海港城聖誕燈飾
海港城聖誕燈飾

海港城聖誕燈飾亮燈!聖誕客運站登陸尖沙咀 必影7米高曲奇企鵝+星光隧道 現場率先睇!

香港好去處

廣告

海港城聖誕燈飾|仲有唔夠1個月就到聖誕節,每年聖誕都有唔少商場悉心佈置,令市民感受到濃濃嘅節日氣氛之餘,仲多咗啲打卡好去處。而尖沙咀嘅海港城一向都係熱門打卡嘅地點,今年海港城海運大廈露天廣場將回復以往作風,展岀大型又新穎嘅聖誕裝置,記者同大家率先睇!

撰文:Heidi.M | 攝影:Day

海港城聖誕燈飾
露天廣場化身成「聖誕曲奇客運站」

今年海港城的聖誕裝置以「Christmas Terminal」為主題 :「主角曲奇企鵝啓程出發,但唔小心弄翻行李箱,聖誕曲奇散落一地,需請其他旅客幫忙。」記者到訪時雖然未入夜,未算太清楚看到所以戶外裝置的燈,但都已經感受到濃濃嘅聖誕氣氛。

咁多塊唔同動物造型嘅聖誕曲奇,塊塊都咁得意,可以話係打卡位處處。(圖片來源:新假期編輯部)
咁多塊唔同動物造型嘅聖誕曲奇,塊塊都咁得意,可以話係打卡位處處。(圖片來源:新假期編輯部)
塊塊曲奇佈置同人一樣高,好有存在感(圖片來源:新假期編輯部)
塊塊曲奇佈置同人一樣高,一定要影啦!(圖片來源:新假期編輯部)
哩隻就係主角曲奇企鵝哥哥(圖片來源:新假期編輯部)
呢隻就係主角曲奇企鵝哥哥,好巨型呀~(圖片來源:新假期編輯部)

打卡位延伸至近天星碼頭

海運大廈正門戶外聖誕裝置回復以往規模,延伸至近天星碼頭,並會靠向海邊以預留出入通道。佈置會以欣賞和拍照為主,以減少觸碰的機會,又會加入手機程式有獎遊戲,及於指定時間安排專業攝影師,增加互動元素,提升活動體驗。

玩聖誕曲奇手機app,喺40個地方掃QR code就有機會贏大獎(圖片來源:新假期編輯部)
玩聖誕曲奇手機app,喺40個地方掃QR code就有機會贏獎品(圖片來源:新假期編輯部)
熱門打卡樓梯,周圍都係LED燈閃下閃下(圖片來源:新假期編輯部)
熱門打卡樓梯,每年都會有唔少人喺度打卡,今年都放滿LED燈閃下閃下,好靚呀~(圖片來源:新假期編輯部)
「行李運輸帶」星光隧道(圖片來源:新假期編輯部)
「行李運輸帶」星光隧道(圖片來源:新假期編輯部)
到底要點樣影先可以一次過影哂成個樓梯位,真係要度度個鏡頭。(圖片來源:新假期編輯部)
記者心聲:「到底要點樣影先可以一次過影哂成個樓梯位呢?」(圖片來源:新假期編輯部)

首次邀請市民現場參加慈善聖誕亮燈 為「香港血癌基金」籌款

海港城將於11月18日再次舉辦聖誕亮燈,同時為第20年嘅慈善籌款活動揭開序幕,並首次邀請市民現場參加,活動更會同步於海港城官方社交平台直播,讓全港市民線上線下一同參與。

哩個慈善攝影區內,買張即影即有就可以做到捐款㗎啦!(圖片來源:新假期編輯部)
呢個慈善攝影區內,買張即影即有就可以做到捐款㗎啦!(圖片來源:新假期編輯部)
打卡、玩遊戲仲可以做慈善,估唔到睇聖誕佈置都可以咁有意義!(圖片來源:新假期編輯部)
打卡、玩遊戲仲可以做慈善,估唔到睇聖誕佈置都可以咁有意義!(圖片來源:新假期編輯部)
最後又點少得同聖誕老人一齊合照!呵呵呵!(圖片來源:新假期編輯部)
最後又點少得同聖誕老人一齊合照!呵呵呵!(圖片來源:新假期編輯部)

海港城Christmas Terminal聖誕客運站

日期: 2021年11月19日至2022年1月2日
時間:上午10時至晚上10時
地點:海港城海運大廈露天廣場 (顯示地圖)

常見問題

問:活動地點在哪舉行?

答:海港城海運大廈露天廣場

問:活動開放時間是?

答:上午10時至晚上10時

活動地點在哪舉行?

海港城海運大廈露天廣場

活動開放時間是?

上午10時至晚上10時

圖片來源: