露營好去處|元朗農樂營彩虹小屋試玩!10大主題房型+BBQ+透明觀星帳幕+任玩遊樂設施
露營好去處|元朗農樂營彩虹小屋試玩!10大主題房型+BBQ+透明觀星帳幕+任玩遊樂設施

露營好去處|元朗農樂營彩虹小屋試玩!10大主題房型+BBQ+透明觀星帳幕+任玩遊樂設施

香港好去處

露營好去處|天氣涼涼地,又係露營嘅好時機,想親親大自然又怕麻煩,不妨考慮吓元朗農樂營啦!場地共設10間彩虹露營小屋,每間小屋都各自有不同主題,重點係設備一應俱全,仲包埋BBQ套餐,唔洗怕要帶東帶西去!營地更有多項遊樂設施,一於約齊一家大細去玩啦!

露營好去處 元朗彩虹小屋觀星營地
一口價包住宿燒烤主題房

農樂營露營地點位於元朗,去年完成翻新工程後推出10款全新主題露營小屋,房內配套齊全,設備包括獨立洗手間、冷氣設備、電熱水煲及冷熱水沐浴裝置,每間最多可提供6人入住。價錢方面最平人均$460左右,就可以玩足20小時。以價論價,就同去Staycation差唔多,但勝在可以一班人齊齊玩,夜晚又可以一齊觀星,非常寫意!

營地翻新後變成七彩小屋。(圖片來源:新假期編輯部)
營地翻新後變成七彩小屋。(圖片來源:新假期編輯部)
小屋外牆五顏六色,絕對係女士們嘅打卡位!(圖片來源:新假期編輯部)
小屋外牆五顏六色,絕對係女士們嘅打卡位!(圖片來源:新假期編輯部)
(圖片來源:FB@農樂營)
場地掛滿不少大大小小嘅燈飾,夜晚亮燈好有feel~(圖片來源:[email protected]農樂營)

農樂營經過翻新後提供多個主題嘅露營小屋,包括溫莎堡、愛丁堡、宇宙太空、希臘愛琴海、紐堡賽道、波希米亞、亞馬遜森林、阿菠蘿飛船、京都府、布吉府、泰國皇宮、歐式小木屋等,入屋就可以擁有置身外國嘅感覺,影相打卡都認真一流!其中波希米亞風及愛琴海風嘅房型更設開放式廚房,情侶想煮吓飯仔就啱晒!

記者最鐘意呢間宇宙太空風格嘅房型。(圖片來源:新假期編輯部)
記者最鐘意呢間宇宙太空風格嘅房型。(圖片來源:新假期編輯部)
(圖片來源:新假期編輯部)
每個房間都設有獨立洗手間,非常方便。(圖片來源:新假期編輯部)
紐堡賽道風格,小朋友睇見一定好興奮!(圖片來源:新假期編輯部)
紐堡賽道風格,小朋友睇見一定好興奮!(圖片來源:新假期編輯部)
愛琴海風格。(圖片來源:新假期編輯部)
愛琴海風格。(圖片來源:新假期編輯部)
愛琴海風格房型設開放式廚房,情侶想煮吓飯仔就啱晒!(圖片來源:新假期編輯部)
愛琴海風格房型設開放式廚房,情侶想煮吓飯仔就啱晒!(圖片來源:新假期編輯部)
京都府大木屋卡拉OK房只限時段內租借,不設住宿㗎!(圖片來源:新假期編輯部)
京都府大木屋卡拉OK房只限時段內租借,不設住宿㗎!(圖片來源:新假期編輯部)

透明觀星帳幕超浪漫 私人後花園BBQ勁方便

其中6間小屋更設有天台放置透明觀星帳幕,夜晚帳幕上嘅燈飾更會亮起,氣氛相當浪漫!露營費用更包自選燒烤食材套餐,包括大海蝦、牛仔排、羊架等等,每間小屋均有個後花園仔,提供BBQ爐及戶外桌椅,無需額外租借,非常方便!

