荔枝窩
荔枝窩

荔枝窩 漫步山林 香港遠足古鄉之旅

香港好去處

廣告

講到行山郊遊,好多人都會諗起西貢或大嶼山一帶的壯麗景色,不過香港行山路線又點只睇景咁簡單,唔想一窩蜂湧入近期行山熱點,不妨選擇以欣賞古村及植物為主的 荔枝窩 ,難度較低之餘仲可以沿途了解香港客家文化,最適合行山初哥!

一次過滿足三個願望

近年新界東北不斷發展,經過一輪清拆、重建後唔少綠地已經變成民居,不過好彩大部分有歷史性的古村都得以保留,配合東北地區本身得天獨厚的自然環境,慢慢吸引一班保育人士關注,將眼光重新放回新界東北。今次介紹的荔枝窩位於香港世界地質公園範圍,顧名思義山海之景一定走唔甩,一邊欣賞紅樹林,一邊漫步超過300年歷史的客家圍村,仲可以到小店品嚐特式地道小菜,正!

荔枝窩位於印洲塘海岸公園,可以選擇由烏蛟騰經三椏村前往,全程約1.5小時,沿途可見東北地域獨有的紅色岩層,以及穿越山谷後的迷人內灣,三椏村更有士多可作補及,買枝水繼續上路!除此之外,大家亦可以由鹿頸經谷埔前往,路程約3小時,適合有行山經驗人士。如果行山初哥體力不繼,村落附近有碼頭,以水路進出荔枝窩村一樣方便。

東北地區特產,鮮味珍珠螺,三椏村士多有得賣!

 

傳統客家文化

荔枝窩一帶村落頗多,以前幾乎全由客家人居住,後來村民逐漸遷往市中心生活,圍村才安靜下來。雖然現時客家圍村居民寥寥可數可數,但許多舊式面貌依然保持完好,特別是九橫三直排列的房屋、村外的風水林、天然原生植物群……走入村落就如返回70年代的客家圍村,歷史氣息濃厚。

平時日日喺市中心吸廢氣,搞到唔少香港人都有鼻敏感、氣管過敏等都市病,想舒緩問題唔一定要食藥,親親大自然都有同樣效果!荔枝窩背山面海,後有一大片翠綠山林、前有蔚藍海岸,一場來到,點都要吸多幾啖清新空氣啦!

全港獨有白花魚藤樹林

除了必睇的古老銀葉樹林,荔枝窩村外圍仲有一個個風水林,裡面植物品種超過100種,入去行一圈,自然可以帶住滿身旺氣回家。行完一圈仲未夠喉?咁記得去埋全港獨有的千年白花魚藤樹林,細賞漫天藤枝的壯麗景觀,感覺有如深入原野探險,so wild!

去程交通:新界專綫小巴20R線,由大埔墟鐵路站往烏蛟騰,車資$9.7

回程交通:新界專綫小巴56K線,由鹿頸往粉嶺鐵路站,車資$8.1
延伸閱讀:
放假食影大嶼山!登上大東 鳳凰之巔
威斯汀改名 推澳門行山遊