鬱金香花海登陸大埔！ 必打卡8千朵鬱金香＋5.5米高桃花樹＋288個懸掛半空喜慶燈籠

【溫馨提示】由於本港疫情反覆，各位前往人士必須佩戴口罩同清潔雙手。大家遊玩時亦請保持社交距離，出發前先留意活動單位最新消息。

鬱金香花海登陸大埔！
必打卡8千朵鬱金香＋5.5米高桃花樹

呢度嘅鬱金香主要以紅色同紫色為主，另外仲有黃色同白色，無論你着咩色衫去打卡都一定好岀色！負責人溫馨提示大家，除咗喺餐廳外設有鬱金香花海，其實四周圍都被鬱金香包圍，非常浪漫，分分鐘發現一個你有人冇嘅秘密打卡位！

湖中1.5米高桃花樹

漂浮於白鷺湖中央嘅1.5米高桃花樹正開得燦爛，前粉紅色嘅桃花，啱晒情侶嚟打卡，單身嘅人士就不妨嚟沾返d桃花運，催旺一下自己嘅桃花！由於桃花樹喺湖中央，打卡嘅時候就可能要喺角度方面落啲功夫去度一度位。

288個懸掛半空喜慶燈籠

除咗花，抬頭一望原來有成288個燈籠懸掛左喺半空，無論日頭定夜晚都咁靚，加上288呢個數字含易發達嘅意思，咁好意頭，影多幾張包你唔會後悔。

同場加映
餐廳新年限定菜式+花店賣花服務

除咗影相打卡，既然一場嚟到不如就喺度食埋呢度嘅春季限定午餐啦！廚師選用嘅食材全部都係時令菜式，再加上佢嘅創意烹調出嚟！睇到都想去試。

如果嫌影相仲未夠，現場有小花店，可以即時買束花或小盆栽將呢份浪漫呈現眼前之餘，仲帶埋返屋企係咪Happy ending 呢！

LAKE HOUSE 鬱金香花海開放時間：

10：00pm-6:00pm（最後入場時間 5:30pm）

1.除餐廳以內範圍，園內範圍不准飲食
2.須時刻佩戴上口罩
3. 因應場內人數作人流管制措施

地址：香港新界大埔滘紅林路2號白鷺湖互動中心(顯示地圖)
交通：建議乘坐Lake House的免費穿梭巴士服務（巴士來回穿梭大埔墟港鐵站及Lake House，詳情按此）

https://www.lake-house.co/acces-us
泊車：約40個車位，車位先到先得不設預留
電話：6762 5303(WhatsApp)