【6月好去處】「香港非遺月2026」沉浸式駿馬光影表演/非遺美食嘉年華/精彩同樂日活動！

Jun 10 2026

近年越嚟越多香港人重視傳統文化，想趁住空暇時間體驗多啲有深度嘅活動？！無論係學整非遺美食、欣賞民間表演，定係走入社區認識師傅們嘅手藝，其實大家都可以喺忙碌生活中搵返屬於香港嘅文化根源。喺6月份舉行嘅「香港非遺月2026」由康樂及文化事務署主辦、非物質文化遺產辦事處籌劃，將會喺不同地點舉辦一連串嘅精彩節目，包括：嘉年華、非遺表演、同樂日等各式各樣嘅活動，等大家全方位感受非遺嘅獨特魅力！即刻睇睇以下節目推介啦！

駿馬帶你穿越歷史、藝術和非遺光影世界！太空館化身光影舞台　

今年重點節目之一，必定唔少得香港賽馬會呈獻系列：「駿馬之旅．文藝傳承」光影表演，節目將會喺6月11日至24日期間進行，每晚8時15分至10時喺香港太空館標誌性嘅圓拱形外牆進行沉浸式光影演出。製作團隊運用專業投射技術，配以環繞音效，營造多角度的視聽體驗，帶領觀眾步入一個以「馬」為核心嘅光影世界！

故事將會以充滿動感嘅駿馬拉開序幕，並穿梭以「馬」為主題嘅歷史、藝術和非物質文化遺產光影世界。書畫與文物裡嘅馬匹不停跳躍、奔馳，隨後幻化成粵劇演員嘅坐騎、小朋友嘅吹糖馬等；最後駿馬騰飛與唯美嘅維港夜景交織，為表演劃上完美嘅句號！

香港賽馬會呈獻系列：「駿馬之旅．文藝傳承」光影表演

日期：2026年6月11日至6月24日

時間：8:15pm – 10pm

地點：香港太空館

費用：全免

「非遺食堂」嘉年華　親手製作非遺美食

作為「美食天堂」嘅香港，當中唔少飲食製作技藝都已經被列入香港非遺清單！今年嘅「非遺食堂」嘉年華，以「飲食文化」為主題，設有多項非遺飲食製作技藝示範及工作坊，包括：菠蘿包製作技藝、蛋撻製作技藝、茶樓點心製作技藝及月餅製作技藝等。參加者有機會親手製作非遺食物，參與製作過程中嘅細節，用全新角度了解非遺飲食嘅文化底蘊，了解美食背後嘅小故事～

現場仲設有舞龍、南音、女子舞獅及木偶戲等精彩表演，同時亦有攤位活動及打卡拍照區，打造超熱鬧又有趣嘅玩樂體驗！快啲mark實日期帶埋小朋友一齊體驗啦！

「非遺食堂」嘉年華

日期：2026年6月20至6月21日（星期六及日）

時間：10am – 6pm

地點：油街實現（北角油街12號）

費用：全免

了解香港海陸空非遺項目！「棋」妙非遺：海陸空大歷險

「棋」妙非遺：海陸空大歷險活動場地將化身巨型飛行棋棋盤，結合香港非遺與地理特色，大人小朋友可參與非遺互動闖關遊戲。仲有記得預先報名參加體驗工作坊，到時可以運用漁網編織技藝、首飾製作、木雕刻、麻雀牌製作、吹糖等技藝，親手製作小網袋、金屬手機托架、金屬鑰匙圈、木杯墊、麻雀牌、創意吹糖等非遺作品！大人小朋友都啱玩！

現場仲有收集印章小遊戲，成功集滿所有印章，即有機會獲得貼有香港郵政即將發行嘅「非物質文化遺產 ——大澳端午龍舟遊涌」特別郵票明信片，十分有收藏價值㗎～