中環街市Marketoo Pop-up Store 4日限定！ 過百本地品牌＋愛神丘比特打卡位＋4 米長心意卡牆

【溫馨提示】由於本港疫情反覆，各位入場前必須探熱體溫、佩戴口罩同清潔雙手。大家遊玩時亦請保持社交距離，出發前先留意主辦單位最新消息。

Marketoo Pop-up Store登陸中環街市
過百本地品牌＋愛神丘比特打卡位

Marketoo首次登陸中環街市，繼續以全本地設計及全本地手作嘅参與品牌作特色，以及6大Pop-up Store活動。情人節主題 Pop-up Store 將於2月12至13及 19至20日連續兩個星期六、日。相信到時一定見到唔少情侶手拖手咁周圍行放閃。

要令戀愛嘅感覺更濃烈，即使單身人士行去入去都有一種被愛嘅感覺！主辦單位聯乘捌月插畫設計poster 同美指等，插畫特別以羅馬神話小愛神丘比特作主題。 相傳丘比特背部有對小翅磅，手執弓箭，射出金箭令人相愛。可愛嘅丘比特非常適合捌月插畫畫風，大家到時攞定手機岀嚟準備打卡啦。

6大 Pop-up Store 活動

1. 愛神丘比特降臨

愛神丘比特祝福，與戀人於由捌月插畫設計嘅擺設拍照必定令戀人們感情更長久永恆。

2.丘比特愛神之箭遊戲攤位

由你化身成小愛神丘比特，運用愛神之箭撮合戀人，用愛神之箭射中戀人嘅心心，即可獲得 A4 Folder。Folder 每日限量 200 個，送完即止！

3.給愛神的話 4 米長心意卡牆

有口難言呢句說話相信大家都聽過，愛呢樣野更加係難以啟齒，所以主辦單位設計咗4 米長嘅心意卡牆，讓你寫上給愛神丘比特嘅願望。

4.免費獲得限定紀念紙袋一個

主辦單位見對上嘅活動即使係一份小禮物，已令參加者有滿載而歸同被愛嘅感覺，於是今次延續呢份愛。於Popup Store 內任何檔攤消費，即送場會限定紙袋。

5. 超過 100 間本地手作或設計品牌

分兩週展出，每週各50個參與單位，部分更特別設計極具情人節氣氛嘅產品。

6.獲得免費情人節明信片

所有入場人士均可獲得由捌月插畫特別為情人節設計嘅明信片。

以下兩張係捌月插畫平時嘅作品，從作品中都可以感受到情侶日常嘅點滴。

「『戀愛了! 丘比特出沒注意』情人節主題Pop-up Store」Marketoo x 捌月插畫

日期：2022 年 2 月 12-13 & 19-20 日
時間：1-8pm
地點：中環街市 1 樓 – 活動空間 [中環皇后大道中 93 號]（顯示地圖)
入場費用：免費
中環街市為寵物友善商場，可帶貓狗進入 Pop-up Store

常見問題

問：有無拍拖好去處推介？

答：為大家推介香港13大情侶拍拖好去處！包括鄉村遊、城市影相好去處、寫意的近郊離島遊等，沿路風光明媚，絕美打卡位超多，一於記低佢趁假日來個浪漫二人遊啦：13大情侶拍拖好去處推介

問：有無情人節禮物推介？

答：不如睇下以下11款編輯推介的情人節禮物吧：11大女友必愛禮物推介