劍擊
劍擊

劍擊訓練班 記者初體驗!不斷流汗+勁考反應!教練兼張家朗10年老友大爆:佢訓練個時好勤力!

香港好去處

廣告

港隊劍擊花劍選手張家朗擊敗意大利選手,奪得奧運劍擊項目金牌,成為全港第2名奧運金牌選手,為港爭光!當全港都為張家朗亮麗的成績歡呼時,亦被運動員在場上的英姿及堅毅精神吸引。到底記者劍擊又幾難?到底好唔好玩?今次就體驗一下劍擊運動樂趣!

撰文:Sumi |圖片來源:新假期資料室、官方圖片

劍擊訓練記者初體驗
荔枝角亞洲劍擊學院(香港)教學環境闊落舒適

座落於荔枝角香港中心的亞洲劍擊學院,位置鄰近港鐵荔枝角站B1出口,步行約2分鐘即可到達。院校積極於香港提倡劍擊運動,定期舉辦各項劍擊活動及比賽,小型至中小學劍擊班,大型至國際性賽事亦有。希望從訓練及比賽中,發掘有潛質的運動員,將來接捧為港爭光!院校有多個劍擊花劍課程,小朋友4歲便可參加兒童劍擊預備班,5歲可參加兒童劍擊初班、中班及高班。而青苗劍擊訓練計劃、成人劍擊初班、劍擊中班及高班則不限年齡。

兒童劍擊班(圖片來源:新假期資料室)
兒童劍擊班(圖片來源:新假期資料室)
教練悉心指導(圖片來源:新假期資料室)
教練悉心指導(圖片來源:新假期資料室)
(圖片來源:新假期資料室)
(圖片來源:新假期資料室)

劍擊裝備唔簡單 記者:穿上裝備都用咗15分鐘…

劍擊運動裝備有好多,包括一對及膝特定長襪、劍擊褲、單袖衣、長袖保護衣、頭盔,最後因應劍種需要著電衣。平時從電視睇劍擊,見到運動員全身裝備都覺得好累贅!但記者今次試穿過後,原來劍擊裝備服飾非常舒適,亦不算笨重,不過的而且確有點熱,大汗的朋友可能會較辛苦。

單袖衣(圖片來源:新假期資料室)
單袖衣(圖片來源:新假期資料室)
全套裝備(圖片來源:新假期資料室)
全套裝備(圖片來源:新假期資料室)

而劍擊的頭盔比較重,劍亦有一定重量,所以劍擊運動員比賽時一直「彈下彈下」,其實都相當累。值得一提的是,花劍、佩劍及重劍的劍把都不同,而且每款劍種的有效擊打範圍都不同。以後睇比賽記得唔好搞亂啦~

頭盔(圖片來源:新假期資料室)
頭盔(圖片來源:新假期資料室)
電衣(圖片來源:新假期資料室)
電衣(圖片來源:新假期資料室)
手套(圖片來源:新假期資料室)
手套(圖片來源:新假期資料室)
劍把+劍擊褲(圖片來源:新假期資料室)
劍把+劍擊褲(圖片來源:新假期資料室)
及膝特定長襪(圖片來源:新假期資料室)
及膝特定長襪(圖片來源:新假期資料室)

記者爆笑自肥企劃 上場同港隊成員對戰?!

劍擊分為3大類,分別是花劍、重劍及佩劍。而今次記者試玩的是花劍。一場嚟到,當然唔可以放過任何自肥機會啦!捉住教練教記者劍擊步法、不同的進攻及防守技巧,之後仲有機會同港隊隊員對戰!

最緊要步法企得穩!(圖片來源:新假期資料室)
最緊要步法企得穩!(圖片來源:新假期資料室)
教練細心指導下,初學者好易上手!(圖片來源:新假期資料室)
教練細心指導下,身為初學者好易上手!(圖片來源:新假期資料室)
練習擊中目標位置(圖片來源:新假期資料室)
練習擊中目標位置(圖片來源:新假期資料室)
專心練習(圖片來源:新假期資料室)
面對著「死物目標」,記者的技術暫時未有大問題(圖片來源:新假期資料室)
又好似有模有樣咁喎(圖片來源:新假期資料室)
又好似有模有樣咁喎(記者自我感覺良好)(圖片來源:新假期資料室)

經過教練悉心指導後,記者表示已經準備就緒,可以迎戰現役港隊成員!記者不忘上場前為自己打打氣,叫道:盲拳打死老師傅啊!Ush!

