全民運動日2025 免費享用康文署多項康樂設施！

全民運動日2025：全城齊運動 全民撐全運

「全民運動日2025」旨在推廣「普及體育」，鼓勵唔同年齡同能力嘅市民養成恆常運動嘅習慣，享受健康快樂嘅人生。一如既往，康文署於活動當日開放大部分收費康樂設施俾市民免費使用，包括室內羽毛球場、籃球場、健身室、戶外網球場、公眾游泳池同水上活動中心等，無論你係運動新手定老手，總有一款活動啱你心水！

今年嘅「全民運動日」仲有特別意義，就係同全運會、殘特奧會連繫起來。活動以「全城齊運動 全民撐全運」為主題，透過推廣多項全運會同殘特奧會項目，例如高爾夫球、擊劍、七人制橄欖球同鐵人三項等，凝聚市民力量，齊齊支持國家體育盛事！

免費康樂設施：室內戶外設施接受抽籤申請

「全民運動日2025」其中一大亮點，當然係全港多項收費康樂設施免費開放！無論你係鍾意室內運動定戶外活動，總有一款設施啱你。

以下係開放予市民免費使用嘅康樂設施(部份設施使用者須持有所需資歷證明)：

• 室內設施：羽毛球場、網球場、籃球場、投球場、排球場、壁球場、乒乓球枱、美式桌球枱、英式桌球枱、運動攀登牆、健身室、活動室、舞蹈室同單車賽道。
• 戶外設施：網球場、網球練習場、草地滾球場、棒球練習場、射箭場同高爾夫球設施（不包括營地設施、運動場、人造草地球場同天然草地球場）。
• 公眾游泳池：除咗灣仔游泳池同因重建工程暫停開放嘅九龍仔游泳池外，其他公眾游泳池全部免費開放，無需預約，先到先得！
• 水上活動中心艇隻（創興水上活動中心嘅康樂獨木舟、水上單車、舢舨和彩艇只供營友免費使用）。

想享用設施？記得即日起至七月二十三日期間可透過「SmartPLAY康體通」以個人方式提交抽籤申請。抽籤結果會喺7月26號公布，成功申請者會收到Smart PLAY 系統嘅通知。如果仲有剩餘時段，7月28號起可以透過Smart PLAY 系統以「先到先得」方式預訂。不過要留意，不論透過抽籤或先到先得的方式，每人最多只可獲分派一節免費康樂設施，記得準時到場，唔好浪費機會！如果成功申請者喺中籤段節首十分鐘未有到場，設施會即場開放俾其他市民以先到先得及相同用途的方式使用，詳情可以瀏覽「全民運動日2025」專題網頁或致電2414 5555查詢。

免費康體活動

除咗免費開放多項收費康樂設施，康文署仲喺全港十八區指定體育館（下午2時至6時）舉辦一系列免費康體活動，讓唔同年齡及能力嘅市民都可以參與。活動內容豐富，包括：

• 主場館九龍公園體育館的活動包括啦啦隊及霹靂舞表演、橄欖球及高爾夫球同樂、電子虛擬撃劍、小型賽車及鐵人三項和傷健共融乒乓球同樂等。
• 其他各區指定體育館舉辦的活動包括健體閣同健康講座，以及適合親子、兒童、青少年、長者同殘疾人士一同參與嘅體育示範以及同樂項目。

免費康體活動券可在7月21號上午八時三十分起在康文署十八區康樂事務辦事處或指定場地向市民派發，想參加嘅朋友記得密切留意專題網頁，唔好錯過！

日日運動半個鐘 健康快樂人輕鬆

「全民運動日2025」係一個難得機會，讓你同屋企人、朋友免費體驗康文署嘅康樂設施，仲可以同時響應全運會同殘特奧會呢兩項國家體育盛事！快啲mark低8月3號，準備好運動裝備，同家人朋友一齊輕輕鬆鬆咁享受做運動嘅樂趣啦！

（Presented by： LCSD)