帶仔女、毛孩玩「創」日與夜｜科學園大玩主題嘉年華創新科技 x 萬聖節 x 寵物友善夜泊低至HK$9

Oct 24 2023

諗緊十月尾去邊度玩好？一於帶埋小朋友同毛孩去科學園嘅三大主題活動玩喇！除咗可以認識最新綠色科技，仲可以畀仔女了解氣候議題，培養佢哋對保護環境嘅意識；透過參與工作坊，寓學習於娛樂無難度！夜晚仲有科學園萬聖節嘉年華，限定市集、免費玩臉部彩繪、即影即有自拍機攤位等。所有活動環節都係免費體驗，園區更有寵物公園，一於一家大細帶埋寵物嚟玩「創」日與夜。玩到夜晚都唔驚，夜泊低至HK$9咋！立即睇落去有咩必玩推介！

今年嘅創新科技嘉年華以「智慧生活綠色科技」為主題，喺2023年10月28日至11月5日期間舉行，有接近40個展館或攤位，一連九日畀大家玩「創」科學園。

玩創日與夜: 創新科技嘉年華

科學園展館設於科學園10W大樓，佔地約120平方米，帶大家認識6大環球及城市氣候議題，並提供解決方案，一齊思考如何改變現狀。展館分四個部分：關於極端環境嘅冷知識、互動體驗區、參展商展區、以及Green Lab，多方面體驗及了解綠色生活嘅重要性。

必玩推介: 綠色生活互動體驗區

綠色生活互動體驗區內分有4大主題，包括可持續發展的大數據及數據分析、綠色及智慧城市 / 移動出行方案、綠色與可持續發展建築、新能源和能源效益。

香港好去處仔女綠色生活互動體驗區內分有4大主題，讓大家認識不同綠色科技。 — 綠色生活互動體驗區內分有4大主題，讓大家認識不同綠色科技。

為咗讓小朋友更容易掌握概念，15間參展商透過互動展覽展出自家研發嘅技術，等小朋玩住體驗，當中包括：locobike嘅VR踩單車體驗；GrinBean分享自動分類回收箱技術；MeatTheNext以食品技術研發嘅可持續天然食品，即場試食虎堅果燕麥奶及雪糕等。

必玩推介:免費工作坊試食兼升級再造紀念品

至於Green Lab，會同大家分享升級再造技術，介紹永續家具，將可持續概念融入未來生活。香港科學園特別同多個參展商合作，舉辦超過20個綠色工作坊/分享，教導由自己嘅生活習慣開始，創造永續未來。工作坊可即場免費參加，包括DIY手機繩、試食等。精彩節目多籮籮，記住早啲到場呀！工作坊平日時段為12PM至3PM，每小時一節，共3節；周末時段為12PM至4PM，每小時一節，共4節。

玩創日與夜: 萬聖節活動

適逢十月尾萬聖節，科學園區由10月27日至11月5日期間，會有萬聖節裝飾、週末豐富活動、舉辦萬聖節市集、魔術表演同面部彩繪等等，精彩活動一浪接一浪！歡迎帶埋一家大細同毛孩嚟打卡，夜遊科學園，體驗萬聖節驚悚之夜。萬聖節市集由12PM至9PM喺展覽廳1E舉行，唔好錯過市集限定嘅商品呀。

必玩推介：週末嘉年華：自拍機攤位、光影攝影、臉部彩繪、免費爆谷

喺10月28日及29日，科學園嘅地標金蛋底將會有一連串活動，其中包括精彩嘅科學魔術表演，將會喺6PM至6:30PM及7PM至7:30PM進行，小朋友一定睇得好開心，同對科學原理產生好奇。即影即有自拍機攤位畀大家一齊影相留念，凝住歡樂一刻。其他攤位包括光影攝影、臉部彩繪，仲會大派免費爆谷，勢必為大家創造美好回憶。