香港冰室食客2人獲分4人枱 經理屈霸道 港男：港人北上食嘢係有原因

事主被安排4人座後經理指責：你一個人坐咁多位

事緣早前事主在下午茶時段，到小西灣的冰室與友人吃飯，當時他帶着一個大紙箱，侍應於是安排2人坐4人枱。但當經理注意到紙箱放在座位上，便指出「你放個箱喺個位度，陣間有人黎你要拎走喎，你一個人坐咁多位」。這番話讓網民感到不滿，他回應道：「我2個人喎，況且係你哋職員叫我坐呢度，而家你又話我有問題」。儘管如此，經理仍堅持他的立場表示：「咁你依張4人枱，所以都會同你講聲！」這使得網民感到極度不滿，並在網上發文表達他的不滿。

經理死撐令事主更不滿：係咁話我有問題

該事主認為經理應該承認錯誤，而不是繼續指責顧客。「其實錯咗咪認囉，撐撐撐，撐乜啫……你已經知道你話錯我，但都要繼續將責任推落我度，係咁話我有問題」。他表示，雖然他之前也曾多次光顧這家冰室，並且對職員的態度感到滿意，但這次的經歷讓他深感失望。「唔怪得間舖咁靜，每次啲職員都好好，今次真係好有問題」。最後事主又稱：「俾錢買難受咩？所以真係唔怪得香港人走唒囉！」

網民意見兩極：你都幾玻璃心

這篇帖文在社交媒體上引起了廣泛的討論，不少網民建議他應該「起身走人」，以示抗議。「你窒返佢你間舖會滿座再講囉」。然而，也有網民認為樓主反應過度，認為他應該更加理解和包容。「你話每次去這間啲職員都好好，而只係叫你有人嚟搭枱就要將啲嘢拎走，又唔係要你即刻拎走，就可以有啲咁嘅結論，你都幾玻璃心」。

其他網民留言：

• 「講一聲陣間有人嚟個箱放返落地好合理。茶餐廳要搭枱好正常。你窒返佢你間舖會滿座再講囉。」
• 「啲連鎖茶餐廳，做嚟做去都過班人，個腦仲停留自由行好旺嘅年代。」
• 「佢意思應該係如要搭檯就拎開個箱，無咩問題 。」
• 「其實樓主第一句答好啊，咁咪冇晒事囉，就算你兩人坐四人位，多人都要搬走個箱㗎啦。」