網民怒揭2大麥當勞優惠券「騙案」 轟：根本同原價一樣！
廣告
麥當勞不時就會在官方手機app推出優惠券，吸引不少食客用來購買點餐，不過最近有網民列出麥當勞優惠券的2大「騙案」，怒轟優惠券的價錢「根本就冇平到」！
網民鬧爆：麥當勞優惠券好反智
最近有網民在討論區大鬧麥當勞近期推出的優惠券，指這些優惠券「明明同原價一樣，喺度扮有優惠呃人，根本就冇平到！」附上的圖片為兩款甜品小食，包括香芋批和珍珠奶茶味麥旋風，原價$11的香芋批在優惠券上以同價列出，原價$17的珍珠奶茶味麥旋風亦出現同樣情況。
網民嘲：佢9成9優惠券都係扮有優惠
網民對此事亦大感不平，認為麥當勞不應欺騙顧客「基本上佢9成9優惠券都係扮有優惠，係咪可以商品說明條例告佢」、「跟本就係想陰你，等你以為有優惠所以去買，勁X街！」、「其實應該可以報海關投訴不良營銷手法」，又有網民認為既然券上列明「優惠有效期：26/02/2024-03/03/2024 手機訂餐及餐廳訂餐優惠」，就應做出與原價不同的優惠價，「我個日用app去到睇一樣價都嚇窒左」、「已經發現咗一排佢所謂優惠券根本就係正價」、「最好笑仲寫住可重用」、「之前早晨個優惠餐都係咁」。
圖片來源：討論區圖片、Facebook@McDonald's
