東岸公園
東岸公園

炮台山東岸公園主題區 佔地10萬呎!海濱長廊+360度海景防波堤+草地休憩亭

香港好去處

廣告

東岸公園主題區(第一期)於去年九月正式開放,面積約9,800平方米,即逾10萬呎,擁360米長的打卡海濱長廊,以及維港第一條向公眾開放的防波堤,在防波堤末端可近乎360度飽覽維港景色,絕對係親子郊遊/拍拖聖地,兼靚靚打卡好去處!

炮台山東岸公園主題區 佔地10萬呎!
360米打卡海濱長廊+360度海景開放式防波堤

「東岸公園主題區(第一期)」佔地逾10萬呎,主題區的入口位於中環灣仔繞道行車天橋下,建築師以「窗戶」為設計概念,把大小不一的窗框融入欄杆、戶外裝置及矮壆的設計,遊人所見的景色仿似是從一扇窗向外望,只要俾啲心思,可以發現呢度有唔少打卡靚位,大家都可以影出活力感十足嘅靚相啦!

炮台山東岸公園正式開幕 佔地10萬呎
炮台山東岸公園去年九月起啟用,佔地10萬呎。(圖片來源:政府新聞處)

3大必影打卡位

1.七彩運動場

東岸公園 顏色鮮艷,似運動場般有活力。
顏色鮮艷,似運動場般有活力。(圖片來源:政府新聞處)
東岸公園 在東岸公園可以影出唔少靚相。
在東岸公園可以影出唔少靚相。(圖片來源:IG@kamingho0409)
東岸公園 影出嚟好色彩繽紛!
影出嚟好色彩繽紛!(圖片來源:IG@kamingho0409)

主題區內提供草地、座椅、遮陽設施等,供市民使用,既可以散散心,仲可以約埋屋企人或者朋友一齊Chill!主題區同時亦係寵物友善場地,非常歡迎市民帶同繫上牽繩的毛孩到訪,一齊放放電,每逢假日都有好多人帶埋毛孩嚟玩!

2.大草地放電空間

東岸公園 鋪上了假草地
鋪上了假草地,好似去咗郊外一樣。(圖片來源:政府新聞處)
東岸公園 休憩空間頗多
休憩空間頗多,市民可隨意使用。(圖片來源:政府新聞處)

除此之外,場內的顏色配搭鮮豔,睇落活力非常。當中最大亮點當然係設有第一條於維港內正式向公眾開放的防波堤,防波堤長約100米,讓市民可以從維港內海,以不一樣的角度欣賞香港迷人的海岸線,站在防波堤末端可近乎360度飽覽維港景色,上面的中環灣仔繞道東面排風口為配合海濱景緻而特別設計,更曾經於外觀設計比賽獲獎!日落時間更可以睇到橘紅色彩霞同鹹蛋黃,打卡特別好Feel!

東岸公園 休憩亭,睇日落一流
休憩亭,睇日落一流!(圖片來源:政府新聞處)

3. 360度靚景防坡堤

東岸公園 維港首個開放式防波堤,在末端可飽覽360度海景
維港首個開放式防波堤,在末端可飽覽360度海景!(圖片來源:政府新聞處)

除此之外,場內仲有其他特色打卡位,就如發展局和海濱事務委員會於2020年舉辦「維多利亞港」字型藝術裝置設計比賽,當中由黃鋈暉和林熹敏設計的優勝作品「香港之光」於公園中展出,供市民前來欣賞,到了晚上裝置更會發光,五光十色的字體非常有特色!

東岸公園 打卡藝術燈牌
打卡藝術燈牌都係唔少人會影的打卡位。(圖片來源:政府新聞處)
東岸公園 運用「窗」的概念可影出意想不到的效果,十分之靚!
運用「窗」的概念可影出意想不到的效果,十分之靚!(圖片來源:IG@kamingho0409)
東岸公園 打卡藝術燈牌
打卡藝術燈牌係夜晚會發光,影出不一樣的感覺!(圖片來源:政府新聞處)

東岸公園主題區(第一期)

東岸公園
(圖片來源:政府新聞處)

地址:炮台山屈臣道以西(顯示地圖
開放時間:24小時
前往方法:從炮台山港鐵站經油街轉入電器道,至屈臣道街尾即可到達,步程只需約七分鐘

炮台山東岸公園主題區在哪裡?

在炮台山屈臣道以西,從炮台山港鐵站經油街轉入電器道,至屈臣道街尾即可到達,步程只需約七分鐘!

炮台山東岸公園有何特點?

東峰公園面積約9,800平方米,即逾10萬呎,擁360米長的打卡海濱長廊,以及維港第一條向公眾開放的防波堤,在防波堤末端可近乎360度飽覽維港景色!

圖片來源:政府新聞處、Google MapIG、@kamingho0409