＝＝度身訂製專屬日台行程！$40新假期自訂旅遊書連結：www.weekendhk.com/?p=130331各位為食邪惡朋友，記得加入新假期facebook群組，有得俾大家報食睇食，即加入【新假期飲食邪惡情報】群組！連結：https://www.facebook.com/groups/wwfood/

Posted by 新假期周刊 on Tuesday, December 22, 2015

AIA歐陸嘉年華：

款式數量：30款；其中，Space Roller是2015新增遊戲
重點機動遊戲：
－MACH5（全場最驚！以時速110公里不停360度旋轉，仲有50米高嘅離心力，好考膽量！）
－NO LIMIT（尖叫無極限！輕量級MACH5，但都有成32米咁高，除了公轉仲會自轉，頭都暈埋。）
－DAS DUN SCHIFF（暈船浪！巨型海盜船聽落好似冇乜特別，不過上到最高處有成差唔多20米，垂直咁濟！）
吸引度：★★★★☆

東華慈善嘉年華：

款式數量：24款
重點機動遊戲：
－陀飛輪（全球首次登場！離心力十足，不過玩嘅時間都幾短，只係兩分鐘左右，但係就索價$120，雖然係全球首部，但係都略嫌有d貴。）
－超級搖滾（旋轉版海盜船！最高處有成30米咁高，而且一路搖仲會一路轉，每次望到嘅角度都唔同，有時可以望住對面車卡嘅玩家，有時又可以望住附近嘅景色，都幾過癮。）
－終極跳樓機（全球最高！27層樓跳樓機，連畏高嘅記者都膽粗粗玩咗次，你唔係唔挑戰呀？）
－超級紐約滑梯（6層高波浪滑梯！滑唔滑到㗎？記者試玩嘅時候，咁啱落咗幾分鐘毛毛雨，令滑梯表面有水點，所以毛氈完全唔滑，幾乎零刺激。）
吸引度：★★★★★

總評：整體來說，東華所推出的機動遊戲刺激得來，又有離心力，玩完會覺得爽和開心，而且款式較新夠吸引；而AIA的機動遊戲的確非常刺激，不過刺激類機動遊戲與上年款式差不多，而且機動遊戲轉得太厲害，玩完會覺得唔舒服。

比拼四：食物

玩到攰就當然要食嘢啦！不過，嘉年華內食物好多時都比較貴，那質素又如何呢？是否相對地物有所值？即刻來個比拼！

AIA_中環_雞 — AIA場內提供食物：燒春雞 $100。
雞皮夠脆，肉質夠嫩，味道香濃。

AIA_中環_窩夫 — AIA場內提供食物：榛子朱古力窩夫 $45。
窩夫鬆軟，味道香濃，加埋榛子醬，甜甜的好惹味。

東華_嘉年華_牛肉麵 — 東華場內提供之食物：牛肉麵 $60。
牛肉湯味濃郁，麵質爽，不過牛肉肉質較為韌。

AIA歐陸嘉年華：

食店數量：9間
食物款式：有燒春雞、土耳其羊肉薄餅、西班牙炒飯、窩夫等
味道：燒春雞和窩夫是值得一試的食物，好食！
性價比：份量其實都多，不過因為價錢唔平，就要食返咁上下份量
吸引度：★★★★★

東華慈善嘉年華：

食店數量：6間
食物款式：有台式牛肉麵、餃子，亦有燒味類食物；小食方面有糖蔥餅和爆谷等
味道：整體來說正常，無話特別好好食
性價比：份量正常，不過以此價錢來食此份量，有點唔抵食
吸引度：★★☆☆☆

總評：以價錢來說，AIA會較為貴，不過就相對地大份和好味；而東華的價錢無咁貴，味道亦都正常，去到好肚餓的情況下才去食吧。

友邦歐陸嘉年華2015
日期：17/12/2015-21/2/2016
時間：11am – 11pm (大除夕將開放至凌晨1am)
地點：中環新海濱（顯示地圖）
票價：成人$125(包10個遊戲代幣)；小童及長者$90（包7個遊戲代幣）
詳情：www.tgec.asia

東華慈善嘉年華2015
日期：23/12/2015-28/3/2016
時間：
23/12/2015-3/1/2016：11am-11pm；

4/1/2016-28/3/2016：星期一至四：3pm-11pm；星期六、日、公眾假期和指定日期：11am-11pm
地點：前啟德機場跑道（啟德郵輪碼頭）（顯示地圖）
票價：
23/12/2015-27/12/2015：$20（可免費玩一項指定機動遊戲，其後活動要自行充值）
28/12/2015-28/3/2016：$180（機動遊戲面值$120+攤位遊戲面值$40+入場費$20）
免費玩設施：「超級紐約滑梯」、「繽紛可可杯」、「迷你小鞦韆」、及「極速滑梯」
詳情：www.ticketflap.com
備註：3歲以下兒童及65歲或以上本港居民及持有「殘疾人士登記證」免費入場