芒草季節2021!香港7大賞芒行山好去處  大東山/飛鵝山 浪漫芒草海+耶穌光日落+雲海 附交通詳情|香港好去處
芒草季節2021!香港7大賞芒行山好去處  大東山/飛鵝山 浪漫芒草海+耶穌光日落+雲海 附交通詳情|香港好去處

芒草季節2021!香港7大賞芒行山好去處 大東山/飛鵝山 浪漫芒草海+耶穌光日落+雲海 附交通詳情

2021芒草季節又要到了!踏入10月秋風起,又是時候行山郊遊,每年的10月至11月都是賞芒最佳時機!以下為大家整合本地7大芒草路線,包括大東山、飛鵝山、昂平等地,都是不錯的選擇,一於bookmark定,到時約埋朋友齊齊去打卡!

【溫馨提示】郊遊時,要尊重自然環境,不要留下垃圾。另外,行山前一定要做足準備,量力而為,注意難道級別,不要獨自一人行山。安全至上,一同享受這城市的美好風景。

撰文:FITZ、新假期編輯部|圖片來源:網上圖片、新假期編輯部

2021芒草季節 7大路線推介

1.大東山: 芒草 大本營

都不用多介紹,一到秋冬,行山群組每日都有人問點上大東山。無他,一望無際嘅芒草,加上爛頭營的石屋,絕對係香港出色靚景!注意,大東山芒草季每年由10月尾至11月頭才會出現,太早登山,芒草未算盛放。

{"IPTC-DATA":"NMG","data":{"photoID":1848162}}
望無際的芒草,加上爛頭營的石屋,絕對是香港出色靚景!(圖片來源:新假期編輯部)
打卡一流!
打卡一流!(圖片來源:新假期編輯部)
taidong04 copy
大東山芒草季每年由10月尾至11月頭才會出現,太早登山,芒草未算盛放。(圖片來源:新假期編輯部)

賣點:芒草大本營,最茂密盛放!
路線:伯公坳 > 鳳鳯徑 >大東山頂 > 爛頭營 > 伯公坳
距離:6公里
需時:2小時 (單程上山計)
難度:4.5星 (5星最難)
注意:

  • 大東山山頂需離開鳳凰徑
  • 爛頭營石屋為私人產業,由義工定期維修,絕對不要破壞,不要爬上屋頂!
  • 近年媒體每逢介紹大東山,都會被山友譴責,究其原因,無非是因為登山者缺乏應有的責任、不顧登山禮儀的新手破壞並留下垃圾,在此再三呼籲大家登山前要做足準備,自己垃圾自己帶走!

2. 馬鞍山昂平:賞草兼有海景

除了大東山之外,馬鞍山昂平亦都係另一個芒草盛開的地方。由馬鞍山郊遊徑入口開始行,指示牌上表示只需要行半個鐘就去到昂平,不過記者實測,慢慢行的話,由入口行到昂平高原,都差唔多要一小時。上到昂平高原之後,就可以眺望西貢,不時有滑翔傘愛好者會選擇於這片草原上飛翔。不過影相影之餘,都要留意住附近的牛牛,因為身處草叢入面,視線被遮擋,大家要小心!

ngongping02
初段以上梯級為主,之後已是輕鬆的平地。(圖片來源:新假期編輯部)
-7
周柏豪《金》MV亦在馬鞍山昂平取景。(圖片來源:新假期編輯部)
ngongping
配合埋陽光,芒草影出來就更加靚!(圖片來源:新假期編輯部)
ngongping04
芒草盛放時,金黃一片,好美!(圖片來源:新假期編輯部)
ngongping05
除咗芒草之外,附近的大金鐘亦都係影相位!(圖片來源:新假期編輯部)

賣點:遠望西貢無敵海景,坐足一個下晝都唔悶!
距離:約2公里 (單程,以燒烤場起步計)
需時:1.5小時 (單程上山計)
難度:1.5星 (5星最難)
注意:無乜嘢注意,記得唔好天黑先走!

