假日好去處|夏日限定 6大主題海濱公園打卡+親子
假日好去處|夏日限定 6大主題海濱公園打卡+親子

假日好去處|夏日限定 6大主題海濱公園打卡+親子放電 灣仔海旁兒童自駕遊

香港好去處

廣告

今個夏日一齊去維港海濱感受「仲夏.維港」嘉年華! Chocolate Rain、Messy Desk、菠蘿油妹妹及癲噹等多位本地藝術家為全港6段海濱換上期間限定的夏裝,包括「東岸公園主題區」嘅霓虹燈招牌及花火燈飾、堅尼地城嘅「卑路乍灣海濱長廊」有Messy Desk巨型滑梯、「添馬至會展海濱長廊The Connector」化身為城中沙灘、灣仔「HarbourChill海濱休閒站」放置了9米高熱氣球嘅夏日嘉年華、灣仔「水上運動及康樂主題區」變身成Messy Desk聯乘Chocolate Rain嘅西部風情小鎮、荃灣海濱長廊舉行癲噹水上嘉年華等,仲有維港首個兒童室外遊樂車場登場,今個暑假可以望住無敵大海景盡情玩盡6大海濱!

本地藝術家夏日主題裝置 一文看清6大海濱好去處

為慶祝香港特區成立25週年,海濱事務委員會特意舉辦咗「仲夏.維港」主題活動,活動由香港賽馬會獨家贊助,為維港六個「海濱共享空間」設計左一系列「期間限定」裝置同埋遊樂設施,場內更展示出慶祝香港特區成立25週年為主題嘅立體裝置。

灣仔「HarbourChill海濱休閒站」 9米高熱氣球夏日嘉年華

毗鄰灣仔渡輪碼頭的「HarbourChill海濱休閒站」以「仲夏熱氣球大冒險」為主題,人氣打卡位除咗場內那個9米高的大型熱氣球外,仲有由回收油桶加工做成的小鹿、斑馬及河馬等得意動物、螺旋槳飛機等繽紛裝置!

HarbourChill海濱休閒站

  • 位置:灣仔鴻興道以北、灣仔碼頭有蓋行人通道以東的「HarbourChill海濱休閒站」
  • 交通:灣仔會展站A2出口步行約5分鐘
假日好去處|夏日限定 6大主題海濱公園打卡+親子 放置在「HarbourChill海濱休閒站」的9米高的熱氣球色彩繽紛,更可以走入中間位置與馬騮仔一齊影相!
放置在「HarbourChill海濱休閒站」的9米高的熱氣球色彩繽紛,更可以走入中間位置與馬騮仔一齊影相!
假日好去處|夏日限定 6大主題海濱公園打卡+親子 由回收油桶加工做成的小鹿、斑馬及河馬等得意動物,小朋友玩得最開心!
由回收油桶加工做成的小鹿、斑馬及河馬等得意動物,小朋友玩得最開心!

同場加映期間限定—維港首個兒童室外遊樂車場

在灣仔「HarbourChill海濱休閒站」旁的前巴士總站將於7月3日搖身一變成為「維港兒童自駕遊」兒童專用室外遊樂車場,讓小朋友在維港海濱旁落場「駕駛」,留意返期間限定試行3個月,絶對是小朋友今個暑假放電好去處!

維港兒童自駕遊

  • 位置:灣仔鴻興道以北、灣仔碼頭有蓋行人通道以東的「HarbourChill海濱休閒站」旁的前巴士總站
  • 開放時間:2022年7月3日-9月30日11am-6pm
  • 收費詳情:平日 HK$30/10分鐘,周末及假日HK$50/10分鐘
  • 網址:https://gaytradingltd-harbour-ride.zohosites.com
  • 備註:
    • 限80-120厘米/ 體重於20公斤以下小童參加
    • 星期一至五網上預訂可享6折優惠
假日好去處|夏日限定 6大主題海濱公園打卡+親子 室外遊樂車場原為臨時巴士站,小朋友可以在維港海濱的「賽道」上駕駛,機會難得!
室外遊樂車場原為臨時巴士站,小朋友可以在維港海濱的「賽道」上駕駛,機會難得!
假日好去處|夏日限定 6大主題海濱公園打卡+親子 與其去虛擬佈景的室內玩車,不如來到這個在灣仔海旁的室外遊樂車場對住維港靚景盡情自駕飛騁!
與其去虛擬佈景的室內玩車,不如來到這個在灣仔海旁的室外遊樂車場對住維港靚景盡情自駕飛騁!

卑路乍灣海濱長廊 Messy Desk巨型滑梯

位於堅尼地城城西道的卑路乍灣海濱長廊,除原有菠蘿油妹妹裝置外,新增了由本地插畫家Messy Desk創作出期間限定的小型森林海濱樂園,打卡位包括了可愛森林冒險滑梯及得意動物車仔,色彩勁繽紛!

