香港雞煲店晚市拍烏蠅被指受北上消費影響　網民不服：唔好咩都賴北上！

晚市時間　一品雞煲水靜鵝飛

事主在「全港店舖消息(開張/執笠)關注組」分享一張於6:10pm拍攝的照片，照片中餐廳空無一人，事主指「生意真係好慘淡，卡位其實坐滿四五張到囉，但係真係唔合格」，更慨嘆「香港嘅食肆敵得過疫情，竟然敵唔過北上消費」，事主認為「一品雞煲曾經紅極一時，最好食係土瓜灣店，又開得夜、又多位，最勁喺荃灣曾經有三間分店」，對於一品雞煲的沒落感到非常可惜。

網民坦言：真係唔夠競爭力

有網民同意說法，直指香港飲食業完全比不上深圳，「只要試過上一兩次深圳，就真係會覺得香港飲食價錢好貴」、「我覺得佢幾好食，但真係貴到黐線」、「香港買新鮮雞係好X貴，但喺國內，價錢仲平過香港冰鮮雞」、「跟國內比仍相差很遠，雪雞同新鮮無得比。另外價錢問題，一品平均消費250， 國內100。」、「內地地方大，坐得舒服，環境多選擇可以選擇坐室外」，認為無論是品質、價錢、環境都比不上大陸。

有網民不滿：唔好咩都賴北上

但亦有網民指出不應所有事都賴北上，直指是餐廳本身食物、質素、服務差，「呢間嘢出名垃圾，狗都唔食」，即使不北上亦沒有人會食，「就算唔北上，都未必會幫趁」，被淘汰很正常。

• 「啲雞無咩肉，點搞」
• 「又要搭枱，又限時，又貴，又唔好食，又郁啲就黑面，又冇service」
• 「鄉港服務業，本質西口西面無得改， 自以為是
• 「又要受氣，去俾錢食嘢好似去乞食咁，疫情之後大家都變咗廚神，買隻雞、買包雞煲醬已經整到，仲使鬼受你氣咩？」
• 「梗係啦，前排去完叫個雞煲果d汁完全唔X夠到干煎咁X樣，迫你比錢叫多個汁，完全係搵9笨柒」

不過，也有網民提出質疑，建議應該在不同時間點拍攝更多照片來進行比較，「7:00拍多張先啦」和「公道啲6點食邊有人」，認為是事主故意引起話題。