香港櫻花2022｜沙田河畔變身「港版橫濱」 城門河富士櫻盛開 浪漫美景必打卡
廣告
香港櫻花盛開嘅季節係每年2月至4月，可能今年嘅天氣比較反覆，令花期提早到，1月份嘅時候已經吸引大批市民前往打卡！櫻花嘅花語係「向你微笑」同「精神美」相信呢兩點正正可以為疫情下嘅香港打打氣！
5大香港賞櫻秘景
香港櫻花2022｜沙田河畔變身「港版橫濱」
雖然香港嘅富士櫻生長密度無日本咁高，但都不失佢獨有嘅美態。（圖片來源：新假期編輯部）
香港櫻花2022｜沙田河畔變身「港版橫濱」
城門河畔富士櫻盛開 浪漫美景必打卡
【溫馨提示】由於本港疫情反覆，前往時大家請佩戴口罩同清潔雙手。遊玩時亦請保持社交距離，出發前先留意每日疫情最新消息。
呢兩年無得去旅行，港人都好懷念日本賞櫻之旅，不過唔緊要，原來香港都有櫻花睇！早前記者及本地攝影師於沙田城門河畔都拍到富士櫻盛開嘅美景！富士櫻偏粉紅，來自日本南部，雖然日本位處溫帶，但南部接近亞熱帶，所以適合在港種植。天氣愈暖花期愈早。
呢度大約有十幾棵櫻花樹，吸引咗唔少攝影愛好者前往拍攝，以及雀鳥、蜜蜂同蝴蝶喺樹間遊走。富士櫻嘅花期大約為2月下旬至3月，花開後可維持一至兩星期，大家記得把握機會呀！
疫情當前，影相嘅時候大家都係帶返口罩，或者好似呢位網民咁，用公仔來代替自己岀鏡啦。
同場加映 翠湖花園野菊
安景街附近翠湖花園三期嘅花槽種植咗好多野菊，朵朵都開得好大朵，難怪被人誤會係向日葵啦！
前往方法：
由石門站A出口出發，在京瑞廣場步行約10分鐘到安景街
如何前往去睇沙田富士櫻？
由石門站A出口出發，在京瑞廣場步行約10分鐘到安景街
仲有邊度可以睇到櫻花？
其實香港都有不少地方可以看到櫻花，詳情可以睇埋：5大香港賞櫻秘景
圖片來源：新假期編輯部、FB@Kwan Lok Ng 、FB@Stephen Woo、FB@Ken Chen、IG:louyan1234、[email protected]、FB@Ch San、FB@Shuet Fong Leung
