糖街製片廠
糖街製片廠

萬聖節2021|銅鑼灣糖街製片廠推鬼屋聯誼Speed Dating!大玩鬼屋約會配對+黑暗浪漫晚餐+$120任飲Cocktail/紅白酒啤酒 即睇報名詳情!

香港好去處

廣告

傳說中喺鬼屋識女仔特別容易得米(好似係)⋯⋯今個萬聖節糖街製片廠又有全新搞作,大玩聯誼活動,喺黑暗中約會同配對,然後再在餐廳共進浪漫晚餐,然後就入重頭戲啦,一齊體驗全港首個「5D電影驚慄體驗館」,隨時嚇到拖住手衝返出去,即睇預約詳情!

撰文:GW |來源:新假期編輯部、糖街製片廠

【萬聖節活動2021】糖街製片廠鬼屋聯誼大作戰!
鬼屋約會配對+黑暗浪漫晚餐+$120任飲Cocktail

電影體驗館Vie-Won-Won推出全新的鬼屋《Long 漫・SLOW DATING》 約會配對體驗,主辦方認為現代人的交友模式過於速食,於是提倡了放慢腳步的交友新方式,以Slow Dating的模式,互相了解彼此,活動以港產電影情節及概念帶領緣份,安排一連串的活動讓戀愛氣氛升溫!

銅鑼灣糖街開鬼屋電影體驗館+搞怪新餐廳!
糖街製片廠 萬聖節活動2021(圖片來源:新假期編輯部)
(圖片來源:糖街製片廠)
鬼屋《Long 漫・SLOW DATING》 約會配對體驗(圖片來源:糖街製片廠)

聯誼活動共分為4部曲,第1部曲先在「黑暗中」了解對方,形式類似在黑暗中對話,中間隔著黑布,簡單傾計互相初步了解後,再進入第2部曲,在「黑暗中」的鬼混餐廳共進一頓浪漫晚餐,好好享受美食,以為之後會直接進入第3部曲?Sorry約會暫時中止!

聯誼活動共分為4部曲(圖片來源:糖街製片廠)
聯誼活動共分為4部曲(圖片來源:糖街製片廠)

而真正的第3部曲需要擇日再相約一齊體驗全港首個「5D電影驚慄體驗館」,即是「打大佬」日,成敗就睇呢鋪,你想建立一個男子漢定係無膽鬼形象就靠呢刻啦,你知啦個場「黑媽媽」,女仔又可能比較細膽,嚇一嚇就可能需要扶一扶或者拖一拖側邊啲嘢,仲有可能會跌入可以依靠嘅懷抱入面,你知啦,大膽啲隨時得米㗎嘛~(當然掉返轉女保護男都無問題啦!)

一齊體驗全港首個「5D電影驚慄體驗館」(圖片來源:糖街製片廠)
一齊體驗全港首個「5D電影驚慄體驗館」(圖片來源:糖街製片廠)
驚就會拖實或捉實隔離嘅手仔,人之常情啫~(圖片來源:糖街製片廠)
驚就會拖實或捉實隔離嘅手仔,人之常情啫~(圖片來源:糖街製片廠)

最後第4部曲就是完成鬼屋體驗後,可以Freeflow選擇在鬼混餐廳加$120,無限暢飲指定紅白酒、啤酒和Cocktail,一齊飲返兩杯,延續浪漫約會,共完患難後梗係要吹吓水!

餐廳環境以中古古宅為主題。
餐廳環境以中古古宅為主題,到時會換上萬聖節裝飾和燈光。(圖片來源:新假期編輯部)
各式小物,甚至連昆蟲標本都有!
環境復古陰森(圖片來源:新假期編輯部)

「糖街製片廠」《Long漫·Slow Dating》

地址:銅鑼灣糖街8號1樓(顯示地圖
日期:2021年9月28日、10月12日、10月26日
時間:7:00pm-11:00pm
票價:$780/男女同價
預訂連結:按此