海洋公園
海洋公園

海洋公園全場Free WiFi! 追加《食得的大富翁》

香港好去處

廣告

無論去邊到,好多人第一句通常都係問「有無WiFi」,現時海洋公園園內已經有400個WiFi熱點,去到就可以邊行邊玩,而海洋公園更將佢哋嘅流動應用程式升級,不但有實時導覽,連下載都有唔同優惠!

升級版流動應用程式

之前去海洋公園,想知道唔同動物嘅特色,只可以靠園入面嘅展板。現在用自己嘅電話都可以睇到啦!只要下載海洋公園嘅應用程式,連接埋園內嘅Wi-Fi,喺部分展館就可以用程式內嘅「實時導覽」功能,邊行邊睇,夠晒方便!
而下載海洋公園嘅app仲有好多優惠,程式嘅「預約通行證」不但可以幫你安排最佳遊玩時段及行程,開埋定位功能仲可以隨時收到鄰近嘅店鋪同餐廳嘅電子優惠券、推廣訊息等,。而喺3月19日至4月17日期間,只要於售票處出示番手機已經下載咗海洋公園嘅應用程式,更可享入場門票85折優惠!

「實時導覽」功能適用於【海洋奇觀】、【亞洲動物天地】、【四川奇珍館】、【尋鯊探秘】、【海洋哺乳動物繁殖及研究中心】及【中華鱘館——長江足跡】動物展館。

海洋公園嘅app可以幫你安排行程,節省排隊嘅輪候時間。

下載海洋公園嘅app會不時收到店鋪同餐廳嘅電子優惠券同推廣訊息。

動物大富翁

於3月19日至4月17日,海洋公園會同大富翁合作,於園內不同嘅動物展館設置大型動物大富翁展版,介紹相關動物大使,有得睇又有得玩,而園內餐廳仲會有以大富翁為主題的餐飲美食,夠晒得意!

同相同顏色的大富翁展板合照,再集齊一套,更有機會贏取獎品,包括大富翁遊戲及海洋公園門票等。

活動期間仲有大人細路都鍾意嘅大富翁主題食物。

海洋公園保育日

海洋公園一年一度嘅保育日將於3月19及20日舉行,今年活動以「生物多樣性」為主題,當中會有【自然大揭秘】的免費導賞團,可以近距離觀察及認識極度瀕危的靛冠噪鶥,以及園內的野鳥和樹木。

海洋公園會將保育日首日的入場門票之全數收入撥捐給保育基金。

 
海洋公園
網站:http://www.oceanpark.com.hk/tc
查詢:3923 2323
延伸閱讀:
地道小食新口味! 鳳梨酥潛入雞蛋仔|旺角有咩好食|
唔係呱?!?! 《真 ‧ 三國無雙》拍真人電影版?