聖誕好去處2021｜灣仔海濱長廊新登場 可愛鴨仔船維港遊＋主題公園打卡
廣告
【#聖誕好去處2021】聖誕之後又到新年長假，真係搵節目搵到頭痛！好在今個聖誕節有新打卡地方推介，12月24日才開幕的灣仔海濱「海岸堤階」及新海濱長廊水上及康樂主題區，除咗有Chocolate Rain藝術裝置和聖誕裝飾為主題嘅七彩繽紛打卡位外，仲可以划超得意嘅鴨仔船(水上單車) 出海睇維港靚景，好多嘢玩呀！
撰文：OK｜圖片來源：相關機構授權圖片
維港首個水上活動區 $100踩超得意鴨仔船
新場「水上運動及康樂主題區（第二期）」有2.5公頃的水上活動區，除了會舉行各類水上活動、賽事或表演外，最親民嘅一定係划超得意嘅鴨仔船水上單車出海睇維港靚景！20艘水上單車中只有3艘是「Chocolate Rain」特別版，繽紛波點設計在藍天白雲下勁吸引人打卡。留意水上單車活動期間限定，暫時試行半年，視乎反應再作安排，想打卡就快手訂飛！
水上單車@灣仔水上及康樂主題區（第二期）
- 營運時間：10am-6pm
- 收費： 租用時間為每節45分鐘，二人船收費為$200/節、四人船收費為$280/節
- 新張優惠：平日10am-1:30pm二人船$100/節、四人船$140/節，平日2pm-5pm 二人船$120/節、四人船$168/節
- 周六日及假期10am-1:30pm二人船$160/節、四人船$224/節，平日2pm-5pm 二人船$200/節、四人船$280/節
- 船票一經售出，恕不更改時間及退款。
- 3號風球或以上、黃雨或以上及惡劣天氣將暫停營運，解除3號風球或黃雨後的2小時恢復營運，如3pm才下波，當日將暫停營運，已購票的客人可於48小時內重新預約。
狗狗放電＋親子遊樂場｜Chocolate Rain主題公園打卡
同日開放的灣仔新海濱長廊，將港島北的海濱長廊延長至7.4公里，大家將可從石塘咀沿海濱區步行至炮台山。主題區內「Chocolate Rain」及水上運動為題的藝術裝置和聖誕裝飾，寵物友善嘅主題區將全日開放，有齊草地、戶外桌椅、遮陽及兒童遊樂等設施，打卡一流的粉色波點咖啡杯和磨菇屋裝置、小朋友最愛嘅瀡滑梯等，活動豐富，夠大家玩足一日！
水上及康樂主題區（第二期）
- 地址：香港灣仔海濱公園（灣仔北臨時公共運輸交匯處至鴻興道天橋對開）
- 交通：從灣仔碼頭步行3-5分鐘即達；從港鐵灣仔站A5出口經行人天橋前往，步行約15分鐘；從港鐵銅鑼灣站C出口經堅拿道西天橋前往，步行約9分鐘