記者仲笑得出,好明顯未知情況有幾嚴峻(圖片來源:新假期資料室)
記者仲笑得出,好明顯未知情況有幾嚴峻(圖片來源:新假期資料室)

「比賽」開始時,記者立即感覺得進退失據,一方面又想上前取分,又但怕被對方突擊。心跳不斷加速,好緊張呀!

開始唔夠10秒,港隊先領一分,記者就⋯⋯自己睇啦(圖片來源:新假期資料室)
開始唔夠10秒,港隊先領一分,記者就⋯⋯(圖片來源:新假期資料室)
記者主動出擊!戰況好激烈啊!(圖片來源:新假期資料室)
記者嘗試主動出擊!不過當然被教練一一化解!(圖片來源:新假期資料室)
好明顯教練讓賽啦~(圖片來源:新假期資料室)
最後記者都成功刺中教練,不過好明顯教練讓賽啦~(圖片來源:新假期資料室)

記者試玩後感:劍擊真係唔係睇咁易!港隊加油!

以前睇電視劍擊比賽,以後呢項運動好易,刺中對方就有分。但自己落場試過自知,原來一啲都唔容易!要避開對方攻勢,同時要諗幾時主動進攻,要非常冷靜先可以做到!一直以為把劍係軟嘅,而且著咗保護衣,刺中都唔會痛。今次體驗後先知原來劍係硬嘅,被刺中會有痛感。著上全套裝備後,好快已經出汗。真係不得不佩服所有港隊運動員,喺每次驕人成績後,無人見到嘅汗水同努力!

每項運動都值得被重視!(圖片來源:新假期資料室)
每項運動都值得被重視!(圖片來源:新假期資料室)
訓練過程真係好辛苦㗎(圖片來源:新假期資料室)
訓練過程真係好辛苦㗎(圖片來源:新假期資料室)

現役港隊成員兼10年老友 大爆:張家朗訓練果時好勤力!每次都見到佢出現!

今次教記者玩劍擊嘅,正是現役香港劍擊隊隊員陳卓謙(Timmy),唔講唔知,原來Timmy同張家朗不但係隊友,仲好老友,已認識超過10年!Timmy表示張家朗係一個好勤力嘅人,無見過佢偷懶:「張家朗啲汗係真㗎,唔係假㗎!」陳卓謙(Timmy)將會代表香港出戰全運會劍擊佩劍項目。要加油呀!香港人支持你!

現役香港劍擊代表隊 陳卓謙 Timmy(圖片來源:IG@timmycch)
現役香港劍擊代表隊 陳卓謙 Timmy(圖片來源:IG@timmycch)
現役香港劍擊代表隊 陳卓謙 Timmy(圖片來源:IG@timmycch)
現役香港劍擊代表隊 陳卓謙 Timmy(圖片來源:IG@timmycch)
Timmy 一講到劍擊就眉飛色舞,完全感受到佢嘅熱誠!(圖片來源:新假期資料室)
Timmy 一講到劍擊就眉飛色舞,完全感受到佢嘅熱誠!(圖片來源:新假期資料室)
回想返張家朗奪得奧運花劍項目金牌,Timmy難掩興奮感動之情!(圖片來源:新假期資料室)
回想返張家朗奪得奧運花劍項目金牌,Timmy難掩興奮感動之情!(圖片來源:新假期資料室)

撰文:Sumi |圖片來源:新假期資料室、官方圖片

即睇更多:

5大香港劍擊院校推薦!最細4歲就學得+免費試堂優惠+18區都有分校|香港好去處

(圖片來源:新假期資料室)
(圖片來源:新假期資料室)

東京奧運賽程時間表:香港隊代表率先預覽

東京奧運賽果速報!香港劍擊代表張家朗殺入決賽爭金牌!
(圖片來源:新假期編輯部)