摩士公園游泳池4月正式開放！新增室內暖水池/兒童池/無障礙設施
廣告
黃大仙摩士公園游泳池經過五年嘅翻新大改造，摩士公園游泳池於4月重新開幕並對公眾開放啦！工程後新增咗多項設施包括：室內暖水池、兒童池及傷殘人士裝置…市民想喺冬天游泳又多個選擇啦！即睇詳情。
摩士公園游泳池4月正式開放！新增室內暖水池/兒童池/無障礙設施
黃大仙摩士公園游泳池於1967年10月落成，在啟用多年後已經逐漸老化，因為沒有暖水池所以適逢冬天就要關閉而經常受街坊們詬病。政府聆聽意見後決定於2018年年底展開翻新改建，工程於2023年3月22日已經正式完成並對公眾開放，室外主池、跳水池、習泳池亦將於4月16日啟用！
唔單止泳池外觀建築變得摩登時尚，配套亦變得更加齊全！新增室內暖水副池及室外兒童池，亦為更衣室嘅通風、暖氣同熱水系統進行相關改善工程，泳客日後便無懼翻風落雨或冬天氣溫急降，都可以於室內暖水池暢泳！
此外，摩士公園游泳池亦非常貼心地為殘疾人士添設了一連串無障礙設施，包括：方便通往池面嘅無障礙通道、升降機、傷殘人士專用淋浴格、暢通易達洗手間、專用車位、觸覺引路帶、視像火警警報、觸覺點字及觸覺平面圖等，無論係殘疾人士定係行動唔方便嘅長者都可以更加安全及便利咁使用泳池！
最後衛生方面，摩士公園游泳池引入了俗稱「水龜」嘅自動池底清潔機，負責去除池內雜物，咁就保證大家玩得安心又放心啦！
摩士公園游泳池丨入場費
| 摩士公園游泳池入場費 | |
| 星期一至五 | 成人：$17 年滿60歲長者 / 3‐13歲兒童 / 全日制學生 / 殘疾人優惠：$8 3歲以下幼童：免費 |
| 星期六、日及公眾假期 | 成人門票：$19 年滿60歲長者 / 3‐13歲兒童 / 全日制學生 / 殘疾人優惠：$9 3歲以下幼童：免費 |
摩士公園游泳池丨地址及開放詳情
| 摩士公園游泳池地址及開放詳情 | |
| 地址 | 九龍黃大仙鳳舞街80號 |
| 開放日子 | 2023年3月22日起（室外主池、跳水池、習泳池將於4月16日開放） |
| 開放時間 | 上午6時30分‐中午12時 / 下午1‐5時 / 晚上6‐9時 |
摩士公園游泳池丨如何前往
| 摩士公園游泳池交通詳情 | |
| 港鐵 | 黃大仙港鐵站C1出口後步行約10分鐘 |
| 巴士 | 1, 2B, 2F, 3C, 7, 7M, 11K, 38, 61X, 70X, 74A, 75X, 80, 84M, 85C, 89, 89B, 103, 113, 258D, 259D, 268C, 269C, 769B, 889, 891, E22, E22A, E22B, E22P |
| 專線小巴 | 33, 39M, 53M, 54, 66S |
摩士公園游泳池改建幾時正式開放？
摩士公園游泳池喺今年3月22日已經正式完成改建並對公眾開放，但仍有部分設施…更多詳情
摩士公園游泳池改建工程新增咗啲咩？
工程後新增咗多項設施包括有室內暖水池、室外兒童池…更多詳情
撰文：Yuki Lee圖片來源：康樂及文化事務署、老中青幼互助舍@Facebook、ALKF+
