熊本熊Kumamon Run 2024｜4.14科學園開跑活動詳情/優惠/報名率先睇

Mar 6 2024

熊本熊Kumamon Run 2024｜人氣高企的熊本熊部長回來啦！Kumamon Run 2024 HK 將於 2024年4月14日（星期日）在沙田科學園舉行，想知道點樣報名，有咩優惠，就要繼續睇落去啦！

熊本熊Kumamon Run 2024｜4.14科學園開跑活動詳情/優惠/報名率先睇

Kumamon Run 2024 HK 賽事分為競賽類別的 8km組別、體驗為主的3km組別和休閒親子樂為主的1km。組別各設有個人組，而 3km 及 1km 組別更分別設有孖住跑雙人組以及親子組。活動當然少不了一套以 Kumamon 為主題設計的選手包，當中包括活動 T-shirt、毛巾、索繩袋、號碼布等等，完成賽事更有機會獲得完賽獎牌及電子證書！

距離	組別及獎項	報名費	預計起跑時間
8KM	個人組設男、女子組冠亞季軍及電子證書	個人組 HK$398	8:30am
3KM	個人組、孖住組及親子組不設獎項及電子證書	個人組 HK$398、孖住組及親子組 HK$788	10:15am
1KM	個人組、孖住組及親子組不設獎項及電子證書	個人組 HK$398、孖住組及親子組 HK$788	11:00am

活動日除了路跑比賽之外，熊本熊亦會親臨現場與大家見面，為大家落力表演。大會更安排了一連串活動、熊本熊打卡位及 Pop up store 發售 Kumamon 限量產品。

熊本熊Kumamon Run 2024｜優惠

由即日起至3月12日，報名人士可享有早鳥報名優惠（個人組 HK$398 、孖住 2 人組HK$788 及親子組HK$788），更可獲得早鳥限量禮品Kumamon Run 限定掛繩環保咖啡杯一隻，數量有限，先到先得。除了早鳥優惠之外，大會更設計了活動特別版運動 Tee 供參加者選購，活動特別版運動 Tee 選用透氣運動輕巧物料，方便大家往後可以穿上繼續跑步！活動名額有限，先到先得，粉絲不要錯過！