前往方法:由馬鞍山坐的士到馬鞍山郊遊徑昂平入口,車費約$50;或於馬鞍山新港城中心乘村巴NR84,於總站馬鞍山村落車。

3. 飛鵝山:市區勝地

想近一點,則可去飛鵝山,可以坐公共交通工具到飛鵝山道再步行上山,有車人士更可直接駕駛到山頂,相同方便快捷!山上金光閃閃,景致絕不比大東山遜色,可看到獅子山、九龍半島風景,假如天色晴朗,更可清楚看到西貢一帶景色,超靚!不過飛鵝山有不少斜路及懸崖,相對比較危險,大家要小心,注意安全!

-22
山上金光閃閃,景致絕不比大東山遜色!(圖片來源:新假期編輯部)
Goose04 copy
山上可看到獅子山、九龍半島風景,超靚!(圖片來源:新假期編輯部)

賣點:市區都可以睇到靚景!
距離:約5公里
需時:3小時
難度:2.5星 (5星最難)

前往方法:於九龍灣德福花園乘搭1號小巴,至飛鵝山道下車,再沿登山道上山

4. 元朗河背水塘:寧靜塘面+日落黃昏美景

想去郊外呼吸新鮮空氣,但又不辛苦地行山,元朗的河背水塘最適合不過。這裡只需要走一段微斜的石屎路,路亦夠闊,走約半小時就到,沿途還看到柔和芒草,舒服!

河背水塘全景。
河背水塘全景。(圖片來源:新假期編輯部)

於元朗或者錦上路乘搭71小巴,尾站落車就會到河背村。於河背村入口,向前行就對了。穿過村後,一上去就會見到一片芒草。雖然走不進芒草叢中,但只在旁邊望著,配合山丘背景,也是一幅秋冬氣氛濃厚的大自然畫作。

如果遇啱時間,還可看到家樂徑前小芒草(芒草於秋季為最佳觀賞期)可以影下。
如果遇啱時間,還可看到家樂徑前小芒草(芒草於秋季為最佳觀賞期)可以影下。(圖片來源:新假期編輯部)
穿過村後,一上去就見芒草一片,配合山景,有秋天的味道。
穿過村後,一上去就見芒草一片,配合山景,有秋天的味道。(圖片來源:新假期編輯部)

一進水塘,前面就是一條石橋。橋的左邊水面平靜,直到最尾為河背水塘家樂徑,靠近欄杆望著流水,好舒服!

到黃昏時段,大橋配上日落,輕鬆拍出唯美相片。
到黃昏時段,大橋配上日落,輕鬆拍出唯美相片。(圖片來源:新假期編輯部)(圖片來源:新假期編輯部)
靠著欄杆影水面超美的!
靠著欄杆影水面超美的!(圖片來源:新假期編輯部)

賣點:只有一段路是斜路,沒有沙石的石屎路,路又夠闊,行半小時就到
路線:由元朗搭小巴>河背村去河背水塘>家樂徑
距離:約公里
需時:1小時 (單程上山計)
難度:1星 (5星最難)
注意:無乜嘢注意,記得唔好天黑先走!

前往方法:於元朗或者錦上路搭71小巴,尾站落車就會到河背村。

5. 大嶼山老虎頭:日落意景

賣點:位於老虎頭郊遊俓,設備完善。中午過後去,仲有機會見到日落。
路線:愉景灣碼頭 > 愉景山道 > 愉景灣水塘 > 老虎頭郊遊徑 > 亞婆塱 > 白芒 > 東涌
距離:17公里
需時:5小時
難度:3星 (5星最難)

-31
(圖片來源:eric-cafe)
tiger
(圖片來源:Lucina Lo)
tiger02
(圖片來源:Lucina Lo)
tiger01
(圖片來源:Lucina Lo)

原文連結:四登愉景灣老虎頭@Lucina Lo

6. 蓮花山:睇日落必去

蓮花山是香港第五高的山峰,於大東山隔離,海拔有766米高,大家可以360度望到整個香港,又望到大東山、二東山同鳳凰山。由東涌出發,可以坐36號大嶼山巴士入白芒村,不過班次非常疏,假日的士站又好多人排隊,所以記者決定行入去!先行去東薈城北門,出咗去向右邊沿文東路一直行,行到喜東街,向右轉會見到中化石油油站,靠右會見到一條好隱蔽的小路,穿過後繼續直行!

