沙田燈飾｜城門河驚現聖誕版幻愛橋！隧道長廊佈滿變色聖誕燈海 打造夢幻浪漫打卡位
廣告
聖誕燈飾2021｜仲有大約兩個禮拜就到聖誕節，多個地區同商場已經陸續亮起聖誕燈飾，其中沙田超浪漫嘅聖誕燈飾亦都隆重登場，整片紫色燈海打造出夢幻嘅路徑長廊，絕對係今年聖誕必到嘅打卡地點！
撰文：Heidi.M | 圖片來源：FB@Dicky Ng、FB@Tommy Tang、FB@Joey Ng
沙田燈飾｜城門河驚現聖誕版幻愛橋！
每年聖誕期間，相信全港18區主要道路都會裝設璀璨奪目嘅燈飾，以增添節日氣氛。最近有市民喺Facebook「香港風景攝影會」、「沙田之友」群組分享，沙田城門河畔嘅超浪漫聖誕燈飾登場。從相中可見，無論早上定夜晚影，佈滿全條長廊嘅燈飾海，拍攝岀嚟嘅照片都各具特色！
晚上燈海會隨機轉色
有攝影會嘅會友建議，如果夜晚去影，可能要畀啲耐性，因為燈海會隨機轉色例如：藍色、紫色、粉紅色，猶如置身時光隧道，另外配合日落更顯唯美！
燈飾早前仍在進行燈光測試 市民記密切關注
根據市民（相片提供者）表示，該燈飾早前仍在進行燈光測試，目前仍未正式亮燈，如果有興趣前往嘅市民記得要密切關注喇！
沙田聖誕燈飾
地址：沙田城門河畔（顯示地圖）
前往方法：由車公廟港鐵站步行約5分鐘，沙田港鐵站步行約7分鐘。
問題
問：長廊燈飾位於那裡？
答：沙田城門河畔
問：如何前往？
答：由車公廟港鐵站步行約5分鐘或於沙田港鐵站步行約7分鐘。
長廊燈飾位於那裡？
沙田城門河畔
如何前往？
由車公廟港鐵站步行約5分鐘或於沙田港鐵站步行約7分鐘。
