日新神獸傳
日新神獸傳

銅鑼灣「日新神獸傳」arhoTV新春限定店開幕 現場直擊！盤點場內8大必買攤檔

香港好去處
新假期

廣告

日新神獸傳｜arhoTV又有新市集喇！繼之前喺K11舉行嘅「日新百鬼城」後，今次喺銅鑼灣舉行「日新神獸傳」新春限定店，場內有大量本地手作攤檔及插畫家，即睇睇現場情況！

銅鑼灣「日新神獸傳」期間限定店開幕
超過30位本地小店盤點場內8大必買攤檔

人氣YouTuber arhoTV嘅Sunny同Creamy新春Popup Store 活動，選址就揀咗喺銅鑼灣近萬呎嘅AMAZ By Lokiann藝術玩具展覽店。是次主題以中國傳統四聖獸作為主題，創作出「日新神獸傳」，再配合Cute版畫風。記者問到Sunny 同Creamy 由參與者身份變成統籌人，佢哋都異口同聲話唔容易，有好多嘢都唔知，更加喺佢哋嘅第一次，但感恩身邊嘅好友同本地手作人同插畫家都積極參與，互相幫助，令活動順利舉行。難怪活動第一日開幕，就已經出現人龍等入場！

係咪估唔到去Popup Store 都要排隊呢？（圖片來源：新假期編輯部）
係咪估唔到去Popup Store 都要排隊呢？（圖片來源：新假期編輯部）
Creamy 分享希望透過PopupStore 可以比更多人認識本地手作人同插畫家，甚至乎比支持嘅fans 們見吓創作人真人唔洗成日隔住個mon。（圖片來源：新假期編輯部）
Creamy 分享希望透過Popup Store 可以令更多人認識本地手作家及插畫家，甚至畀支持嘅fans們見吓創作者真人，唔使成日隔住個mon欣賞。（圖片來源：新假期編輯部）
中國傳統四聖獸作為主題，創作出「日新神獸傳」，再配合Cute版畫風。（圖片來源：新假期編輯部）
中國傳統四聖獸作為主題，創作出「日新神獸傳」，再配合Cute版畫風。（圖片來源：新假期編輯部）
全場近萬呎的AMAZ By Lokiann藝術玩具展覽店空間充足，能夠應付到不同人氣插畫家及手作人參加。（圖片來源：新假期編輯部）
現場音樂係由Sunny挑選，輕快嘅音樂旋律，唔知會唔會增加購物慾？（圖片來源：新假期編輯部）

場內有28攤檔，但就有超過28位檔主參加，咁神奇？原因係大會設合租計劃，讓不同的檔主合租一個攤位，呢點對好多小型及初擺市集嘅檔主減輕唔少負擔。

左邊店係Raffle Piik 而右邊係Ready Friends ，兩間都係賣自創插畫產品。（圖片來源：新假期編輯部）
左邊店係Raffle Piik 而右邊係Reddy Friends ，兩間都係賣自創插畫產品。（圖片來源：新假期編輯部）

8大必買攤檔

現場有唔少新年限定貨品，亦有插畫師推出全新系列，同時有幾間由人氣YouTuber 開嘅店舖，記者係意志力薄弱嘅人，當然忍唔到手即場掃貨，但買得多嘅同時亦可以免費換領日新神獸傳場內嘅非賣品，好即刻睇吓推介貨品。

1. arhoTV鬥神獸棋

ArhoTV每年都會岀一副棋，因應「日新神獸傳」嘅主題，今年更以「鬥獸棋」為藍本推出「鬥神獸棋」，精美又cute版嘅設計令傳統鬥獸棋以新穎形式重現，將經典同潮流重現於眼前，想試吓玩嗎？

啲棋相當精緻！一副售價6。（圖片來源：新假期編輯部）
啲棋相當精緻！一副售價$216。（圖片來源：新假期編輯部）

2. 大打邊爐卡牌遊戲

本土首創打邊爐為題嘅卡牌遊戲，新年無得去拜年，一家人玩卡牌遊戲培養下感情都唔錯，加上卡牌玩味濃烈，角色牌同攻擊牌嘅用字，別有用心，同時希望大家記得廣東話嘅地道用詞！

卡牌上嘅字你又識唔識讀呢？依家仲有場地優惠9就買到返屋企。（圖片來源：新假期編輯部）
卡牌上嘅字你又識唔識讀呢？現場仲有優惠$329就買到返屋企。（圖片來源：新假期編輯部）
大家都好到㷫烚烚，好似真係打邊爐咁！（圖片來源：新假期編輯部）
大家都玩到㷫烚烚，好似真係打邊爐咁！（圖片來源：新假期編輯部）

3.Penso藝術感魚蝦蟹

有人話新年離唔開賭博，所以本地插畫及漫畫家Pen So就推出咗另一款既另類又富有藝術感嘅魚蝦蟹。記者自問買咗返去未必捨得用嚟玩，分分鐘只會當作品欣賞。

價錢：8（一紙、兩揮春、三骰子）（圖片來源：新假期編輯部）
價錢：$138（一紙、兩揮春、三骰子）（圖片來源：新假期編輯部）
除咗藝術感重嘅魚蝦蟹，Pen So最近仲岀新書，好多fans都已經預訂咗，現場同樣有售。溫提:記得問畫家攞簽名呀！（圖片來源：新假期編輯部）
除咗藝術感重嘅魚蝦蟹，Pen So最近仲岀新書，好多fans都已經預訂咗，現場同樣有售。溫提:記得問畫家攞簽名呀！（圖片來源：新假期編輯部）

