炸彈人旋轉炮台滿地炸彈！【將軍澳有乜玩】

Jun 19 2015

正所謂爆炸好麻煩，爆炸好麻煩，滿地炸彈！今個夏天，大家就可以感受吓被炸中嘅感覺喇，因為MCP新都城將會同炸彈人合作，推出全港首個【MCP新都城 VS Bomberman】決戰炸彈人夢工場，喺8月23日舉行<爆FUN大激鬥>，等大家可以齊齊決戰炸彈人！

呢款來自美國嘅充氣障礙賽遊戲，配合炸彈人經典遊戲玩法，參加者可以效過騰空跳躍、俯身彎腰等動作，喺擂台上嘅指定位置，避開旋轉炮台，實在好考參賽者嘅體力同平衡力。如果咁不幸被炮台擊中，參加者都可以化身成為「復仇炸彈人」，用炸彈及唔同嘅道具，攻擊擂台上其他參賽者，增加避開炮台嘅難度！

大家唔好以為逃得過大會嘅法眼，出貓避開炮台，因為大會都訂咗4大規則，犯咗規就會出局架喇！

參賽者係唔可以攬住旋轉炮台唔放手架，因為到最後都係會同炮台一齊轉，轉到你暈！

參賽者係必須留喺自己所屬嘅位置閃避，如果跟住炮台一齊跑，萬一炮台一轉方向，一樣都係會被打低。

如果你以為留喺所屬位置郁都唔郁就得，咁你就錯喇，因為咁樣只會令你喺不知不覺間被出局！

每個參賽者都要留喺所屬位置上，以為離開是為了回來？Sorry，已經太遲喇，一離開，就冇得再回來架喇！

今日，黑寶同白寶兩位炸彈人試玩之後，同我哋講，要成功避開旋轉炮台，最緊要就係眼觀六路，耳聽八方！因為炮台會隨時無定向改變方向，你以為避過咗？佢又會突然偷襲你！

避炮台嘅時侯，又要同時避開「復仇炸彈人」，留意住佢哋嘅動作，仲難過玩閃避球呀！

不過要留意嘅係，充氣旋轉炮台要到比賽當日先會再現身於MCP新都城，參賽者可以話係一嚟就要正式比賽，冇機會賽前練習。雖然要到8月23日先至正式比賽，但係喺7月13日開始，商場內會設有另外4款炸彈人遊戲，只要喺商場消費又或者上MCP嘅Facebook專頁就可以換領遊戲卡，同炸彈人互動玩遊戲架喇！

想參加<爆FUN大激鬥>，同炸彈人決一高下？只要你年滿16歲，身高140cm或以上，就可以喺7月13日至31日期間，登入MCP新都城中心嘅Facebook專頁報名，組成2至4人嘅隊伍參賽，爭奪現金獎1000蚊！

比賽日期：8月23日
報名日期：7月13日至7月31日
報名方法：登入MCP新都城Facebook專頁瀏覽比賽及參加詳情
查詢電話：31943200

出街搵食