姜濤生日2023｜姜濤24歲生日應援登陸銅鑼灣/尖沙咀！必到打卡位＋限定周邊

姜濤香港後援會同時喺兩個商場設置唔同主題嘅慶生裝置… 更多詳情

除咗有13個靚靚打卡點、23+1限量版生日甜品外，仲有… 更多詳情

Apr 4 2023

姜濤生日2023｜每逢4月份，銅鑼灣都會搖身一變成「姜濤灣」！人氣歌手姜濤就快迎接24歲生日啦，Fans Club為支持偶像，特別於兩大商場舉行慶生活動，除咗有13個靚靚打卡點、23+1限量版生日甜品外，仲有生日應援物慈善義賣！姜糖們一定唔可以錯過，即睇活動詳情！

姜濤生日2023｜由2023年4月5日至5月1日期間，尖沙咀The ONE「Keung To 430 甜蜜蜜Café」及銅鑼灣皇室堡「Keung To 430 生日嘉年華」將展出姜濤生日應援，到時將有標誌性的姜濤打卡位，各位姜糖要準備好去打卡啦！

姜濤生日2023｜尖沙咀The ONE「Keung To 430 甜蜜蜜Café」

「Keung To 430 甜蜜蜜Café」以紅色作主調，再用格仔突顯美式公路餐廳風格，唔單止包含咗姜濤最喜愛嘅漢堡同甜品，同時亦都寓意咗佢去年嘅美國工作之旅。記者為大家整理咗7大必打卡位！

大廚造型2米高嘅立體小濤濤，姜糖可以坐喺高腳椅同小濤濤及佢製作嘅鮮豔芭菲杯打卡。

姜濤香港後援會首次製作及售賣23+1限定版生日甜品，背後還設有型格 Look 姜B嘅巨型餐牌！

安坐Café 卡位品嚐姜B至愛嘅漢堡，立體小姜姜更為你送上甜品。

Café新開張，姜B立牌一早喺門口迎賓！美式Café 色彩對比強烈，門口重有小濤濤頭像嘅甜蜜糖果機。

以50年代點唱機及特大姜濤型照為看板設計主軸，頂着數個甜甜圈，還伴隨多首循環放送嘅姜濤歌曲。

姜濤企喺心型甜甜圈隔離，姜糖們記得跟偶像心連心咁樣打卡啦！

背後有可愛嘅小濤濤看板以及美式公路路牌，寓意24歲嘅姜濤會喺夢想道路飛馳，走上前同壽星＆生日蛋糕嚟影一張甜蜜蜜嘅合照啦！

「Keung To 430 生日嘉年華」就以姜濤最愛嘅舞台作設計重心，再加上園遊會嘅歡樂元素，祝願來年偶像繼續喺舞台上發光發亮！

立體小濤濤在星形台上及嘉年華帳幕前展現可愛一面，也是姜濤及姜糖連結嘅地方！

姜濤立牌站在爆谷小食車前，擺好甫士等姜糖們來拍照啦！

在小姜姜、小濤濤嘅糖果色氣球下，和姜濤人形立牌一起打卡，預祝 2023年人氣一飛沖天！

跟唔同形象嘅姜濤一起乘坐摩天輪，必能給姜糖們心動嘅感覺！

姜濤型格造型及歌曲名句嘅啤牌遊戲牆，猜歌名再翻牌，在側還有立體小姜姜現身為姜糖們打氣，一定百發百中！

嘉年華售票處轉變成義賣姜濤生日精品站，除了打卡外，更有注目度極高嘅必買品包括：小濤濤頸枕連cushion、小濤濤無線充電器、姜糖化妝袋等文具及精品，收益扣除成本後將會捐款比指定慈善機構，姜糖跟隨偶像一同散播愛心！