露營地點
露營地點

露營地點2024推介|9大露營好去處 野外Car Camping/隱世魚塘邊(附交通)

香港好去處

廣告

露營地點2024推介|9大露營好去處推介合集|冬天一定要去露營啦!今次就為大家推介9個新手必去嘅露營地點,以下營地設備齊全,大多都有齊洗手間、共用雪櫃、泊車位,就連凍熱水浴室都有,就算無露營經驗都唔洗擔心!

20大靚景行山路線推介

露營地點2024推介|9大香港露營好去處推介!Car Camping+魚塘邊露營+BBQ

露營地點2024推介|1. 粉嶺四季休閒農莊

農莊位於粉嶺流水響附近,農莊佔地160,000呎,夠哂空間感呀!農莊內設有露營區、停車場區、兒童遊樂設施等……仲有超大塊真草地,感覺完全唔似喺香港。為咗配合防疫措施,現時每個營帳最多可容納4人入住,人均消費$125起。另外,營地係寵物有善,毛孩都可以入營㗎!

粉嶺四季休閒農莊詳情
露營地點 扎營區域位置非常寬闊。
紮營區域位置非常寬闊。(圖片來源:FB@四季休閒農莊)

相信每位「營」人喺岀發時,對執拾露營袋都抱疑問,帶多定帶少?攞定唔攞?唔攞就用都無得用救命呀!放心呢個營地正正睇中呢點,設有租借服務如:Cookset、爐具、營具、營帳等裝備……唔識起營,營區內會有職員幫大家手

露營地點 園區內設有接待處位置, Check in或者租借物品。
園區內設有接待處位置, Check in或者租借物品。(圖片來源:FB@HKCAMP香港人露營分享谷)

營內設有多個洗水間同冷熱水淋浴間,淋浴間內安裝浴室寶令淋浴間保持乾爽,減少細菌滋生。以上兩個地方每一至兩小時就會進行大清潔,當然其他設施同草地都唔例外啦!補充一點,洗手間外放置風筒方便大家使用,呢個真係會吹頭髮人士嘅恩物。

露營地點 營內設有多個洗水間同冷熱水淋浴間。
營內設有多個洗水間同冷熱水淋浴間。(圖片來源:FB@HKCAMP香港人露營分享谷)

四季休閒農莊

  • 交通:粉嶺站轉乘52B小巴,落車行一段路就到達流水響水塘。(顯示地圖)
  • 使用營地係需要預約㗎,而預約名額將會以先到先得方式處理,如需預約可到以下連結。
  • 網站:按此

回到目錄

露營地點2024推介|2.森之谷

位於元朗可以Car Camping嘅露營場,設計營地時以用家角度出法,務求令場地更適合露營人士。營地除了可以遠眺雞公嶺外,營地中亦種植咗唔同植物,而當中另一個特色係營火台,享受原始野火露營Campfire。

露營地點 位於元朗牛澤尾, 佔地約4-5萬呎。營地打造全場真草地!
位於元朗牛澤尾,佔地約4-5萬呎。營地打造全場真草地!(圖片來源:FB@HKCAMP香港人露營分享谷)
露營地點 不時係Facebook谷及專頁,都見到谷友提問, 邊度有新場可以Car Camping? 可想而知, 大家對車Camp係好有需求!
不時喺Facebook群組及專頁,都見到谷友提問, 邊度有新場可以Car Camping? 可想而知, 大家對車Camp係好有需求!(圖片來源:森之谷 )

唔少露友都鍾意野火,但燒地係非常唔正確,亦唔應該提倡;營地明白到有部份營友都會鍾意生火,享受野炊樂趣,所以喺營地前特別區劃咗一個地方。用厚磚鋪成一個特色營火台係上邊生火,就唔會燒到地面。 而且營火台十分寬闊, 唔會燒到附近草地。

露營地點 Campfire 對唔少人都有啲回憶同幻想吧!
Campfire 對唔少人都有啲回憶同幻想吧!(圖片來源:森之谷 )

森之谷

  • 交通:營地位於元朗錦田,76K小巴或36號,駕車大約十分鐘便可到達南生圍(顯示地圖)
  • 使用營地係需要預約㗎,而預約名額將會以先到先得方式處理,如需預約可到以下連結。
  • 預約連結:按此

