太古城中心
太古城中心

太古城中心《怪獸公司》聖誕裝置 現場率先睇! 5大打卡位:巨型毛毛+阿Boo可愛睡房+期間限定精品店!

香港好去處

廣告

今個聖誕節唔同商場都為市民打造一個疫下也能歡度佳節嘅新氣象!好似太古城中心,就有彼思動畫《怪獸公司》首次登陸同大家歡度佳節。《怪獸公司》粉絲真係唔可以錯過!到底有咩特別?記者帶大家率先睇睇!

聖誕好去處合集

撰文:Heidi.M | 攝影:新假期編輯部

《怪獸公司》聖誕裝置登陸太古城中心
5大Checkpoint逐個睇

適逢今年係《怪獸公司》上映20週年咁啱撞正聖誕節,點可以唔大搞嚟個double celebration?於2021年11月19日至2022年1月2日期間,太古城中心的二樓中庭及中橋打造成首個「怪獸公司」主題大型裝置,還原多個動畫中的場景,除此之外,一眾主角換上聖誕新裝同大家見面,仲有多棵聖誕樹,粉絲要打卡!

太古城中心 聖誕裝置,擺滿哂成個中庭
聖誕裝置,擺滿哂成個中庭(圖片來源:新假期編輯部)
太古城中心 未正式行入去都有好多影相位,入到去應該唔捨得走。
未正式行入去都有好多影相位,入到去應該唔捨得走。(圖片來源:新假期編輯部)
太古城中心 步入展區時,會先穿過哩條用霓虹燈佈置嘅隨道,影相位就此岀現了。
步入展區時,會先穿過呢條用霓虹燈佈置嘅隧道,一定要打個卡留念啦。(圖片來源:新假期編輯部)
太古城中心 霓虹燈佈置既有cyber 效果又不失可愛。
霓虹燈佈置既有cyber 效果又不失可愛。(圖片來源:新假期編輯部)

1.《怪獸公司》角色聖誕裝飾

今次嘅聖誕裝置,擺滿哂成個中庭,就連幅牆都唔可以放過!毛毛、大眼仔全部都喺度,鍾意影相呃like 嘅你同你,機會嚟喇!中庭嘅擺設,每個都有適當距離,咁就可以保持空氣流通之餘,仲夠晒位俾大家打卡添!

太古城中心 換咗聖誕裝扮嘅毛毛趕住去派禮物
換咗聖誕裝扮嘅毛毛趕住去派禮物(圖片來源:新假期編輯部)
太古城中心 大眼仔嘅裝置更設有互動環節
大眼仔嘅裝置更設有互動環節(圖片來源:新假期編輯部)
太古城中心 幫幫手㩒住個紅色制啦
幫幫手㩒住個紅色制啦(圖片來源:新假期編輯部)
太古城中心 着咗燈啦!
着咗燈啦!(圖片來源:新假期編輯部)
太古城中心 Oh!喬治!你身上係咪又有人類嘅物品,所以比清潔員追住你?
Oh!喬治!你身上係咪又有人類嘅物品,所以比清潔員追住你?(圖片來源:新假期編輯部)
太古城中心 見到變色龍嘅表情唔知係咪有度緊奸計
見到變色龍嘅表情唔知係咪又諗緊奸計呢~(圖片來源:新假期編輯部)

2.「派禮物整裝室」齊齊為阿Boo準備禮物

每位入場人士,都有一個特別嘅身份,就係怪獸公司嘅員工!透過手機app 同現場遊戲互動,幫毛毛完成任務後仲有小禮物!喂!開工啦!

太古城中心 入場前須用手機掃二維碼,完成遊戲就有小禮物。
入場前須用手機掃二維碼,完成遊戲就有小禮物。(圖片來源:新假期編輯部)
太古城中心 場內共有兩個遊戲,第一個記憶力測試遊戲:將禮物順序排好就過關。
場內共有兩個遊戲,第一個記憶力測試遊戲:將禮物順序排好就過關。(圖片來源:新假期編輯部)
太古城中心 最後一個遊戲,尋找隱藏QR code贏取限量版貼紙!
另一個遊戲,尋找隱藏QR code贏取限量版貼紙!(圖片來源:新假期編輯部)

3.阿 Boo快樂睡房

阿 Boo嘅睡房絕對係戲中嘅重要場景之一,今次就神還原喺大家眼前!準備好你嘅相機,因為阿 Boo已經係睡房等緊你一齊打卡啦!

太古城中心 同阿Boo影相還影相,記得記得唔好瞓上去張床度!
同阿Boo影相還影相,記得記得唔好瞓上去張床度!(圖片來源:新假期編輯部)

4. Disney & Pixar 期間限定店

期間限定店內出售《怪獸公司》限定精品,例如:公仔、文具、T-shirt,仲可以即場整手機殼各位彼思粉絲點可以錯過!

太古城中心 現場有過百種精品,有d仲係限量版嚟㗎!
現場有過百種精品,有啲仲係限量版嚟㗎!(圖片來源:新假期編輯部)
太古城中心 有咁多選擇,真係搞到個人有啲花多眼亂
有咁多選擇,真係搞到個人有啲花多眼亂(圖片來源:新假期編輯部)
太古城中心 哩個阿Boo公仔係稀有精品系列之一
呢個阿Boo公仔係稀有精品系列之一(圖片來源:新假期編輯部)
太古城中心 即場DIY整手機殼
即場DIY整手機殼(圖片來源:新假期編輯部)

5. 野生捕獲《怪獸公司》角色

除咗商場二樓中庭,商場各處都可以找到一眾《怪獸公司》經典角色,更可以打卡合照!

太古城中心 地方係邊唔話你知,大家周圍搵下啦!
地方係邊唔話你知,大家周圍搵下啦!(圖片來源:新假期編輯部)
太古城中心 地方係邊唔話你知,大家周圍搵下啦!
地方係邊唔話你知,大家周圍搵下啦!(圖片來源:新假期編輯部)
太古城中心 地方係邊唔話你知,大家周圍搵下啦!
地方係邊唔話你知,大家周圍搵下啦!(圖片來源:新假期編輯部)

《Merry GIFTMAS @Cityplaza》
日期:2021 年 11 月 19 日至 2022 年 1 月 2 日
時間: 星期一至五:中午 12 時至晚上 9 時
星期六、星期日及公眾假期:上午 11 時至晚上 9 時
地點: 太古城中心 2/F 中庭及中橋 (顯示地圖)

常見問題:
1. 活動在哪兒舉行?
太古城中心 2/F 中庭及中橋
2. 活動由幾時開始?
2021 年 11 月 19 日至 2022 年 1 月 2 日

活動在哪兒舉行?

太古城中心 2/F 中庭及中橋

活動由幾時開始?

2021 年 11 月 19 日至 2022 年 1 月 2 日

最新吃喝玩樂資訊