【周末好去處】DANCE REFLECTIONS by Van Cleef & Arpels 舞蹈藝術節首度登港 一連三個周末免費睇！
大部份免費睇！DANCE REFLECTIONS by Van Cleef & Arpels 舞蹈藝術節一連三個周末舉行
Van Cleef & Arpels喺高級珠寶方面出名工藝精湛之餘，創辦人亦相當鍾情於芭蕾舞，喺珠寶設計上經常以舞姿美態作為靈感，將不同藝術範疇由舞蹈以至珠寶連繫起來。為咗秉承呢項傳統，Van Cleef & Arpels去年第一次於倫敦舉辦DANCE REFLECTIONS by Van Cleef & Arpels藝術節以推動舞蹈文化，今次將與合作夥伴法國五月藝術節合作，連續三個周末喺香港為大家帶嚟一連串精彩表演，除咗會有舞台演出外，亦會有特別為公共空間設計嘅作品，而大部份表演都係免費參與，等大家都可以欣賞到唔同舞蹈文化，到時仲會有唔同嘅工作坊比大家免費參加，一同投入於舞蹈盛會之中！
重點推介 1：《飛躍人》 — 超刺激空中踩繩結合現場戶外表演
空中踩繩嘅表演喺電影、網上就睇得多，今次大家有機會可以親身喺現場欣賞喇！華捷・奧拉姆丁(Rachid Ouramdane )將一班空中藝術家及極限運動員集合於西九藝術公園大草坪，除咗會大展高難度踩繩，其他運動員亦會於草坪上進行不同表演，當中更有世界紀錄保持者、曾經於巴黎鐵塔表演嘅空中藝術家首度嚟到香港表演，希望透過今次嘅作品令大家反思人類與生活環境相處嘅態度，大家記得唔好錯過呢場瞬息萬變嘅表演喇！
《飛躍人》
演出日期：5月20日
演出時間：4:00pm
演出地點：西九文化區藝術公園大草坪（位於自由空間旁）
費用：免費
重點推介2：《群眾》 — 與表演者一同置身於狂想世界當中
由著名編舞家吉賽爾・維也尼 (Gisèle Vienne) 創作嘅《群眾》結合電音與街舞，令大家尤如置身於夜夜笙歌嘅夜場舞池當中，繼而透過動慢作帶領大家感受扭曲嘅時間流逝，探索慾望與權力均衡如何影響個體之間，精彩嘅舞台設計、華麗嘅動作，絕對係其中一個必睇嘅節目之一！
《群眾》
演出日期：5月6日及7日
演出時間：8:00pm
演出地點：自由空間大盒
購票方法：CITYLINE.COM
重點推介3：《BSTRD》 — 以簡潔有力獨舞探索動作起源
精彩嘅表演唔一定要人多勢眾，即使係一段獨舞一樣可以引入入勝，而《BSTRD》正正就係一場簡潔有力嘅獨舞演出。舞台上只有舞者卡特蓮娜・安朵及一部黑膠唱片機，舞者將會伴隨着砰砰作響嘅音樂起舞，帶領大家探索動作嘅起源。
《BSTRD》
演出日期：5月20日及21日
演出時間：7:30pm / 2:30pm
演出地點：葵青劇院黑盒劇場
購票方法：CITYLINE.COM
重點推介4：《蠶蟲》 — 重新演繹經典舞作《蛇舞》
舞蹈界傳奇人物洛伊・富勒 (Loïe Fuller) 嘅《蛇舞》一向被喻為經典舞作之一，今次奧拉・馬歇夫斯卡 (Ola Maciejewska) 就以此舞作取材並創作出全新三人舞，透過將舞蹈、歷史紀錄及人為痕跡三者融為一體，與大家一同思索舞蹈嘅本質。
《蠶蟲》
演出日期：5月12日及13日
演出時間：8:00pm
演出地點：上環文娛中心劇院
購票方法：CITYLINE.COM
重點推介5：《通道 》— 探索舞者身體動作與空間之關連
一個好嘅演出最重要係令觀眾產生共鳴，《通道》嘅每位演出者將會因應虛構物件而做出不同動作，透過空間嘅不同維度去同觀眾產生連繫，繼而探索身體動作與演出者身處空間嘅關係。而今次演出更特別因應香港場地而重新設計，相信大家定會相當投入於表演當中。
《通道》
演出日期：5月6日及7日
演出時間：4:00pm
演出地點：元創方地面廣場
費用：免費
DANCE REFLECTIONS by Van Cleef & Arpels 舞蹈藝術節
日期：5月5日至21日
詳情：https://www.dancereflections-vancleefarpels.com/en/hong-kong
(Presented by DANCE REFLECTIONS by Van Cleef & Arpels)
