復活假期合家歡好去處！西九家FUN藝術節 必打卡「巨泡泡」+藝術裝置+互動體驗
一連4日復活節長假期就快來臨，想同家人朋友歡度美好時光，一定唔可以錯過「西九家FUN藝術節」！今次活動由宏利首席贊助，屆時唔單止會有超吸晴巨型泡泡藝術裝置可以打卡影相，仲有一系列精彩表演觀賞、互動體驗、工作坊等等，啱晒一家大細共度不一樣嘅復活節假期～即睇現場有乜必玩、必打卡嘅節目啦！
「西九家FUN藝術節」必玩重點1： 朝聖澳洲得獎巨型戶外藝術裝置《抱泡瞬間》
無論大人抑或小朋友，都一定鍾意泡泡！今次「西九家FUN藝術節」就邀請到澳洲藝術團隊Atelier Sisu，為大家帶嚟大型戶外藝術裝置《抱泡瞬間》(Ephemeral)。作品曾係英國倫敦、澳洲悉尼、新加坡、比利時布魯塞爾等40多個地方展出，今次《抱泡瞬間》首度係香港亮相，團隊更特別為西九海濱戶外環境設計高達九米高、名為〈巨泡泡〉嘅全新部份，大家可以穿梭於泡泡之間，盡情影靚相！
巨型泡泡係西九文化區嘅藝術公園海濱草坪東面展出，泡泡會根據唔同嘅日照時間而有所變化，有完美嘅維港海景做襯托，配合西九令人放鬆嘅氛圍，氣氛超夢幻！
「西九家FUN藝術節」必玩重點2：Manulife 即影即有SnapZone+戶外豆豆梳化區+繽FUN色系氣球
進入《抱泡瞬間》旁邊嘅SnapZone，只需要填寫簡單問題就可以免費體驗一次即影即有。係唔係超吸引呢？若果想同家人朋友留下最FUN嘅回憶，Manulife SnapZone 絕對係必去之處！
一系列打卡後想搵地方歇歇腳，不妨到戶外海濱草坪嘅豆豆梳化區休息，小朋友可以放電，大朋友可以坐低享受怡人嘅風景同family time。此外，每逢星期五、六、日及公眾假期下午，西九文化區藝術公園海濱草坪附近仲會免費派發氣球，無論小朋友抑或大人都一定Like！記得mark實時間到現場領取喇～
「西九家FUN藝術節」必玩重點3：一系列戶外及室內精彩表演+互動體驗
除咗打卡影相，「西九家FUN藝術節」嘅多個戶外同室內場地，包括藝術公園、自由空間和戲曲中心，都有一系列精彩表演藝術節目，不論三代同堂、二人世界抑或親子組合，一定可以搵到心水項目，締造難忘家庭時光！
精彩節目包括：
- 互動劇場《閃閃星》（ZOOOM）— 3月23至24日（星期六至日）
- 訴說本地少數群體真實故事的《小泰國守護者》（Little Thai）— 3月23至24日（星期六至日）
- 《BB車一族》（Pram People）— 3月29日至4月1日（星期五至一）
- 《十分派對》（10-Minute Dance Parties） — 3月29日至4月7日（星期五至日）
- 室內兒童遊樂體驗《自遊玩》（Play and Seek）— 3月29日至4月1日（星期五至一）
- 一家大小同賞大戲《茶館家庭專場》— 4月6至7日（星期六至日）
西九家FUN藝術節詳情：
日期：即日起至4月7日
地點：西九文化區藝術公園、自由空間及戲曲中心（顯示地圖）
時間：請參閱節目網頁
費用：免費入場（部分節目活動需購買門票或需先作網上登記）
節目詳情： https://www.westkowloon.hk/westkfunfest
（由宏利香港贊助）
圖片來源：宏利香港
