周末好去處！常設展覽「瞧潮香港60+」過千件必睇珍貴展品！
香港文化博物館常設展覽「瞧潮香港60+」有好多香港60年來流行文化嘅珍貴展品！咁多年來無論係流行音樂、電影工業、電視節目同埋電台廣播，都係取材於民間，不但反映當時民生，更為大眾提供娛樂，陪伴我地一代又一代嘅香港人成長。香港流行文化除咗帶來好多優秀作品，歷年來更誕生好多歌影視巨星，甚至揚威海外，認真巴閉！
展覽以「瞧潮香港 60+」為題，聚焦二次大戰後至二千年代初香港嘅流行音樂、電影、電視同埋電台廣播節目等發展，仲有勾起兒時回憶嘅漫畫同埋玩具，真係好似走咗入去時光隧道，睇盡香港流行文化嘅演變，令唔同年紀嘅觀眾都可以搵到屬於自己嘅回憶，延續香港人嘅傳奇。
即刻睇下有咩珍貴必睇展品先！
就連比較近代嘅Yes Card機都有呀！
快啲mark低詳情走入呢個時光隧道啦~
「瞧潮香港60+」展覽詳情：
地點：香港文化博物館 新界沙田文林路一號
開放時間：星期一、三至五上午十時至下午六時
周末及公眾假期上午十時至晚上七時
星期二（公眾假期除外）、農曆年初一及初二休館
入場費：免費入場
