IKEA

IKEA情緒勒索?港男不解清理餐盤文化 網民圍剿:10年前已經咁寫

飲食熱話

廣告

無論在香港還是國外,有不少快餐店都很講求「自律」,會要求客人自行清理餐盤,不過並非人人都會願意這樣做。近日,一位網民在社交平臺Threads上指控IKEA情緒勒索,竟然長篇大論要求客人自行清理餐盤。
IKEA 網民指出IKEA以上「建議」是情緒勒索。(圖片來源:Threads)
網民指出IKEA以上「建議」是情緒勒索。(圖片來源:Threads)

網民怒斥IKEA情緒勒索

該網民表示,他認為IKEA在要求顧客自行整理餐盤時,實際上是情緒勒索。
「IKEA咪最識得情緒勒索, 相宜價錢就要幫你執翻啲餐盤? 我落茶記食嘅野平過佢都唔洗自己執,唔知點解我覺得會有啲道德X出來講野,但我比左錢本身包埋嘅嘢點解要比佢勒索我?」

IKEA (圖片來源:IKEA官網圖片)
(圖片來源:IKEA官網圖片)

網民不滿事主:你冇道德就唔驚俾人綁架

不過,事主指控IKEA情緒勒索並不是每個都可以接受。有人認為,顧客有義務清理餐盤,並指出告示在10年前已經存在,「呢張野十年前已經係咁寫」、「明知佢想慳錢但個表達算係幾好㗎啦」,也有網民怒斥事主的帖文,「你冇道德就唔驚俾人綁架!」、「人哋又唔係定啲勁不合理規矩,只不過係食完自己清檯,唔鍾意咪唔好幫襯」

其他網民留言:

  • 「Ikea由始至終個經營方針都係叫客人自己執,我十幾年前做兼職時已經係,唔係近日既事,亦無話咩情緒勒索,向來都有客人唔執,都冇話要將佢哋點。而其實佢有係有請人做執枱,因為好多客人都唔執,就算執完都要職員再抹;麥當勞就日本嗰啲都會叫客人自己執,香港反而唔會,應該每個地方唔同。」
  • 「IKEA要客人清潔張枱係對!因為快餐店本身係叫做SELF SERVICE的,唔知點解後來加上送餐服務,再加上有員工代你執枱,麥當勞都係㗎我估都係爭生意嘅問題啫」

也有人指出如果每個人都不清理餐盤,將無法找到座位。「而家ikea咪同啲懶人講買野食舊錢唔包執餐,你而家有位食都係建基於上一手自動自覺執餐,個個都好似你咁諗大家都無位食野啦」

IKEA IKEA自助式取餐及清理餐盤的習慣早已存在。(圖片來源:YouTube@笑波子)
IKEA自助式取餐及清理餐盤的習慣早已存在。(圖片來源:YouTube@笑波子)

英國網民:IKEA寫咁多字好可憐

一位在英國生活的網民則提供了不同的視角,指出在英國,大多數餐廳都是顧客自行清理餐盤,並且有的地方還需要分類垃圾。「我喺英國個X個餐廳都係自己執餐盤(當然你可以直接唔執然後走人,但九成人都會執),有D仲要分類埋垃圾。但成班亞洲猿人好似沒演化咁,講咩『我比份錢包埋架啦』。IKEA寫咁多字我見到都覺得可憐,點解要你所謂嘅「情緒勒索」呀?就係有因為有你呢D猿人囉,猿人爭霸戰入面D猩猩都比你條XX文明,你食咩ikea姐,爬返上樹食香蕉先適合你。」

IKEA (圖片來源:YouTube@bouncingBacons)
(圖片來源:YouTube@bouncingBacons)

事主反駁:唔好斷章取義

面對網民留言圍剿,事主反駁指「社會實驗,我PO得就真係預咗道德X會黎X我,但最好笑係有啲好明顯係想X你,又要扮好心支持你,香港人好大壓力。」他又指出大家只是斷章取義,並強調客人是應該清理餐盤,只是不解為何IKEA要長篇大論要求客人清理。
「喂咪住先,你哋X真係冇問題,但係唔該追下故先,唔好斷章取義,從來冇話我覺得唔應該執盤,而家講緊係佢打呢段嘢道德綁架緊我,你地班人咪唔鍾意就X啦!」

圖片來源:Threads、IKEA官網圖片、YouTube@笑波子