黃竹坑咖啡地圖！3大必訪精品咖啡店 部分更係pet friendly!
JOMO Cafe：用一杯咖啡和一份甜品 擁抱「Just One Moment」
本地超人氣嘅健康生活品牌 JOMO，終於喺 THE SOUTHSIDE 開設全新分店！JOMO嘅精品咖啡香氣四溢，每一啖都充滿細節。但講到 JOMO 最吸引人嘅，當然唔止咖啡，佢哋嘅健康輕食同自家製甜品，同樣令人一試難忘。
JOMO 主打嘅 Brunch，以健康又美味見稱，例如佢哋嘅威士忌熟成煙三文魚酸種麵包，煙三文魚嘅獨特醇厚同酸種麵包嘅微酸完美結合，口感豐富有層次，絕對係brunch嘅首選。甜品方面，自家製戚風蛋糕係佢哋嘅招牌，輕盈鬆軟、入口即化。而家正值開心果熱潮，JOMO 亦推出咗開心果巴斯克蛋糕，濃郁嘅開心果香氣同焦香嘅巴斯克芝士蛋糕結合，創造出令人驚喜嘅美味。
為慶祝新店開幕，JOMO 仲推出咗限時優惠同特別甜品！由即日起至9月30日，只要喺 JOMO 網店落單，再選擇喺 THE SOUTHSIDE 門市自取，就可以享85 折優惠 (月餅除外)。另外，新店仲有獨家嘅限定甜品 Creme Brulee 登場，想試嘅朋友一定要趁早去！
JOMO Cafe 地址：THE SOUTHSIDE 3/F
noc：設戶外座位 同寵物一齊品嚐慢活咖啡
noc 呢個品牌，相信好多咖啡愛好者都唔陌生。位於THE SOUTHSIDE嘅noc分店特設戶外座位，等大家可以同主子一齊黎享受咖啡！除此之外，為咗慶祝品牌成立10週年，由即日起至9月21日，noc THE SOUTHSIDE 分店將會復刻四款經典菜式同飲品，包括：經典嘅 「noc 班尼迪蛋多士」、香脆可口嘅「薯仔窩夫配牛油果雞蛋」、充滿堅果香氣嘅「黑芝麻燕麥奶」，以及帶有南洋風情嘅「椰子斑蘭咖啡」。每一款都係對過去嘅致敬，同時亦提醒大家，即使生活繁忙，都值得好好休息一餐，得到一刻喘息。
喺 noc，你唔單止可以品嚐到高品質嘅咖啡，更可以體驗到一種由內而外嘅放鬆。喺簡約舒適嘅環境中，靜靜地享受一杯咖啡、一份復刻美食，暫時忘卻所有煩惱，呢種平靜同自在，就係 noc 想帶俾你嘅「慢活」時光。
noc 地址：THE SOUTHSIDE LG/F
stain+：精選世界各地好豆 烘焙出不時不喝態度
如果你係一位對咖啡豆品質有追求嘅咖啡迷，咁你絕對唔可以錯過 stain+。呢度嘅咖啡，由採購、烘焙到沖煮，都由擁有豐富經驗嘅專業烘焙師親自處理，確保每一粒豆都發揮到最佳風味。stain+ 精選來自世界各地嘅優質咖啡豆，並每日進行本地新鮮烘焙，唔同嘅烘焙程度，造就出風味各異嘅精品咖啡，滿足唔同口味嘅客人。
stain+ 仲有一個特別之處，就係佢哋嘅咖啡豆會每個季度轉換一次，仲會不時推出限定嘅時令咖啡豆。呢種「不時不喝」嘅新態度，鼓勵咖啡愛好者們不斷探索新風味，體驗咖啡世界嘅多樣性。無論係花香、果香、堅果味，定係朱古力醇厚，你永遠都可以喺 stain+ 搵到意想不到嘅驚喜。
除了即場品嚐，stain+ 仲提供多款咖啡豆同埋定期推出方便攜帶嘅咖啡掛耳包，等你可以將心頭好帶返屋企，隨時隨地都可以沖一杯專業級數嘅精品咖啡。無論係作為禮物，定係自己在家中享用，都係一個絕佳嘅選擇。
stain+ 地址：THE SOUTHSIDE 1/F
咖啡愛好者嘅人氣地標 THE SOUTHSIDE
THE SOUTHSIDE作為港島南生活文化地標，唔單止集合咗JOMO Cafe、noc同stain+呢三間各具特色嘅精品咖啡店，仲有超過130間零售商店同餐廳，無論係購物、美食定係娛樂，都一應俱全。更加令人興奮嘅係，商場同港鐵黃竹坑站B出口無縫連接，無論你係喺中環、銅鑼灣定係其他地方出發，只需幾分鐘車程就能輕鬆到達。呢度唔單止係一個購物中心，更係一個讓你放慢腳步、享受生活嘅理想據點。
