何文田賽車場
何文田賽車場

何文田賽車場門票$38起!記者試玩 佔地5萬呎+電動高卡車+飄移車

香港好去處

廣告

何文田賽車場|想玩新奇又刺激嘅活動,位於何文田嘅室內電動高卡車場就啱晒你!全港只此一間,分別有飄移車及電動高卡車選擇,場內更有電競、籃球機及飛鏢機等娛樂設施,餐廳區亦會提供食物,老少皆宜唔會悶親,跟記者體驗做一日賽車手啦!

何文田賽車場記者試玩
全港獨有室內電動高卡車場佔地5萬平方呎

何文田「18 Challenge 愛民18彎」為全港唯一一間室內電動高卡車場,佔地足足5萬平方呎!分別有2條跑道,共18個彎位,包括「飄移車」、「XL飄移車」及刺激感十足嘅「電動高卡車」選擇,大人細路都啱玩!

何文田賽車場 「18 Challenge 愛民18彎」佔地5萬平方呎,空間非常廣闊。
「18 Challenge 愛民18彎」佔地5萬平方呎,空間非常廣闊。(圖片來源:新假期編輯部)

車場主打嘅「電動高卡車」全港獨有,唔好以為好似碰碰車咁零裝備就玩得,要先入房觀看教學影片,再由店員親自講解注意事項,帶埋頭盔先可以入場㗎!提提女士們著裙係禁止入場㗎,不過萬一真係忘記咗,都可以現場付費租借連身賽車服,記者著住整套裝備,未開始落場已經拓海上身!

何文田賽車場 教學影片會提醒大家入場前有咩注意事項。
教學影片會提醒大家入場前有咩注意事項。(圖片來源:新假期編輯部)
何文田賽車場 店員亦會親自講解該賽車道嘅特點。
店員亦會親自講解該賽車道嘅特點。(圖片來源:新假期編輯部)
何文田賽車場 女士們如果著裙係禁止入場㗎,不過亦可選擇付費租借賽車服。
女士們如果著裙係禁止入場㗎,不過亦可選擇付費租借賽車服。(圖片來源:新假期編輯部)
何文田賽車場 記者著住整套裝備,未開始落場已經拓海上身,帶埋頭盔就入得場!
記者著住整套裝備,未開始落場已經拓海上身,帶埋頭盔就入得場!(圖片來源:新假期編輯部)

因應疫情,重開後場內所有高卡車及飄移車及頭盔都進行咗深層清潔,每一節車都會以噴霧消毒車身,每位客人亦可配戴一次性即棄浴帽,咁就玩得安心又放心!

何文田賽車場 重開後場內所有高卡車及飄移車及頭盔都進行咗深層清潔。
重開後場內所有高卡車及飄移車及頭盔都進行咗深層清潔。(圖片來源:[email protected]
何文田賽車場 每一節車都會以噴霧消毒車身,咁就玩得安心又放心!
每一節車都會以噴霧消毒車身,咁就玩得安心又放心!(圖片來源:[email protected]

電動高卡車全港獨有 記者落場試玩

高卡車賽道有12個彎位,其中有3個髮夾彎,挑戰度較高!對車零知識嘅記者本身都怕電動高卡車會難以操作,但落場先發現比想像中容易控制,除咗頭一圈太激動下撞到圍欄外,其餘時間都駕駛得頗順暢。店員教路扭軚盤時儘量要用力扭到最盡,如果唔係就會轉唔切彎,但對於女仔嚟講,高卡車車軚手感較重,都有少許難度。

何文田賽車場 每位車手都會被分配特定嘅高卡車。
每位車手都會被分配特定嘅高卡車。(圖片來源:新假期編輯部)
何文田賽車場 高卡車賽道共有12個彎位。
高卡車賽道共有12個彎位。(圖片來源:新假期編輯部)
何文田賽車場
(圖片來源:新假期編輯部)
何文田賽車場 記者本身都怕電動高卡車會難以操作,但落場先發現比想像中容易控制。
記者本身都怕電動高卡車會難以操作,但落場先發現比想像中容易控制。(圖片來源:新假期編輯部)

提提大家高卡車無得「倒頭行」,不過即使稍一不慎撞到圍欄,卡車會立即暫停操作,員工會過嚟幫大家調整位置,絕對唔洗擔心要自己嚟!加上控制室內會有駐場員工留意住大家嘅舉動,咁就玩得安心又放心啦!場內會有排行榜,紀錄每位車手嘅賽車圈速,聽店員講暫時最高紀錄者係34秒一圈!

何文田賽車場 高卡車場每次都只會開放比一組客人,咁就唔驚會同陌生人相撞喇!
高卡車場每次都只會開放比一組客人,咁就唔驚會同陌生人相撞喇!(圖片來源:新假期編輯部)
何文田賽車場 同朋友一齊玩都好過癮!
同朋友一齊玩都好過癮!(圖片來源:新假期編輯部)
何文田賽車場 場內會有排行榜,紀錄每位車手嘅賽車圈速,聽店員講暫時最高紀錄者係34秒一圈!
場內會有排行榜,紀錄每位車手嘅賽車圈速,聽店員講暫時最高紀錄者係34秒一圈!(圖片來源:新假期編輯部)

大人細路齊飄移

另一條飄移車賽道大人小朋友都啱玩!飄移車身體績較細,而且無煞掣位,所以千祈唔好開行turbo去到盡。比起高卡車亦多咗倒頭功能,軚盤上有箭咀標誌,行駛時會根據箭咀指向,只要將箭咀扭至向後就可以倒後行。通常選擇飄移車嘅客人都係娛樂居多,而高卡車就較受想練習速度嘅車手歡迎。記者試玩後覺得飄移車比想像中刺激,轉彎時郁動旁邊嘅車棍會令飄移效果更強勁,但對新手嚟講,比較難同時兼顧駕駛及棍波,記者都係留返下次再挑戰!