回到目錄

露營地點2024推介|3.WE Camp

場內三大營區:專屬汽車露營營區、豪華特色露營區、魚塘獨享專屬區,都各有特色,而無論身處任何營區,都可以遠眺元朗雞公⼭,營地最大賣點係備有魚塘邊觀景台,聽聞係全港獨家嘅露營體驗呢!另外,WE Camp非常歡迎毛孩嚟到營地,與心愛嘅主人一齊露營,體驗生活。呢度嘅魚塘獨享專屬區,設計仿效越南嘅渡假屋,對於無得去旅行都可以感受到呢種東南亞風味,真係要好好享受!

露營地點 每個營區都有自己嘅特色,行去廁所又唔會太遠,慢慢行2分鐘就到。
每個營區都有自己嘅特色,行去廁所又唔會太遠,慢慢行2分鐘就到。(圖片來源:FB@WE Camp)
露營地點 營區備有1個大木台,7個小木台,均備有印弟安營及基本裝備,在竹林底下體驗不一樣嘅戶外生活。
營區備有1個大木台,7個小木台,均備有印弟安營及基本裝備,在竹林底下體驗不一樣嘅戶外生活。(圖片來源:FB@WE Camp)
露營地點 獨立car camp空間,無論你係車頂營定係車中泊都一樣得。
獨立car camp空間,無論你係車頂營定係車中泊都一樣得。(圖片來源:FB@WE Camp)

WE Camp

  • 地點:位於元朗逢吉鄉新村,屬於三軍外展中心場地內(顯示地圖)
  • 使用營地係需要預約㗎,而預約名額將會以先到先得方式處理,如需預約可到以下連結。
  • 網站:按此

回到目錄

露營地點2024推介|4.有日 Farm Someday

Farm.Someday位於元朗南坑村,提供野餐和露營服務,4000呎大草地,感覺完全不像在香港!場內分別有幾個野餐位置,兩人約會或一大班朋友聚會都適合。最吸引是在草地中央的白色大帳幕,地上鋪上木板,坐在懶人梳化上度過悠閒的下午,運用野餐工具拍照,簡直一流!

有日 Farm Someday場地詳情
露營地點 野餐
(圖片來源:[email protected]
露營地點 野餐
(圖片來源:IG@charlottepuiii)
露營地點 野餐 場地會提供各種拍照道具。
場地會提供各種拍照道具。(圖片來源:IG@joman316)
露營地點 野餐 晚上是另一種感覺!
晚上是另一種感覺!(圖片來源:[email protected]

有日Farm Someday

  • 地點:元朗南坑村
  • 網站:按此

回到目錄

露營地點2024推介|5.元朗農樂營彩虹小屋

農樂營露營地點位於元朗,去年完成翻新工程後推出10款全新主題露營小屋,房內配套齊全,設備包括獨立洗手間、冷氣設備、電熱水煲及冷熱水沐浴裝置,每間最多可提供6人入住。價錢方面最平人均$460左右,就可以玩足20小時。以價論價,就同去Staycation差唔多,但勝在可以一班人齊齊玩,夜晚又可以一齊觀星,非常寫意!

元朗農樂營彩虹小屋詳情
露營地點 營地翻新後變成七彩小屋。
營地翻新後變成七彩小屋。(圖片來源:新假期編輯部)
露營地點 小屋外牆五顏六色,絕對係女士們嘅打卡位!
小屋外牆五顏六色,絕對係女士們嘅打卡位!(圖片來源:新假期編輯部)
露營地點 場地掛滿不少大大小小嘅燈飾,夜晚亮燈好有feel~
場地掛滿不少大大小小嘅燈飾,夜晚亮燈好有feel~(圖片來源:FB@農樂營)

農樂營

  • 地點:元朗牛潭尾路攸潭美村摯友時光農樂營
  • 電話:6606 1660
  • 網站:按此

回到目錄

露營地點2024推介|6.白泥部落

白泥部落位於石崗,是香港新界區少有大型特色露營場地,設有豪華營、自助紮營區、遊樂休閑區,佔地超過9萬呎。營地更提供充氣小童泳池,彈彈床,小孩娛樂室等多種設施!大家可免費使用共用雪櫃、電陶爐、電熱水煲和餐具,更有寫收費遊樂設施。營地附近都有壁畫村、紅磚屋、跳蚤市場等景點。

