Protected: 三國迷集合！中華文化節2025：戲曲藝術薈萃三國風雲現舞台

三國故事由細聽到大，無論係小說、電視劇定打機，關羽、孔明、曹操呢啲名，大家實唔會陌生啦！好多經典名句同場面，真係諗起都覺得熱血沸騰。作為中華文化節核心部分嘅中國戲曲節，今年特別以「三國戲」做主打，將呢啲家傳戶曉嘅經典角色同故事搬上戲曲舞台，畀大家用另一個角度感受三國嘅魅力。作為第二屆中華文化節嘅重頭戲之一，今次戲曲節邀請多個頂尖劇團，嚟個好戲六連擊，鍾意三國故事或者想接觸下傳統文化嘅朋友，可以一齊嚟睇下有咩精彩節目，感受一下戲曲X三國嘅威力！ 中國國家京劇院：守正創新 氣勢磅礴 打頭陣嘅係鼎鼎大名嘅中國國家京劇院，由著名京劇藝術家于魁智同李勝素帶領一眾精英演員，為大家帶嚟三場京劇瑰寶。想睇新嘢？有歷時兩年創排的歷史劇《納土歸宋》，講述五代十國末期吳越王錢俶納土歸宋嘅故事，場面宏大。想睇經典三國戲？《群英會、借東風、華容道》係無人不曉的經典群戲，睇群英會各路英雄心機盡算、孔明借東風、關羽華容道放走曹操，夠晒過癮。仲有家傳戶曉嘅《白蛇傳》，李勝素將會化身千年蛇精白素貞，演繹與許仙嘅愛情故事，唱做並重精彩可期！ 節目詳情： 新編歷史劇《納土歸宋》 日期：6月20日 時間：晚上7時30分 主演: 于魁智、李勝素、王越、杜喆、胡濱、褚灃怡、陳旭之、王珏、馬翔飛等 《群英會、借東風、華容道》 日期：6月21日 時間：晚上7時30分 主演: 于魁智、杜喆、胡濱、王越、郭鑄鋒、王珏、馬翔飛、郭曉磊、危佳慶等 《白蛇傳》 日期：6月22日 時間：晚上7時30分 主演: 李勝素 / 朱虹（分飾白素貞）、郭鑄鋒、戴忠宇、胡濱、王珏、蔣騎澤、鄭高陸、衛芃宇、王雪松等 地點：香港文化中心大劇院 票價：$560 $460 $360 $260 河南省越調藝術保護傳承中心：譽滿全國的女諸葛 河南越調都係今次焦點之一，特別係佢哋獨樹一幟嘅「申派」三國戲，最出名就係由女鬚生演活諸葛亮。首位越調梅花獎得主申小梅，繼承咗創派人申鳳梅嘅功力，將孔明嗰種「泰山崩於前而色不變」嘅從容氣度演繹得淋漓盡致，唔單止扮相豪邁，唱腔更加係鏗鏘有力、擲地有聲。想睇吓呢位孔明點樣收服姜維? 咁就唔好錯過《收姜維》喇；仲有故事輕鬆詼諧嘅喜劇《李天保娶親》，越調女生角聲腔過耳難忘，睇過你就知咩叫做「大師出高徒」。 節目詳情： 《收姜維》 日期：6月27日 時間：晚上7時30分 主演：申小梅、胡紅波、聶雷、趙艷琳、李巧榮 《李天保娶親》 日期：6月28日 時間：晚上7時30分 主演：申小梅、劉志友、趙艷琳、張喜平、孫倩倩 地點：香港大會堂劇院 票價：$390 $290 $190 西安演藝集團秦腔青年實驗團：戲曲界嘅Rock & Roll Chinese Rock & Roll你有冇聽過？秦腔係最古老的地方劇種之一，亦被稱為係戲曲界嘅搖滾樂，唱腔率真豪放，聽起嚟令人熱血沸騰，非常有特色。今次佢哋先有傳統大戲《回荊州》，孫尚香呢個三國入面最剛烈嘅女子究竟會點應對呢段政治婚姻? 仲有秦腔八大本之一嘅《周仁回府》，堪稱秦腔藝術嘅代名詞。戲入面周仁同義兄之間果種「水裡水裡來，火裡火裡去」嘅兄弟情，睇到人又激動又感動。 節目詳情： 《回荊州》 日期：7月4日 時間：晚上7時30分 主演：齊愛雲、王新倉、屈巧哲、張濤、于朝飛、鄧文、孫亞東、譚建勳、王鑫 《周仁回府》 日期：7月5日 時間：晚上7時30分 主演：王新倉 / 譚建勳 (分飾周仁)、竇鳳琴、齊愛雲、張濤、張武宏、孫亞東、鄧文 地點：高山劇場新翼演藝廳 票價：$390 $290 $190 紹興小百花越劇團：偶像派實力兼備 越劇嘅女小生出名風度翩翩，好似偶像劇男神，而二度梅得主吳鳳花就係當中嘅表表者，文武全才。為咗真愛大家可以去到幾盡? 紹興小百花越劇團帶畀大家先苦後甜嘅兩齣劇，先有淒美虐戀《孔雀東南飛》，而喜感十足嘅《沉香扇》就講書生為追女仔去做書僮，佳人又為咗愛情去考狀元。談完情，吳鳳花化身英氣將軍，同佢好拍檔陳飛喺《穆桂英掛帥》發揮佢哋深厚嘅武戲功底，展現巾幗英雄風采。 