何文田賽車場 「兒童飄移車」專提供比小朋友玩樂,做個小小賽車手!
小型飄移車適合小朋友玩。(圖片來源:新假期編輯部)
何文田賽車場 適逢聖誕節會有新款飄移車型「XL Crazy Car」推出,成人都可以飄埋一份!
去年店家推出嘅新款車型「XL飄移車」就連大人都可以玩!(圖片來源:新假期編輯部)
何文田賽車場 轉彎時郁動旁邊嘅車棍會令飄移效果更強勁,但對新手嚟講,比較難同時兼顧駕駛及棍波,記者都係留返下次再挑戰!
不過XL版飄移車係唔可以同細飄移車同時落場㗎,大人小朋友就要分開玩~(圖片來源:新假期編輯部)
何文田賽車場 記者試玩後覺得飄移車比想像中刺激。
記者試玩後覺得飄移車比想像中刺激。(圖片來源:新假期編輯部)
何文田賽車場 選擇飄移車嘅客人都係娛樂居多,而高卡車就較受想練習速度嘅車手歡迎。
選擇飄移車嘅客人都係娛樂居多,而高卡車就較受想練習速度嘅車手歡迎。(圖片來源:新假期編輯部)

餐廳+電競+籃球機

場內設有餐廳提供食物,揸車揸到攰都可以食返餐補充體力。如果高卡車同飄移車都仲未滿足到你嘅賽車心,不妨體驗埋場內嘅電競虛擬賽車,逼真度超高!玩得唔夠盡興,都仲有其他遊樂設施,例如籃球機及飛鏢機等,老少皆宜,一定唔會悶親!

何文田賽車場 餐廳區都算多位置。
餐廳區都算多位置。(圖片來源:新假期編輯部)
何文田賽車場 午市仲會有Lunch set,唔嚟揸車都可以過嚟食個晏!
午市仲會有Lunch set,唔嚟揸車都可以過嚟食個晏!(圖片來源:新假期編輯部)
何文田賽車場 場內仲有電競設備,平日都唔少玩家捧場。
場內仲有電競設備,平日都唔少玩家捧場。(圖片來源:新假期編輯部)
何文田賽車場 雖然只係模擬賽車,但都相當逼真!
雖然只係模擬賽車,但都相當逼真!(圖片來源:新假期編輯部)
何文田賽車場 玩得唔夠盡興,都仲有其他遊樂設施,例如籃球機及飛鏢機等。
玩得唔夠盡興,都仲有其他遊樂設施,例如籃球機及飛鏢機等。(圖片來源:新假期編輯部)
何文田賽車場 男女老少都啱玩,一定唔會悶親!
男女老少都啱玩,一定唔會悶親!(圖片來源:新假期編輯部)
何文田賽車場 仲有禮品部出售裝備。
仲有禮品部出售裝備。(圖片來源:新假期編輯部)

睇完記者介紹,都想親身去試玩?Uber Taxi 推出限時優惠,輸入優惠碼「 WW2022」即享 8 折乘車優惠。Uber Taxi 可以自動配對最就近嘅的士,仲可以清楚掌握預計抵達時間、行車路線同預算車資,讓你盡情享受生活!

入優惠碼亦非常簡單,於Uber應用程式內Click 「Wallet」→ 「優惠碼」→ 「新增優惠碼」輸入「 WW2022」優惠碼,新舊用戶均可享8折優惠*。

  • 「18 Challenge 愛民18彎」室內高卡車場
  • 地址:何文田愛民廣場2樓S1號(顯示地圖
  • 前往方法:何文田站B2出口步行7分鐘即可到達
  • 營業時間:星期一至四 11am-10pm、星期五11am-11pm、星期六至日10am-11pm
  • 電話:6467 9459/6467 9369/5168 1878
  • 價錢表(以官方最新價錢為準)
    1)「電動高卡車」
    星期一至四 $238/1節(包1罐能量飲品)或 $599/3節
    星期五至日及公眾假期 $298/1節(包1罐能量飲品)或 $720/3節
    週末及公眾假期 $520/2節
    進階級速度:星期一至四 +$30/1節,星期五至日及公眾假期 +$40/1節
    *電動高卡車1節為8分鐘
    *進階級者必需於入門級速度達成最佳圈速38秒內
    2)「兒童飄移車」:
    全時段 $100/1節
    *飄移車1節為6分鐘
    3)「電競」
    星期一至四 $38/10分鐘 或 $150/60分鐘
    星期五至日及公眾假期 $58/10分鐘 或$200/60分鐘
  • 注意事項:「電動高卡車」身高要求150cm以上,「兒童飄移車」身高要求120cm以上及體重63kg以下,「成人XL飄移車」身高要求140cm以上及體重108kg以下
  • Facebook專頁:18 Challenge Karting

*每位用戶最多可獲得一程8折優惠,最高優惠金額為$20。優惠不可轉讓及不能兌換現金;優惠有效期由即日起至 2022 年 6 月 8 日;每次 Uber 行程只能使用一個優惠碼。如果你的帳戶有多於一個適用於你行程的優惠碼,系統會優先使用符合條款及細則,以及價值最高的優惠碼。優惠只適用於香港的行程,名額有限,先到先得,額滿即止。優惠或受其他有關條款及細則約束;有關任何優惠的爭議,Uber 保留最終決定權。

常見問題

場內有多少款車型?

三款,包括電動高卡車、兒童飄移車及…即睇詳情

怎樣前往?

何文田港鐵站B2出口步行約…即睇詳情

撰文:Icy圖片來源:新假期編輯部

最新吃喝玩樂資訊