超過10款千奇百趣蟹仔登陸將軍澳中心！5大親子活動必玩及打卡點！探索+欣賞+保育 三大維度體驗
又到暑假啦！要計劃定一家大細啱玩嘅活動？咁就啱啦！將軍澳中心由7月21日至8月30日搖身成夢幻貝殼世界！仲會有13款來自世界各地、外型及顏色都好特別嘅陸蟹同埋寄居蟹喺香港首度展出！活動集「探索、欣賞、保育」三大維度嘅展覽體驗，充滿趣味同埋教育意義嘅夏日「蟹」逅，係今個暑假必去打卡同玩嘅親子活動，即睇5個必玩點！
「探索、欣賞、保育」三大維度體驗
1.探索蟹仔、貝殼世界
小朋友可探索以夢幻貝殼世界為題嘅展覽布置，小朋友可化身保育大使，勇闖海底，探索蟹之世界！
2.巨型貝殼打卡熱點！
場內有一個感官互動巨型貝殼布置，大人小朋友都可以坐入巨型貝殼裡面，實屬打卡熱點，仲可欣賞光影互動，同時聆聽海底嘅聲音，真係好似去咗海底一樣。
3.千奇百趣蟹仔大召集
13款特色蟹仔、寄居蟹會喺水族箱內醒目登場，大人小朋友都可以近距離觀賞！其中常被戲稱為「清道夫」嘅寄居蟹喺日本更加係指定嘅天然紀念物，值得保護，即刻率先睇下必睇四大名蟹，當中每款蟹仲有獨特嘅故事
4.小館長及戶外考察活動
今次展覽仲會帶來一系列保育主題活動，小朋友可當上小館長，仲有機會參與戶外海底考察活動等，詳情記得留意日後公布。
5.主題市集
暑假當然唔少得一家大細去戶外活動，今次展覽仲會有戶外活動主題市集，齊集多個戶外活動用品品牌，大家一定可以喺市集搵到唔同嘅心水戶外活動！
一於mark定日子，齊齊同蟹仔有個約會啦！
