科技迷必去 親身免費體驗創意新科技
科技迷必去 親身免費體驗創意新科技

科技迷必去!親身免費體驗創意新科技 25個好玩發明 + 四大模擬實境演譯

香港好去處

廣告

高科技產物旋風式來襲,鍾意周圍去玩、試新嘢嘅大家點可以唔親身嚟感受下呢股創科力量!25個【城市創科大挑戰】得獎創意科技發明會喺10月22至30日登陸科學園,想知呢啲作品點樣利用創新科技解決市民遇到的生活難題,到時唔單止有得睇,仲有得試玩,影相打卡。接受小挑戰後仲可以贏走限定獎品。

今次展覽由創新科技署主辦,總共展出25個得獎創科方案原型,分佈喺餐廳、學校、老人院、超市等模擬生活場景,畀大家邊試玩邊打卡,順便認識香港創科文化同埋未來科技趨勢。 下文將同大家介紹一系列好值得試玩同打卡嘅作品,仲有介紹科學園有咩重點必玩!

科技迷必去 親身免費體驗創意新科技

好玩位 1
incrEDIBLE! 可食用餐具

雖然現場只有一套展品眼看口勿動,但因為造型得意又有話題性,所以好值得打卡影相,一定吸引到唔少心心眼。可食用餐具百分百可生物降解,同時有唔同口味,避免製造更多難以分解嘅塑膠廢物,同埋微塑膠攝入。

科技迷必去 親身免費體驗創意新科技 incrEDIBLE! 可食用餐具,造型可愛又有多款口味,最重要是可生物降解。
由Planeteers HK研發的incrEDIBLE! 可食用餐具,造型可愛又有多款口味,最重要是可生物降解。

好玩位 2
MahjongMate智能牌

每隻牌都可以連接Wifi同手機應用程式,小屏幕會顯示文字、符號及圖案。牌嘅位置可隨意調動或反轉,亦可透過Wifi連結兩副牌,同遠方親友進行實時對決,增加趣味性。

科技迷必去 親身免費體驗創意新科技 incrEDIBLE! 可食用餐具,造型可愛又有多款口味,最重要是可生物降解。
由Monde Tech 研發的MahjongMate智能牌暫時只有簡化版,既可以幫用家同遠方親友透過打牌交流,同時又可訓練腦筋保持靈活。

好玩位 3
Eatchy快過期食品配對平台

B2C(企業對消費者)平台,以優惠折扣畀有心支持惜食文化嘅消費者,選購快將到期食品,既可替其節省高達6成膳食開支,同時亦幫到餐廳超市等食品供應商,減少因剩食或快將過期食材造成嘅成本損失,達至三贏局面。如果將來推出,相信會有唔少用家。

科技迷必去 親身免費體驗創意新科技 incrEDIBLE! 可食用餐具,造型可愛又有多款口味,最重要是可生物降解。
Eatchy是一個針對消費者(B2C)嘅食物用戶平台,幫企業、消費者同社會,實現三贏解決方案。

當參觀體驗過一系列得獎創科作後,記得順便玩埋同場加映嘅【設計思維挑戰】遊戲呀!

參加方法:

  1. 於接待處索取遊戲卡
  2. 參觀一個創新方案可獲得印章一個
  3. 集齊五個印章即可挑戰一次;憑十個印章可挑戰兩次,如此類推
  4. 每次挑戰限時20秒
  5. 於限時內沒有發出嗡嗡聲成功挑戰,即可獲得禮物一份 (數量有限,送完即止)
科技迷必去 親身免費體驗創意新科技 參加者只要喺限時成功挑戰,即可獲得獎品「城市創科大挑戰限定扭計骰匙扣」一個,以後隨時隨地想玩就玩。
參加者只要喺限時成功挑戰,即可獲得獎品「城市創科大挑戰限定扭計骰匙扣」一個,以後隨時隨地想玩就玩。

玩完【城市創科大挑戰】創意展同【設計思維挑戰】遊戲後,嚟一個華麗轉身走到旁邊(10W 附近) 嘅【創新科技嘉年華 2022】,嚟到五感科技體驗館大玩超過20項感官互動遊戲,體驗高科技為感官帶來嘅無盡趣味。

無論係咪科技迷,都一定會迷上今次創意展帶嚟嘅一眾創意科技!快啲約埋成班志同道合,鍾情創科好物嘅朋友仔去盡情探索啦!

以下係活動詳情:

【城市創科大挑戰】創意展

日期:2022年10月22至30日
時間:
-星期一至五──早上10時至下午5時
-周六及周日──早上10時至下午6時
地點:香港科學園方院 (金蛋下方大型帳幕)

費用:全免
了解更多:www.citytechgc.hk/zh-Hant

科技迷必去 親身免費體驗創意新科技

(Presented by ITC & HKSTP)

關鍵詞
科學園