其中6間小屋更設有天台放置透明觀星帳幕。(圖片來源:新假期編輯部)
其中6間小屋更設有天台放置透明觀星帳幕。(圖片來源:新假期編輯部)
日頭入去就有啲焗得濟,夜晚天氣就應該啱啱好!(圖片來源:新假期編輯部)
日頭入去就有啲焗得濟,夜晚天氣就應該啱啱好!(圖片來源:新假期編輯部)
(圖片來源:FB@農樂營)
帳幕上嘅燈飾夜晚會亮起,氣氛好浪漫!(圖片來源:[email protected]農樂營)
露營費用更包自選燒烤食材套餐,包括大海蝦、牛仔排、羊架等等。(圖片來源:新假期編輯部)
露營費用更包自選燒烤食材套餐,包括大海蝦、牛仔排、羊架等等。(圖片來源:新假期編輯部)
每間小屋均有個後花園仔提供BBQ爐及戶外桌椅,無需額外租借,非常方便!(圖片來源:新假期編輯部)
每間小屋均有個後花園仔提供BBQ爐及戶外桌椅,無需額外租借,非常方便!(圖片來源:新假期編輯部)
特大私人露營後花園足足有600呎,放露營帳或者係度燒烤都夠位!(圖片來源:新假期編輯部)
特大私人露營後花園足足有600呎,放露營帳或者係度燒烤都夠位!(圖片來源:新假期編輯部)

遊樂設施任玩 2,000尺兒童遊樂室+戶外玩樂區

營內遊樂設施非常多元化 ,除咗提供各式各樣嘅紙牌棋盤遊戲、迷你充氣彈床、動感平衡車、更設有室內2,000尺兒童遊樂室和戶外玩樂區,還有卡拉OK設備和電動麻雀枱。另外營地附近設有自家五萬尺養漁塘及兩萬尺溫室果園,當去到12月當造的日子時,便可以到漁塘體驗網魚及採摘溫室士多啤梨,一於嚟個2日1夜之旅啦!

戶外玩樂區。(圖片來源:新假期編輯部)
戶外玩樂區,小朋友絕對會玩到樂而忘返!(圖片來源:新假期編輯部)
小童平衡車。(圖片來源:新假期編輯部)
小童平衡車。(圖片來源:新假期編輯部)
兒童遊樂室內有每個小朋友見到都愛不釋手嘅波波池。(圖片來源:新假期編輯部)
兒童遊樂室內有每個小朋友見到都愛不釋手嘅波波池。(圖片來源:新假期編輯部)
場地有2,000呎大,絕對夠位比小朋友放電!(圖片來源:新假期編輯部)
場地有2,000呎大,絕對夠位比小朋友放電!(圖片來源:新假期編輯部)
戶外亦有打卡位影相。(圖片來源:新假期編輯部)
戶外亦有打卡位影相。(圖片來源:新假期編輯部)
  • 農樂營
  • 地點︰元朗牛潭尾路攸潭尾村
  • 開放時間︰星期一至日 上午9點至晚上10點
  • 電話:6606 1660 (WhatsApp )
  • 交通:
    1. 乘搭小巴: 於元朗大馬路,「開心廣場」後福康街小巴總站乘搭37專線小巴,於總站「攸潭尾村公所」站下車(車程約15分鐘),步行約3分鐘到達營地
    2. 自駕前往: 往元朗葡萄園方向,駛至葡萄園分叉路,轉入攸潭尾村公所
    3. 乘搭的士: 於元朗西鐵站或錦上路站前往營地,車費約港幣60-70元
  • 網址:https://www.wemomenthk.com/

問:元朗彩虹小屋觀星營地可多少人入住?
答:10款全新主題露營小屋,每間最多可提供6人入住。

問:屋內有甚麼設備?
答:設備包括獨立洗手間、冷氣設備、電熱水煲、冷熱水沐浴裝置。

圖片來源:KLOOK、農樂營、新假期編輯部

最新吃喝玩樂資訊