4.好青年荼毒室

熱愛討論關於哲學命題嘅好青年荼毒室絕對是今次期間限定店嘅重心推介，佢哋除咗會售賣舊產品之外，更會帶來兩款全新產品，叫一眾觀眾都十分期待。

帶來兩款全新產品，叫一眾觀眾都十分期待。（圖片來源：新假期編輯部）
帶來兩款全新產品，叫一眾觀眾都十分期待。（圖片來源：新假期編輯部）
呢副啤牌見到就已經好想買！張張搞鬼嘅設計，未玩都睇到笑。（圖片來源：新假期編輯部）
呢副啤牌見到就已經好想買！張張搞鬼嘅設計，未玩都睇到笑。每副售$150。（圖片來源：新假期編輯部）
惡搞貼紙一張，一套0。（圖片來源：新假期編輯部）
惡搞貼紙一張$60，一套$100。（圖片來源：新假期編輯部）

5.老娘御製所

呢隻表情豐富動作多多嘅招財貓，係本地插畫家Maggie Chan 嘅作品。

呢度有明信片、貼紙、襟章、揮春，真係睇到花多眼亂。（圖片來源：新假期編輯部）
呢度有明信片、貼紙、襟章、揮春，真係睇到花多眼亂。（圖片來源：新假期編輯部）
呢張揮春應該講岀唔少人嘅心聲。（圖片來源：新假期編輯部）
呢張揮春應該講岀唔少人嘅心聲。（圖片來源：新假期編輯部）

6.小店波

於2020年5月12日創立。起初係與唔同嘅本地插畫師聯乘推出作品，直至2021年正式有自家作品及網店平台，希望繼續推動本地創作。今日仲見到Leo喺度添！

Leo 今次帶咗摩波神石到現場，T-shirt有佢，單頭產品都有佢。（圖片來源：新假期編輯部）
Leo 今次帶咗摩波神石到現場，T-shirt有佢，單頭產品都有佢。（圖片來源：新假期編輯部）
摩石嘅力量希望祝願每位在石頭下平安。（圖片來源：新假期編輯部）
摩石嘅力量希望祝願每位在石頭下平安。（圖片來源：新假期編輯部）

7.Heart Blush

少女系列嘅代表非佢莫屬，6隻角色有樹熊、兔仔、熊仔，全部都好kawaii，仲好有治癒感。

（圖片來源：新假期編輯部）
店主話公仔係最受歡迎嘅貨品，而且數量有限賣完即止。（圖片來源：新假期編輯部）
（圖片來源：新假期編輯部）
新年特別版。（圖片來源：新假期編輯部）

8.何歷kawaii產品

香港動畫師何歷唔單止為是次活動設計動畫，而且仲有自家攤檔擺賣設計產品。

（圖片來源：新假期編輯部）
是次活動「日新神獸傳」設計動畫。（圖片來源：新假期編輯部）
（圖片來源：）
自家攤檔擺賣設計產品。（圖片來源：新假期編輯部）

儲印仔換場地限定非賣品

現場設有印花卡活動，場內有3大check points ，然後每一個檔攤都有一個印，只要於場內光顧一間店舖，店主則會為你蓋印，儲夠4個印就可以換會場限定禮物。

（圖片來源：新假期編輯部）
印花卡。（圖片來源：新假期編輯部）
（圖片來源：新假期編輯部）
免費換領日新神獸傳場內嘅非賣品縫章。（圖片來源：新假期編輯部）

【溫馨提示】是次因為防疫關係，期間限定店都會限制人流，而且客人都會需要經由網上登記才能夠進入會場內。

《日新神獸傳》新春 Pop Up Store

登記網站：arhosunny.com
地址：銅鑼灣京士頓街2-4號地庫
日期 : 2022年1月26-31日 (共6天)
開放時間：時間 : 1pm-9pm (31/1 1pm-2am)
註：時間如有更改將會盡快確定 請留意story公告

問題:
問:「日新神獸傳」arhoTV新春限定店係邊度？
答：銅鑼灣京士頓街2-4號地庫

問：有無拍拖好去處推介？
答：為大家推介香港13大情侶拍拖好去處！包括鄉村遊、城市影相好去處、寫意的近郊離島遊等，沿路風光明媚，絕美打卡位超多，一於記低佢趁假日來個浪漫二人遊啦：13大情侶拍拖好去處推介

「日新神獸傳」arhoTV新春限定店係邊度？

銅鑼灣京士頓街2-4號地庫

有無拍拖好去處推介？

為大家推介香港13大情侶拍拖好去處！包括鄉村遊、城市影相好去處、寫意的近郊離島遊等，沿路風光明媚，絕美打卡位超多，一於記低佢趁假日來個浪漫二人遊啦：13大情侶拍拖好去處推介

撰文：Heidi.M圖片來源：新假期編輯部

人氣搜尋文章

最Hot飲食情報

廣告
按此打電話