韓國SEVENTEEN成員金珉奎訪港！佐敦食避風塘炒蟹中菜館

飲食熱話

Sakura Mak

Sep 8 2025

韓國SEVENTEEN成員MINGYU金珉奎最新嚟咗香港，擔任NESCAFÉ品牌大使！他在港期間仲去咗食避風塘炒蟹，食到好滋味𠻹啊！即睇係邊間餐廳！

韓國SEVENTEEN成員金珉奎訪港！

在 Instagram 查看這則貼文新假期 Weekend Weekly（@weekendweekly）分享的貼文

韓國SEVENTEEN成員MINGYU（金珉奎）最近驚喜訪港，擔任NESCAFÉ品牌大使！並於較早前9月5日現身又一城出席新品發佈會，即場學超流利廣東話冧爆Fans，仲重現返兩個廣告相嘅超正表情，令到全場尖叫聲不斷！

新假期熱話 (圖片來源：IG@min9yu_k 、新假期編輯部) — (圖片來源：IG@min9yu_k 、新假期編輯部)

金珉奎去佐敦食避風塘炒蟹！

SEVENTEEN成員金珉奎最近喺個人IG分享今次訪港的相片，其中去咗食避風塘炒蟹，仲食到舔舔脷！唔少眼利嘅網民發現是佐敦老牌中菜館「竹家莊」，餐廳主打地道避風塘海鮮美食，想食同款炒蟹就要趁早訂位了！今次被SEVENTEEN成員金珉奎寵幸的餐廳「竹家莊」是一間已有38年歷史的中菜館。店內主打多款港式避風塘菜式，而根據網上資料所見，金珉奎食的避風塘炒大肉蟹每隻索價要$980；而其他同款海鮮如：豉椒炒蜆$120、蒜蓉粉絲蒸聖子皇$196/2隻、豉椒炒青口$128。想食齊所有同款的話，埋單$2,000走唔甩！