沙田馬場全新玩樂景點「天馬驛」+食、買、玩、打卡全攻略+拍拖/朋友聚會玩足一日

Dec 24 2025

聖誕同新年假期諗緊同另一半或者成班朋友去邊度玩？想搵個地方可以食嘢、打卡、又有嘢玩，亦有限量版精品買，一次過滿足晒所有願望？咁就唔可以錯過沙田馬場全新開幕嘅「天馬驛」喇！呢個四層高嘅創新數碼賽馬地標，集齊體育、娛樂同餐飲元素，完全顛覆你對馬場嘅想像。無論你係咪馬迷，呢度都有大量數碼互動遊戲同打卡位，加上多元化美食，絕對係情侶拍拖、朋友聚會嘅放假好去處，保證大家可以玩足一日！

大玩解謎遊戲化身騎師投入虛擬賽馬世界

「天馬驛」將刺激嘅賽馬運動同數碼科技結合，由踏入去嗰刻已經充滿驚喜。嚟到4M樓，可以挑戰「傳承解馬」互動解謎遊戲。限時之内需要穿梭六大主題區，解開一系列同賽馬有關嘅謎題，從中認識香港賽馬嘅歷史同傳奇故事。成功闖關之後，就可以進入「天馬次元」，利用延展實境（XR）技術，化身騎師策騎香港經典賽駒，喺虛擬世界入面馳騁，仲可以錄低你嘅英姿分享到社交平台，體驗做騎師嘅滋味！記得「傳承解馬」要預先上網預約名額㗎！

沉浸式打卡！AI互動攝影站、仿真機械馬

成個「天馬驛」同埋連接住嘅交匯大樓「連薈」都係打卡熱點！喺「天馬驛」3M樓嘅「天馬光影」區域，設有人工智能攝影站，可以自拍以賽馬為主題嘅型格靚相，即時同朋友分享。而喺「連薈」更加有多個打卡位，包括二樓嘅互動式「傳奇馬廊」，用3D數碼技術還原六匹經典賽駒，包括馬王「金鎗六十」；四樓仲有全港首匹實物大小嘅仿真機械馬，佢識眨眼、搖頭擺尾，栩栩如生，絕對係必影位！

歎住美食睇實時賽事！3樓Fudo Town美食廣場

除咗打卡及數碼遊戲，絕對要到「天馬驛」三樓嘅Fudo Town美食廣場，呢到氣氛輕鬆，最啱一大班朋友聚腳。場內有齊五大特色美食區，包括拉麵、飲勝、飯、洋食同甜品，提供多元化嘅亞洲美食選擇，大家可以透過QR code自助點餐，非常方便，而且份量十足，啱晒同朋友一齊分享。呢到仲有好多特色嘅甜品及蛋糕，最受歡迎嘅黑芝麻戚風蛋糕卷，入口充滿芝麻香味！芝麻控必試！

另一個不得不提嘅特別位就係，同層設有全港首個1:1馬匹大小嘅「數碼亮相圈」，以震撼視覺效果展示實時賽事資訊同電腦合成馬匹，畀你近距離感受賽馬魅力之餘，又可以同朋友一邊醫肚一邊交流。無論係想食碗熱辣辣嘅拉麵，定係精緻嘅丼飯，Fudo Town都能滿足你嘅味蕾。

另外，Fudo Town更全新推出精選套餐套票，一個價錢包你入場、節日限定精選三道菜套餐一份、更可以優先揀選指定席座位！啱晒有選擇困難症嘅你！

天馬驛 Fudo Town 精選套餐套票

優惠價HK$230
預定套餐套票：https://bit.ly/3LcoiHL

居酒屋雅座睇靚景！4樓Izakaya飽覽終點線

如果想享受更雅緻嘅餐飲體驗，可以到4樓嘅Izakaya餐廳。餐廳營造出舒適嘅落座就餐環境，提供精緻嘅套餐或單點菜式，例如油甘魚鮫、香烤南非和牛西冷、炙燒米薄餅等，延續馬會一貫嘅優質餐飲服務。餐廳最特別之處仲連接住「天馬雲台」，位置正對最後衝線直路，係觀賞緊張刺激賽事嘅最佳位置。喺觀賽之餘，大家更可欣賞到由馬會釘甲匠親自設計及親手鑄造嘅馬蹄鐵藝術作品，為整個體驗增添特色。