露營地點
(圖片來源:白泥部落)
露營地點
(圖片來源:白泥部落)
露營地點
(圖片來源:白泥部落)

白泥部落 Pastoral Glamping

  • 地址:八鄉石崗機場路水流田村
  • 客戶服務 WhatsApp: 5245 5391
  • 客戶服務時間:星期一至五 10:00 – 19:00/星期六: 10:00 – 13:00
  • 網站:按此

回到目錄

露營地點2024推介|7.喜喜草原

位於香港元朗逢吉鄉,過萬呎獨立草原,可以眺望雞公山絕色美景!營內有獨立燒烤設施、衞生淋浴間、共享冰箱及廚用鋅盤,還有多種露營廚具租借。如果沒有任何露營工具,也可向營地租借,2人套裝($700)包括雙人營、櫈、檯、爐具、氣氛營燈、營燈、槌和床墊。

露營地點
(圖片來源:喜喜草原)
露營地點
(圖片來源:喜喜草原)
露營地點
(圖片來源:喜喜草原)

喜喜草原

回到目錄

露營地點2024推介|8.虎地山莊

位於上水虎地拗村嘅虎地山莊郊野學習中心佔地約 22,000 呎,為參加者提供適當嘅機會和設施,使參加者能親身了解自然環境,學習野外考察嘅技巧及戶外體驗,探索香港珍貴的野生動植物及大自然資源,從而提高他們對郊野公園、生物多樣性、植物護理和氣候變化的認識。

露營地點 營友可借用裝飾燈泡裝飾自己帳篷。
營友可借用裝飾燈泡裝飾自己帳篷。(圖片來源:FB@虎地山莊)
露營地點 帳篷會定期清潔。
帳篷會定期清潔。(圖片來源:FB@虎地山莊)
露營地點 自己學起營帳,唔知會唔會特別有成功感?
自己學起營帳,唔知會唔會特別有成功感?(圖片來源:FB@虎地山莊)

虎地山莊

  • 地點:新界上水虎地坳村(顯示地圖)
  • 使用營地係需要預約㗎,而預約名額將會以先到先得方式處理,如需預約可到以下連結。
  • 網站:按此

回到目錄

露營地點2024推介|9. Happy Camping

鄰近香港著名郊遊景點大美督,營地設於海岸旁邊,設有獨立臨海區域嘅私人空間,營地佔地十萬多呎!同時設有有機農莊提供新鮮蔬菜,即收即食。大家唔怕凍,仲可以玩由營地提供嘅水上活動設備例如獨木舟、腳踏艇等……附近還有多條行山路徑,單車徑配套四通八達,上山下海, 分分鐘三日兩夜都玩唔晒!

露營地點 低密度嘅露營區 ,擁有多區私人空間 。
低密度嘅露營區 ,擁有多區私人空間 。(圖片來源:FB@Happy Camping)
露營地點 汀角東海岸好多景點 ,要一次過影齊日出、日落 、晨曦同夜空繁星。
汀角東海岸好多景點 ,要一次過影齊日出、日落 、晨曦同夜空繁星。(圖片來源:FB@Happy Camping)
露營地點 好大個月亮啦!相信喺度睇流星雨都唔錯!
好大個月亮啦!相信喺度睇流星雨都唔錯!(圖片來源:FB@Happy Camping)

Happy Camping

  • 地點:營地位於大美篤,背倚八仙嶺,面向汀角東海岸,鄰近慈山寺 (顯示地圖)
  • 使用營地係需要預約㗎,而預約名額將會以先到先得方式處理,如需預約可到以下連結。
  • 查詢電話:5119 6906

這些露營地點有甚麼特別?

可以玩Campfire、越南風魚塘邊露營、Car Camping,仲有…更多詳情

這些營地位於那裏?

元朗、粉嶺、錦田等地都有,即睇…更多詳情

撰文:icy圖片來源:FB@四季休閒農莊、白泥部落、FB@HKCAMP香港人露營分享谷、森之谷、FB@WE Camp、FB@Happy Camping、FB@虎地山莊