【冬天打卡必去】圍方聯乘Chubbi Chunk打造甜蜜聖誕 ERROR肥仔驚喜現身！
6大沉浸式甜蜜打卡區
今次圍方特設6大主題打卡區，搞笑又為食的Chubbi Chunk會以8款全新造型加1款隱藏特別版，一共9個趣怪扮相登場，同大家一齊分享暖心的聖誕滋味！
必影打卡位！9米高夢幻聖誕樹
首選打卡位一定是位於L2中庭的9米高「夢幻糖霜聖誕樹」！這棵由甜品大師Chubbi Chunk創作的聖誕樹，掛滿近20款精緻可愛的甜品裝飾，少女心大爆發！
樹下除了有Chubbi Chunk Cafe店面可以打卡，更展示咗歷代經典Chubbi Chunk造型，粉絲可以一次過近距離欣賞！旁邊更有樓高3層的巨型環迴LED螢幕，變身「LED聖誕糖果工廠」，鬼馬的Chubbi Chunk會帶領大家暢遊甜蜜國度，興奮地製作各式美味甜點！
走入朱古力+餅乾甜蜜世界！
行埋去旁邊嘅「甜心滿載茶座」，裡面有多款以聖誕甜品大餐作為主題嘅桌椅，讓你猶如走入糖果屋一樣！大家大家更可以搵到唔同可愛造型嘅Chubbi Chunk 同佢哋逐一影相，順便同佢哋嚟一場溫馨嘅下午茶時光！
隱藏版Chubbi Chunk公仔 同肥仔@ ERROR撞樣？！
最驚喜嘅莫過於今次活動特別聯乘人氣男子組合ERROR隊長梁業（肥仔），以其獨特造型打造出一款隱藏特別版Chubbi Chunk公仔，正正就坐鎮喺茶座！圓潤嘅外型加上鬼馬表情，令肥仔同Chubbi Chunk嘅公仔可以話係神還原一樣！各位fans記得到場同「肥仔」自拍返張啦～
加入成為烘培小助手！
想體驗更多互動？可以到「Chubbi Chunk烘焙工房」化身甜品大師的小助手，仲可以換上專屬嘅店員制服，與甜品大師Chubbi Chunk一齊製作美味甜點，甜蜜度加倍up！
送上特調熱飲 瞬間暖入心！
喺寒冷嘅天氣中，獲得一杯暖笠笠嘅飲品，大滿足！喺「暖心特調飲品部」，讓Chubbi Chunk咖啡師為你送上一杯特調熱飲。
將節日氣氛推至頂點！戶外飄雪表演+星光甜點摩天輪
戶外位置同樣安排咗精彩活動！大家可以漫步到L2園藝花園的「星光甜點摩天輪」，3米高的摩天輪會喺傍晚時分亮起柔和燈光；而且喺12月嘅指定日子更會上演唯美飄雪匯演，白濛濛嘅雪花從天而降，營造出歐陸式的夢幻氛圍！圍方亦歡迎大家帶同「毛孩」摯愛一同前來打卡，留下最溫暖動人的佳節回憶！
飄雪表演日期及時間：
12月5日至12月28日
逢星期五：晚上6時至9時（每逢正點，1小時1次）
星期六、日、平安夜及公眾假期：下午3時至晚上9時（每逢正點，1小時1次）
節日氣氛滿瀉！一連串聖誕特備活動等緊你
人見人愛的Chubbi Chunk更會換上全新聖誕老人造型，聯同Mr. CupCake在指定日子舉行「Chubbi Santa x Mr. CupCake見面會」，親臨現場同大家互動合照，記得準時去捕捉他們！此外，商場亦會在指定週末舉行「Chubbi Chunk Cafe音樂特調」及「聖誕歌聲馬拉松」等音樂活動，以悠揚樂章伴你度過愜意聖誕。
打卡同時歎盡購物美食禮遇
打完卡當然唔少得享受shopping+歎美食嘅樂趣啦！喺推廣期內，只要喺圍方以電子貨幣單一消費滿$1,000，即可獲贈$300港鐵商場電子優惠券，買聖誕禮物俾摯愛嘅時候就更加著數喇！
場內部分商戶亦推出多款聖誕精選！GODIVA推出不同聖誕系列禮盒及禮盒，凡購買任何聖誕禮籃2件或以上，Saver會員即享9折；VIP會員享85折！另外，凡購買任何聖誕系列禮盒或禮籃，即可以$128加購GODIVA水晶球雪花杯乙隻！
Dalloyau亦推出全新嘅冬季莓果朱古力蛋糕同薄荷朱古力歌劇院蛋糕，為你嘅聖誕派對增添sweet sweet滋味！
今個聖誕 滿足你吃喝玩樂+打卡願望！
由打卡、玩樂到購物優惠都應有盡有，滿足晒你咁多個願望！快啲約埋朋友摯愛一齊嚟圍方，享受一個甜蜜滿瀉嘅冬日啦！
圍方「Chubbi Sweetie Xmas」
日期：即日起至2026年1月4日
地點：圍方 L2 中庭及L2 戶外園藝花園
飄雪表演日期及時間： 12月5日至12月28日
逢星期五：晚上6時至9時（每逢正點，1小時1次）
星期六、日、平安夜及公眾假期：下午3時至晚上9時（每逢正點，1小時1次）
