巴士瞓覺團
巴士瞓覺團

本地旅行社推全港首個打卡巴士瞓覺團 全程76公里!最平$99玩一日 包西餐+遊「港版邁亞密」屯門浩和街+機場維修區打卡+迪欣湖 即睇詳情

香港好去處

廣告

不少人搭巴士時都會瞓覺補眠,有時啱啱瞓到最冧的時候要落車,都幾唔過癮㗎!本地旅行社「ulu travel」推出全港首個「巴士瞓覺團」,全長76公里可以坐足6粒鐘,途經兩個打卡點,分別是有「港版邁亞密」之稱的屯門浩和街及睇日落必去的機場維修區,亦有廁所位,唔使擔心瞓到急尿,最平$99就可以坐足全日同打卡,仲包一餐兩道菜西餐,你話過癮唔過癮?

撰文:GW |來源:ulu travel

本地旅行社推全港首個巴士瞓覺打卡團 全程76公里!
最平$99玩足一日 遊「港版邁亞密」+機場維修區打卡

唔係愚人節限定!本地旅行社「ulu travel」推出「全港史上最長巴士線」,圍繞屯門公路和北大嶼山公路兜一圈,途經迪欣湖活動中心、東薈城巴士站、屯門公路、屯赤隧道等,全長76公里,預計行程共需要6小時,平時搭巴士瞓覺補眠補不夠,依家就可以瞓到夠本,旅行社仲聲稱可解決港人失眠問題添!

旅行社推全港首個巴士瞓覺打卡團(圖片來源:ulu travel)
旅行社推全港首個巴士瞓覺打卡團(圖片來源:ulu travel)
全程76公里,有得食又有得打卡,需時6小時!(圖片來源:ulu travel)
全程76公里,有得食又有得打卡,需時6小時!(圖片來源:ulu travel)

另外在出發前仲包一餐「飯氣攻心餐」,於餐廳食完飯再出發,保證你一定有睡意!車上一共分為三大客艙等,分別是上層靜音區「零分貝瞓覺艙 $329」、上層前面位置「VIP全景艙 $399」及下層「任您打卡艙 $299」,而「任您打卡艙」首賣限定優惠最平只需$99、「零分貝瞓覺艙」則為$129。

仲有3種客艙可選擇(圖片來源:ViuTV)
仲有3種客艙可選擇(圖片來源:ViuTV)

除了齋坐同瞓覺以外,路線包括了兩個平時很難去到的景點,分別是有「港版邁亞密」之稱的屯門浩和街及睇日落必去的機場維修區,設有打卡時間,落唔落車影相,抑或喺車休息就自行決定!途中會有多個廁所點,不用擔心無得屙,去完廁所可以上返車。

延伸閱讀:屯赤隧道必去打卡位-浩和街!沿海堤壩成「港版邁亞密」 270度無敵海景看日落

除了齋坐同瞓覺,途中仲有兩個打卡位(圖片來源:ulu travel)
除了齋坐同瞓覺,途中仲有兩個打卡位(圖片來源:ulu travel)
包括有「港版邁亞密」之稱的屯門浩和街(圖片來源:ulu travel)
包括有「港版邁亞密」之稱的屯門浩和街(圖片來源:ulu travel)
超靚景!(圖片來源:ulu travel)
超靚景!(圖片來源:ulu travel)
仲有機場維修區(圖片來源:ulu travel)
仲有機場維修區(圖片來源:ulu travel)

網民就對這個旅行團的評價好壞參半,支持者認為「幾FUN」、「平時搭巴士真係好好瞓」、「$99包一餐又有打卡算係咁」,但亦有人覺得行程無聊「俾呢個價錢點解唔喺屋企瞓?($99-$399)」、「坐到PatPat開花都似⋯⋯」,你哋又會唔會想Join?

旅行團好壞參半(圖片來源:新假期編輯部)
旅行團好壞參半(圖片來源:新假期編輯部)

全港首個巴士瞓覺團

日期:即日起接受預訂
預訂連結:按此