荃灣千色匯
荃灣千色匯

【聖誕打卡好去處】荃灣千色匯、元朗千色匯及K Plus 意大利藝術家x本地插畫師大泥 聯手打造治癒系聖誕打卡位

香港好去處
嚟緊好快又聖誕節啦,雖然今年個個都飛唔到,去唔到外地度假,不過其實香港都好有節日氣氛㗎!好似荃灣千色匯、元朗千色匯及K Plus咁,就邀請咗意大利簡約系藝術家Eloise Morandi Nash帶埋筆下嘅Nina And Other Little Things,以及本地嘅治癒系插畫師大泥聯乘合作,打造出窩心嘅「聖誕意味港遊」,結合兩地嘅風格,打造出一個與別不同嘅聖誕節。

荃灣千色匯 4大窩心聖誕打卡位+全球首賣限定精品

今次成個佈置都係以紅白為主調,喺荃灣千色匯1樓可以搵到鮮紅色嘅Nina同大泥所創作嘅大白熊,仲可以一齊企喺「暖心彩虹聖誕樹」前面合照,之後一齊去坐「聖誕電車」玩「聖誕Run Fun Go」遊戲,一邊大玩體感遊戲,一邊打卡,更可免費將相片下載或傳送至電郵同親朋好友分享歡欣!電車旁有個「港意號維港遊」,以及最令人期待嘅期間限定店「經典港味雪糕車」,除咗有Nina And Other Little Things及大泥嘅相關精品,最令人興奮仲有8款全球首次限量推出嘅Nina And Other Little Things及大泥聯乘產品,包括文具、雨傘及飲管等多件精品!

荃灣千色匯 「聖誕意味港遊」
「聖誕意味港遊」
荃灣千色匯 「港意號維港遊」
「港意號維港遊」
荃灣千色匯 「聖誕Run Fun Go」化身成聖誕老人去收集禮物。
「聖誕Run Fun Go」化身成聖誕老人去收集禮物。
荃灣千色匯 全球首賣限定店「經典港味雪糕車」
全球首賣限定店「經典港味雪糕車」

同場追加!全球首創Nina And Other Little Things X 大泥聯展!

喺商場嘅2樓,仲有Nina And Other Little Things X 大泥嘅首個聯展。首部分由Eloise Morandi Nash以聖誕主題為創作背景,講述大泥進入Nina嘅世界,再由大泥添加個人元素,透過畫作進入彼此間嘅世界,從而展現意大利與本地藝術家之間嘅文化交流;至於另一部分則以香港遊為主題,例如青馬大橋、懷舊雪糕車、高樓大廈及點心等,超有親切感。呢次展出共10幅嘅作品中,所有作品都係專為插畫展而設嘅新作!

荃灣千色匯 全球首創Nina And Other Little Things X 大泥聯展
全球首創Nina And Other Little Things X 大泥聯展

元朗千色匯及K Plus 大型意大利蛋糕佈置+飲茶打卡位

講到意大利嘅聖誕傳統,自然唔少得聖誕蛋糕Panettone啦!喺元朗千色匯就有個巨型Panettone佈置「意式甜蜜聖誕蛋糕」,蛋糕內有更多兩位插畫師嘅作品。另外2樓更有青馬大橋櫥窗佈置,白熊化身導遊帶Nina欣賞海峽美景,一盡地主之誼。

荃灣千色匯 Nina帶意大利聖誕必備香檳招待白熊。
Nina帶意大利聖誕必備香檳招待白熊。
荃灣千色匯 青馬大橋櫥窗佈置
青馬大橋櫥窗佈置

至於K Plus嘅佈置「人情蜜意懷舊茶樓」則以香港人假日共聚天倫為主題,充滿60年代港味情懷,當中加入紙皮石、車仔、點心籠及中式茶壺等經典懷舊嘅元素,認真盞鬼,打卡一流。

荃灣千色匯 「人情蜜意懷舊茶樓」
「人情蜜意懷舊茶樓」

獨家換領聯乘聖誕禮品:Nina X 大泥療癒洗衣袋、掛牆收納袋

而家仲有得換領Nina X 大泥嘅療癒系家品,只要即日以電子消費滿指定金額,連同相符嘅正本電子貨幣顧客付款存根,即可換領Nina And Other Little Things聯乘大泥嘅療癒系洗衣袋或掛牆袋,好打耳呀!

荃灣千色匯 *數量有限,先到先得,換完即止*換領詳情及細則及條款請參閱埸內宣傳品
*數量有限,先到先得,換完即止
*換領詳情及細則及條款請參閱埸內宣傳品
荃灣千色匯 Nina X 大泥療癒洗衣袋、掛牆收納袋
Nina X 大泥療癒洗衣袋、掛牆收納袋

H•COINS 會員尊享 找尋Nina及白熊與男孩 換取商場優惠券

恒基地產旗下七大商場全新H•COINS手機應用程式已經面世,荃灣千色匯及元朗千色匯更推出AR小遊戲,於11月23日至2021年1月3日期間,只要登記成為H•COINS 會員,掃瞄QR Code進入遊戲網頁,然後於商場各層找尋Nina及白熊與男孩嘅圖片,並以AR掃瞄即可收集指定圖案,集齊3個即有機會獲得一套兩張該商場的HK$50餐飲及HK$50優惠券。

*每個商場限定1,500套,數量有限,先到先得,換完即止
*每個會員只限換領1套
*換領詳情及細則及條款請參閱場內宣傳品

荃灣千色匯
地址:荃灣眾安街68號/ 荃灣荃灣街市街67-95號

元朗千色匯
地址:元朗 教育路1號

K Plus
地址:元朗西菁街23號

 

 

 

(Presented by Kolour)

最新吃喝玩樂資訊