【全民運動日2026】8月2日全港十八區免費參加康體活動！參加地點+詳情一覽　

今年「全民運動日2026」以「亞運爭鋒　全民運動」為主題，響應今年9月隆重舉行嘅第二十屆亞洲運動會（亞運）！希望透過今次活動令市民了解多項亞運比賽項目，到時可以更投入地為出戰嘅香港運動員打打氣！

免費體驗亞運會項目　武術、手球、馬術都玩得到！

8月2日當日主場館九龍公園體育館嘅體驗活動仲會推廣多項亞運會比賽項目，包括：武術表演、手球、足球、賽艇、馬術同滑板等虛擬遊戲及同樂，大家可以有機會親身體驗平時甚少接觸到嘅運動項目，機會難得！除咗運動體驗之外，現場亦有軟式曲棍球等新興運動示範，等大家大開眼界，同時發掘自己嘅運動新興趣。

（圖片來源：LCSD）

健體閣專業支援　了解自己身體狀況

想知道自己嘅體能水平？現場更設有健體閣，由中國香港體適能總會派出專業導師，提供平衡大挑戰等互動環節。另外，香港中文大學運動醫學團隊及香港中文大學運動醫學及健康科學舊生會亦派出工作人員協辦體能檢測和提供健康資訊，市民可以了解自己嘅身體狀況之餘，同時學識點樣正確做運動，將運動導致受傷嘅機會大大降低！

為咗響應「全民健身」嘅目標！今次康文署特別以「全民運動日」主題曲，編排咗一套全新嘅健體操，希望可以培養大眾定期參與康體活動嘅習慣。無論你平日有冇做運動嘅習慣，都可以跟住節拍郁動身體，感受運動所帶來嘅快樂！

老幼傷健共融 全家齊參與！

「全民運動日」顧名思義就係鼓勵人人都參與！活動特別設有適合長者和不同能力人士一齊參與嘅同樂活動，亦有親子及兒童、青少年都啱玩嘅同樂項目，可以趁住暑假，一齊出嚟做運動放吓電，享受一個健康又有意義嘅親子活動！

7月20日開始！派發免費活動券

想參加「全民運動日2026」嘅免費康體活動，記住mark低日子！康文署於7月20日（星期一）起，向市民派發活動當日嘅免費康體活動券！有興趣嘅市民記得到康文署十八區康樂事務辦事處及指定場地索取活動券。

溫馨提提大家！活動當日，參加者記得要攜帶活動券按時出席活動呀！另外，現場亦會預留少部分名額予市民即場參加，不過名額有限，先到先得，所以建議大家預早去攞券就最穩陣啦！

一連2日！免費提供多項康樂設施

輕鬆解鎖運動技能！除免費康體活動外，喺8月1日至8月2日，18區體育館將會開放轄下多項設施俾大家免費使用，包括：室內羽毛球、籃球場、排球場、壁球場、健身室、舞蹈室等；仲有戶外網球場、草地滾球場、棒球練習場、高爾夫球設施、水上活動中心艇隻等。以上嘅康樂設施時段會透過「SmartPLAY康體通」以抽籤形式分配，市民可透過「SmartPLAY康體通」以個人方式就8月1日及/或2日兩日分別提交一個抽籤申請，每個申請最多可涵蓋三個選項，兩個免費使用日嘅每個申請將獨立處理。而鍾意游水嘅你，亦可以當日去公眾游泳池等候安排入場。大家盡情投入心水運動項目啦～

為響應活動，多間機構於8月1日及2日亦會開放場地設施或舉辦康體活動讓巿民免費參與。所有活動的最新資訊及詳情，將會於「全民運動日」專題網頁發布。

「全民運動日2026」

按此了解更多詳情

（Presented by LCSD）