日本爆紅Gelati登陸香港！必試熱帶水果椰子/海鹽焦糖開心果
廣告
今個夏天熱辣辣，想食啲冰涼甜品降溫？之前喺日本網上爆紅嘅 Häagen-Dazs Japan 全新 Gelati 系列終於直送香港啦！而家唔使飛轉日本，留喺香港都可以歎到呢款人氣意式冰凍甜點。今次全新系列主打兩款新口味，將意式雪糕完美結合，可以分開食又可以拌勻食，一杯有齊三重滋味！
熱帶水果遇上椰子 投入盛夏海島假期
如果你鍾情清新果香，就一定要試「熱帶水果椰子意式冰凍甜點」。將菠蘿、芒果同埋熱情果三款熱帶水果融入雪糕，酸甜清爽，果香極之鮮明。另一邊就配搭香滑細膩嘅椰子雪糕，散發住甜香馥郁嘅味道。將兩款雪糕拌勻一齊食，鮮活果香同椰香互相交織，清新得嚟又唔會覺得膩～
海鹽焦糖配開心果 濃郁愛好者必試
鍾意濃郁堅果風味嘅朋友，「海鹽焦糖開心果意式冰凍甜點」係你嘅首選。廠方以 0.01% 為單位精準微調鹽分，將海鹽焦糖雪糕融合焦化牛油同焦糖風味，微鹹中帶少少苦韻，令甜味更加平衡，香濃得嚟依然清爽。另一邊就係用咗經過烘烤嘅開心果製成嘅雪糕，堅果香氣層層綻放，入口醇厚細滑。兩款風味各有特色，拌勻之後更加碰撞出極富層次嘅濃郁新滋味，包你一口接一口。
關鍵詞
飲食熱話
圖片來源：官方圖片
