南山營地
南山營地

初秋即興拍拖露營|10分鐘登山賞月|五星級大嶼山 南山營地

香港好去處

廣告

早兩日突然收到廿四孝暖男大佬的求救訊息,原來阿嫂大人嫌棄年年去公園過中秋「無心思」,暖男終有技窮的一日。作為小嘍囉,這個時候當然要為大佬出謀獻——要有心思與浪漫,又要有氣氛,最緊要錫到荷包。嗱,秋風起,去大嶼山南山營地 露營就啱晒,方便易去,五星級設備兼有得沖涼,仲可以租營具唔使煩, 最緊要阿嫂大人有靚相呃到LIKE,即刻嚟個兩日一夜的浪漫周末亦得,得咗!

採訪:bu 攝影:Woody

[embedyt] http://www.youtube.com/watch?v=Ownw_pcSBsw

[/embedyt]

五星級 南山營地 落車行幾步路就到

秋意起,去露營再啱feel,兩口子又可以浪漫地親親大自然。不過講起露營大佬就覺得要有很多準備,其實現時要露營可以很即興方便,而且有多個營地不用攀山涉水,行幾步路就到。我小嘍囉就推介南大嶼郊野公園的 南山營地 給大佬,設施齊備及交通方便,由東涌乘搭大嶼山巴士落車後步行約5分鐘即到,非常適合露營新手,亦不怕阿嫂「詐型」嗌辛苦。

有水廁及浴室 有得沖涼加分!

香港很多營地都是旱廁,又缺乏水源,但這裡就有標準洗手間及浴室;亦有提供山水水源,煲滾後可飲用,不用自備食水行裝可更輕便。

十分鐘登山賞月 記得帶燈

最正係步行約10分鐘石級,就能登上南山觀景台,白晝可遠觀貝澳及梅窩, 晚上浪漫賞月,這裡空曠而且不受光害影響,是個絕佳的賞月及觀星地點,阿嫂實歡喜!但由於沿路沒有照明系統,若計劃入夜後落山記得帶備照明用具。

小嘍囉教路 野外簡易煮飯仔氹女友

雖然營地可以燒烤,但二人BBQ 或許不夠浪漫,阿嫂大人一定不滿意。等我小嘍囉教大佬兩招,推介芝士通心粉及忌廉麵包湯,簡單、易煮,加些香草及芝士粉點綴,賣相精美阿嫂又可以影靚相呃LIKE,大佬這個廿四孝暖男又暖多2℃了。建議食材到達東涌才買, 買完即刻去搭巴士,夠晒方便!

芝士通心粉
材料:通心粉、芝士片、意大利腸、洋葱、鹽、牛油、水、牛奶、淡忌廉
烹調時間:約15分鐘
做法:煎熟洋葱及意大利腸備用;將牛奶、水及牛油慢火煮沸;加入通心粉,烹煮時間比包裝上指示少一分鐘,間中揭蓋攪拌;落少許鹽及芝士片攪拌約1分鐘;最後加入淡忌廉攪拌即可。

忌廉麵包湯
材料: 金寶忌廉湯、煙肉、洋葱、法國圓麵包
烹調時間:約10分鐘
做法:將洋葱及煙肉煎熟後加入已煮滾的忌廉湯;最後倒入已挑出麵包肉的圓麵包即可。

$388租齊二人營具

大家可能一年才去一次露營,要買整套營具又貴又佔位置。現時坊間有不少租用營具服務,小嘍囉就帶大佬去租借$388兩人基本營具套餐,有齊帳幕、背囊、睡袋、煮食爐具及營燈等,戶外罐頭專用Gas 則需另以$48購買。如果想露營得更加舒適、豪華,可額外加租挨背椅、摺枱、天幕、強光射燈等。交收時間需要跟負責人預約, 但基本上即日亦可, 朝早瞓醒見好天,想即刻去個露營都冇問題!

Worry-free Camper
網址:www.worry3camper.com
備註:須收取按金
交收:於西貢市及將軍澳區,嫌太遠都可以跟負責人安排其他交收地點,不過需收取服務費。