過了油站,左邊是海,右邊是路軌,好似身處於日本!
過了油站,左邊是海,右邊是路軌,好似身處於日本!(圖片來源:新假期編輯部)
沿路見到啲草,配埋藍天,靚!
沿路見到啲草,配埋藍天,靚!(圖片來源:新假期編輯部)

初段要上山,都幾難行,需要一定體力。行咗一陣會見到有舊石,又可以行出去影相,一覽第三跑道的風景!開始上蓮花山,會見到愈來愈多芒草,愈近就愈多,即刻站到草中央影張相先!

山上小徑。
山上小徑。(圖片來源:新假期編輯部)
開始上蓮花山,會見到愈來愈多芒草,愈近就愈多,即刻站到草中央影張相先!
開始上蓮花山,會見到愈來愈多芒草,愈近就愈多,即刻站到草中央影張相先!(圖片來源:新假期編輯部)
穿過無限的金黃芒草,就會見到蓮花山頂,
穿過無限的金黃芒草,就會見到蓮花山頂。(圖片來源:新假期編輯部)

上到去766米高的山頂,可以360度睇成個香港!起碼可以影一個鐘先走,撞正埋日落時間,望向大東山方向,不得了!

上到去766米高的山頂,可以360度睇成個香港!
上到去766米高的山頂,可以360度睇成個香港!(圖片來源:新假期編輯部)
望向大東山方向,有雲海同日落。
望向大東山方向,有雲海同日落。(圖片來源:新假期編輯部)

賣點:蓮花山位於大東山隔離,海拔有766米高,大家可以360度望到整個香港,又望到大東山、二東山同鳳凰山。
路線:白芒村>婆髻山 >蓮花山 >南山 > 南山營地巴士站
距離:17公里
需時:5小時
難度:3星 (5星最難)
備註:

  • 需一定體力,要食完飯先好出發
  • 無補給,一定要帶水貼乾糧
  • 落山路段有蛇出沒,要小心讓路
  • 預時間落山,冬天6點已經開始入黑
  • 帶備電筒,遲咗落山都唔怕

前往方法:由東涌站坐36號大嶼山巴士/的士/步行至白芒村

7. 元朗南生圍:水鄉風情

賣點:不要介懷是芒草、蘆葦,或是雜草,總之由元朗鬧市行20分鐘,坐街渡過南生圍,已經係另一個世界。加上無敵大草景,簡直令你煩腦盡消!近來經常有地產要發展南生圍,這裡景色都不知哪時會失守,大家要把握機會!
路線:元朗MTR > 蠔州路 > 渡頭碼頭 > 南生圍 > 南生圍路 > 博愛醫院 > 元朗MTR
距離:7.5公里
需時:2小時
難度:1星 (5星最難)

namsanwai02 copy
由元朗鬧市行20分鐘,坐街渡過南生圍,已經係另一個世界。(圖片來源:新假期編輯部)
namsanwai
南生圍向來都是港人的郊遊好去處!(圖片來源:新假期編輯部)
-f
不要介懷是芒草、蘆葦,或是雜草,都同樣漂亮。(圖片來源:FITZ.HK)

常見問題:
問:香港賞芒草的最佳月份是?
答:每年的10月至11月都是賞芒最佳時機。

問:賞芒時有甚麼注意事項?
答:行山前一定要做足準備,量力而為,注意難道級別,不要獨自一人行山。安全至上,一同享受這城市的美好風景。

最新吃喝玩樂資訊