節目詳情： 《孔雀東南飛》 日期：7月18日 時間：晚上7時30分 主演：吳鳳花、陳飛、潘琴、于偉萍 《沉香扇》 日期：7月19日 時間：晚上7時30分 主演：吳素英、吳鳳花 《穆桂英掛帥》 日期：7月20日 時間：晚上7時30分 主演：吳鳳花、陳飛 地點：葵青劇院演藝廳 票價：$520 $420 $320 $220 粤劇《三氣周瑜》、《長坂坡》：本地薑演繹三國經典 講到三國戲，點少得本地粤劇嘅演繹？由大老倌阮兆輝擔任藝術總監，帶領一眾老、中、青三代粤劇精英，上演兩齣傳統經典「古老戲」。《三氣周瑜》三場高潮迭起嘅戰事會用返好耐冇見嘅經典排場作演出，深入描寫周瑜同孔明之間嘅鬥智鬥力。《長坂坡》就係另一齣英雄戲，睇趙子龍單騎救主，曹操、劉備等群雄對決場面。想感受粤劇古腔同傳統功架嘅攝人魅力，呢兩場就唔可以錯過。 節目詳情： 《三氣周瑜》 日期：7月26日 時間：晚上7時30分 主演：阮兆輝、李龍、尹飛燕、溫玉瑜、何偉凌、譚穎倫 《長坂坡》 日期：7月27日 時間：晚上7時30分 主演：李龍、阮兆輝、尹飛燕、溫玉瑜、何偉凌、譚穎倫 地點：沙田大會堂演奏廳 票價：$480 $380 $280 $180 浙江京崑藝術中心 (崑劇團)：雅緻崑曲 細味經典 戲曲節仲有被譽為「百戲之母」嘅崑劇，由劇團中堅新一代施展渾身解數。打頭陣係戲曲改革典範嘅《十五貫》，講述一單由十五貫銅錢引發嘅奇案，查案過程充滿巧思，清官為民翻案大快人心。跟住仲有大家都好鍾意嘅喜劇《獅吼記》，呢個故事無論電影電影同粤劇都做過，不過崑曲版嘅獨特妙趣係不能錯過㗎。除咗呢兩套全劇，崑劇其實仲有好多精彩劇目，有選擇困難，想全部都要?精選折子戲專場幫到你，多個經典故事，文武兼備，一次過睇晒大滿足！ 節目詳情： 《十五貫》 日期：8月15日 時間：晚上7時30分 主演：鮑晨、田漾、項衛東、徐霓、王文惠、王恒濤、胡立楠 《獅吼記》 日期：8月16日 時間：晚上7時30分 主演：曾杰、胡娉、鮑晨 傳統折子戲專場《瑤台》、《罷宴》、《亭會》、《寄子》、《水鬥》 日期：8月17日 時間：下午2時30分 主演：吳心怡、席秉琪、胡立楠、李琼瑤、鮑晨、王靜、王恒濤、王文惠、項衛東、張侃侃、徐霓、倪潤志、張唐逍、田漾、黃翌 地點：高山劇場新翼演藝廳 票價：$450 $350 $250 其他精彩延伸活動：講座、電影、工作坊 除咗精彩嘅舞台演出，戲曲節仲準備咗一系列延伸活動，畀大家更深入了解戲曲藝術。包括多場由名家主講嘅藝人談同演前座談會，例如于魁智、李勝素會分享京劇嘅傳承，申小梅講解越調「申派」唱腔，阮兆輝、李龍、尹飛燕暢談粤劇三國戲等。仲有難得嘅後台導賞、京劇示範演出、崑劇大師班、講座同展覽，全部都係免費入場，機會難逢！ 另外，戲曲節亦精選咗多部1950-1980年間嘅經典戲曲電影，包括京劇《借東風》、《群英會》、《長坂坡》，越調《諸葛亮弔孝》，粤劇《孔明三氣周瑜》、《洛神》，票價只需$70，就可以重溫大師嘅傳世佳作！ 節目咁豐富，無論你係資深戲迷，定係想初步接觸戲曲藝術，甚至係鍾意三國故事嘅朋友，今屆中國戲曲節都有啱你心水嘅選擇。記住留意各個節目嘅演出日期、時間同地點，快啲計劃定睇戲行程啦！ 有關各項節目詳情、票務資訊及免費活動登記方法，請參閱相關網頁。 詳情：https://www.ccf.gov.hk/tc/programme-categories/chinese-opera/ (Presented by：LCSD)

Protected: 三國迷集合！中華文化節2025：戲曲藝術薈萃三國風雲現舞台

人氣搜尋文章

最Hot飲食情報

$978 入手除塵蟎吸塵機

IRIS OHYAMA IC-FAC4 型號

史上吸力最強除塵蟎吸塵機

每分鐘拍打次數達 14,000 次

輕鬆清除床褥上的塵蟎、灰塵

Protected: 三國迷集合！中華文化節2025：戲曲藝術薈萃 三國風雲現舞台

人氣搜尋文章

最Hot飲食情報

$978 入手除塵蟎吸塵機

IRIS OHYAMA IC-FAC4 型號 史上吸力最強除塵蟎吸塵機 每分鐘拍打次數達 14,000 次 輕鬆清除床褥上的塵蟎、灰塵

Protected: 三國迷集合！中華文化節2025：戲曲藝術薈萃三國風雲現舞台

IRIS OHYAMA IC-FAC4 型號

史上吸力最強除塵蟎吸塵機

每分鐘拍打次數達 14,000 次

輕鬆清除床褥上的塵蟎、灰塵