卑路乍灣海濱長廊

  • 位置:堅尼地城城西道 「卑路乍灣海濱長廊」
  • 交通:堅尼地城港鐵站 C 出口向海濱步行約6分鐘即達
假日好去處|夏日限定 6大主題海濱公園打卡+親子 超可愛的Messy Desk巨型滑梯,不止小朋友想玩,大朋友都好想去打卡!
超可愛的Messy Desk巨型滑梯,不止小朋友想玩,大朋友都好想去打卡!

荃灣海濱長廊 癲噹海濱水上嘉年華

換上泳裝的「癲噹」今次在荃灣海濱長廊就以海濱水上嘉年華為主題,形象百變的癲噹會化身陸上遊艇及藍白燈塔等,最好玩是那些可以飄移的可愛轆轆車仔,小朋友可以坐上去玩碰碰車,勁得意!

荃灣海濱長廊

  • 位置:荃灣海安路對出 荃灣海濱長廊
  • 交通:荃灣西港鐵站B1出口步行約10分鐘
假日好去處|夏日限定 6大主題海濱公園打卡+親子 換上泳裝的癲噹在荃灣海濱長廊上演一場水上嘉年華。
換上泳裝的癲噹在荃灣海濱長廊上演一場水上嘉年華。
假日好去處|夏日限定 6大主題海濱公園打卡+親子 可以隨意飄移的可愛癲噹轆轆車仔,小朋友可以坐上去玩碰碰車。
可以隨意飄移的可愛癲噹轆轆車仔,小朋友可以坐上去玩碰碰車。

灣仔「水上運動及康樂主題區」 Chocolate Rain與Messy Desk西部小鎮

寵物友善的灣仔「水上活動及康樂主題區」,插畫家Messy Desk 把這個海濱空間變身成充滿西部風情的小鎮,小鎮內放了可愛老房子、仙人掌及小動物裝置,仲邀請埋Chocolate Rain 的Fatina一齊探索小鎮風情。

灣仔水上運動及康樂主題區

  • 位置:灣仔北沿鴻興道至鴻興道天橋對開的「水上運動及康樂主題區」
  • 交通:銅鑼灣港鐵站C出口步行約9分鐘
假日好去處|夏日限定 6大主題海濱公園打卡+親子 Messy Desk 畫風活潑搞笑,為「水上運動及康樂主題區」增添歡樂氣氛。
Messy Desk 畫風活潑搞笑,為「水上運動及康樂主題區」增添歡樂氣氛。
假日好去處|夏日限定 6大主題海濱公園打卡+親子 小鎮內放了可愛老房子、仙人掌及小動物裝置,全部都好可愛得意。
小鎮內放了可愛老房子、仙人掌及小動物裝置,全部都好可愛得意。

「添馬至會展海濱長廊」 城中沙灘曬太陽

連接金鐘添馬和香港會議展覽中心的「添馬至會展海濱長廊(The Connector)」已變身為「城中沙灘」,設置了色彩繽紛的沙灘小屋、仿沙城堡和椰樹等夏日裝置,躺在沙灘椅上吹住海風Chill住睇維港海濱靚景,勁爽!

添馬至會展海濱長廊

  • 位置:連接金鐘添馬和香港會議展覽中心的灣仔海濱長廊
  • 交通:金鐘港鐵站A2出口步行約9分鐘
假日好去處|夏日限定 6大主題海濱公園打卡+親子 「城中沙灘」置有沙灘小屋、城堡和椰樹等,夏日感覺滿滿。
「城中沙灘」置有沙灘小屋、城堡和椰樹等,夏日感覺滿滿。
假日好去處|夏日限定 6大主題海濱公園打卡+親子 躺在沙灘椅在沙灘椅上睇維港海濱靚景,好舒服!
躺在沙灘椅在沙灘椅上睇維港海濱靚景,好舒服!

炮台山「東岸公園主題區」 共享煙花盛會

東岸公園主題區以花火為主題,日間看似蒲公英的裝置,晚上亮燈幻化成有如天上花火。場內亦有香港特色的霓虹燈招牌裝飾、配上祭典感十足的紙燈籠,氣氛浪漫,打卡一流!

東岸公園主題區

  • 位置:炮台山屈臣道以西的「東岸公園主題區」
  • 交通:炮台山港鐵站A出口步行約7分鐘
假日好去處|夏日限定 6大主題海濱公園打卡+親子 長椅上掛滿了小燈籠有如祭典,還有富香港特色的霓虹燈招牌裝飾,十分搶眼。
長椅上掛滿了小燈籠有如祭典,還有富香港特色的霓虹燈招牌裝飾,十分搶眼。
假日好去處|夏日限定 6大主題海濱公園打卡+親子 日間看來似蒲公英、晚上亮燈後有如天上花火的燈飾裝置,令到成個海濱即刻浪漫起來。
日間看來似蒲公英、晚上亮燈後有如天上花火的燈飾裝置,令到成個海濱即刻浪漫起來。

圖片來源:Habour Chill