【水上活動推介】Aqua Go! 兩大夏日水上活動挑戰賽逐個睇！自行組隊參賽+考驗團體精神
戶外活動Get ready! 打造最強水上活動基地
本身鍾意水上活動嘅朋友有福啦！青協致力打造香港最全面及齊全嘅水上活動基地，近年舉辦咗唔少水上運動比賽，包括有獨木舟比賽、龍舟拔河比賽以及立划板水球比賽等，陸續推出更多精彩活動，無論你想參加休閒體驗定專業比賽，都一一滿足到，成為大家心目中熱門戶外活動好去處！
（圖片來源：香港青年協會 ）
活動精華｜Aqua Go! 獨木舟挑戰賽2025 完滿結束！
即刻為大家直擊新鮮滾熱辣嘅第一手資訊先！青協Aqua Go! Water Sports Gala獨木舟挑戰賽2025 已經於7月27日完滿結束！當日除舉行咗10公里及21公里個人賽外，仲有10公里屬會邀請賽，每位參賽者都拼勁十足！
當日比賽十分激烈，每位參加者都用盡100%嘅努力及體力完成賽事，各參賽者由大美督出發，橫跨吐露港再到達馬鞍山！喺炎熱嘅天氣之下，大家都努力划向終點，熱血氣氛滿滿；而得獎名單亦都出爐啦！恭喜以下嘅得獎者：
按此查看得獎名單
同時，活動亦獲多位有份量嘉賓到場打氣和鳴鞍起步，包括︰康樂及文化事務署副署長徐曉露、民政事務總署大埔民政事務專員陳巧敏、大埔區議會社區參與及文化康樂委員會主席陳灶良議員、中國香港獨木舟總會主席羅浩然，以及香港青年協會總幹事徐小曼。
WAVE TO LIMITS ! 划越界限
香港青年協會總幹事徐小曼表示，青協一直致力推廣水上運動，希望讓每位青年都能夠感受運動對身心所帶來的好處和樂趣。同時宣布香港青年協會大美督戶外活動中心即將於2026年底重建，為青年提供更多高質素的住宿、餐飲及水上活動選擇，拓展大美督在單車與燒烤以外的體驗。
香港青年協會督導主任翁艷夢表示，本港擁有風景優美的海岸，水資源相當豐富，營地不單為大眾提供多處休閒及訓練設施，亦結合可持續發展教育元素，舉辦龍舟海洋導賞、紅樹林生態導師培訓等，在鼓勵參與水上運動的同時，提倡自然保育的重要性。
8月活動預告｜立即參加！Aqua Go！立划板水球賽2025
熱愛運動嘅你，係咪都心動想一齊參加比賽呢？嚟緊8月，香港青年協會與中國香港獨木舟總會合辦首個獲專業認証的立划板水球比賽，即刻睇下點樣先參加到比賽啦：
只要你持有中國香港獨木舟總會立划板水球二段章證書或以上嘅資歷，就滿足到參加資格喇！今次比賽賽制將會分為4 VS 4， 每隊成員一共6位，當中包括4名正選及2名替換；考驗各位嘅團隊精神及策略技巧，順便測試大家多方面嘅應對技巧㗎！
如果未有證書資歷又想參加比賽? 冇問題！中心一樣有開辦證書班，想試玩下立划板水球就立即聯絡我地報名啦！
青協Aqua Go！立划板水球賽2025
比賽日期：2025年8月24日（星期日）
比賽時間：上午9時至下午4時
按此報名參加比賽
按此報名參加證書班
10月活動預告｜青協盃帆船賽
青協將集合各支帆船強隊，於赤柱舉辦「青協盃帆船賽2025」，同場設有各樣水上活動供大眾體驗。
好動水上活動節 – 透過公眾預先登記大眾可參與當日的水上活動體驗。
陸上體驗活動-大眾可即場參與當日的陸上體驗活動。
青協盃帆船賽暨好動水上活動節2025
活動日期：2025年10月4及5日（星期六及日）
